Tɔlɔ Mɔ 34 - WE NU GALE 1995

Oli ngbala nù Kanana

¹ NWA ba nu a hã Mɔizɛ na,

² a tɔ̃ mbulanɔ gɛ hã obe Israɛlɛ na: “'Da fala nɛ le ngɔ nù Kanana, kɛ mi hã ma hã nɛ ni, nɛ li ngbala nù 'da nɛ sɛ na mɛ gɛ:

³ li ngbala do si ba gɔtɔ, ma yolo sɛ tɛ li gba zɔ̃ Tisinɛ, nɛ ma Sɔkpɔ tɛ nù Edɔmɛ. Li ngbala kɛ si 'biti gba wese, ma la sɛ do zu gba lì Ndɔ Fio si ba gɔtɔ.

⁴ Ma 'bili sɛ do di ni, nɛ ma la do ti nyanga kala Akarabimɛ, nɛ ma la si li gba zɔ̃ Tisinɛ. 'Do nɛ, nɛ ma la sɛ do Kadɛsɛ-Barnea si ba gɔtɔ, nɛ ma hɔ Hasarɛ-Adarɛ do Asmoni.

⁵ Ma yolo sɛ Asmoni ni, nɛ ma 'bili 'bɔ we kpa fua lì Ezipeto, nɛ ma to nu gba lì Meditɛrane.

⁶ “Li ngbala kɛ si 'biti gɛ̃a wese sɛ a gba lì Meditɛrane.

⁷ “Li ngbala kɛ si gbãlã ngɔ, ma la sɛ do sanga gba lì Meditɛrane do kala Hɔrɛ.

⁸ Ma yolo sɛ tɛ kala Hɔrɛ, nɛ ma la do Lɛbo-Hamatɛ do Sɛdadɛ.

⁹ Nɛ ma yolo di ni, nɛ ma hɔ Zifroni, nɛ ma Sɔkpɔ tɛ Hasarɛ-Enanɛ. Ki ni sɛ a li ngbala 'da nɛ si gbãlã ngɔ gɛ a ni.

¹⁰ “Li ngbala kɛ si 'biti gba wese, ma la sɛ do Hasarɛ-Enanɛ we Sɔkpɔ tɛ Sɛfamɛ.

¹¹ Nɛ ma yolo di ni, nɛ ma hɔ Ribla. Mɔ yolo Ainɛ, nɛ nde Ribla si 'biti gba wese. 'Do nɛ, nɛ ma la sɛ gbaa do ngɔ kala kɛ mɔ yolo nu Ndɔ Genezarɛtɛ, nɛ nde ma si 'biti gba wese ni.

¹² Nɛ ma to sɛ fua lì Yɔrdanɛ, nɛ ma Sɔkpɔ do ndɔ Fio. Ki ni sɛ a li ngbala nùi 'da nɛ a ni.”

¹³ Mɔizɛ tɔ̃a mbulanɔ ni hã obe Israɛlɛ, nɛ 'do nɛ, nɛ a tɔ̃ hã wa na: “Kɛ gɛ a nùi NWA ba nu ɛ na, wa to zeke kɔ wa kɛ̃ ma dɛ kɔ̃ onu kpala nɛ kusi do dɔ nɛ ni.

¹⁴ Mba gɔ, onu kpala Rubɛnɛ, do Gadɛ do mbee nu kpala Manase, wa kpa 'bili tɛ nùi 'da wa ia.

¹⁵ 'Bili tɛ nùnɔ wa kpa ma ni, ma dɛ kulu Yɔrdanɛ, si 'biti gba wese, nɛ ma ka mɔ dɛ li le Yeriko.”

Li okpasa winɔ wa nɛ kɛ sanga nùi ni

¹⁶ NWA tɔ̃a hã Mɔizɛ na:

¹⁷ “Nganga Elazarɛ do Yozue, be 'da Nunɛ, wa a wa nɛ kɛ̃ sanga nùi.

¹⁸ Nɛ hã sɛ kpasa wi kɔ nu fɛlɛ kpo kpo hã wa we gala wa kɔ toe ni.”

^19-28 Kɛ gɛ a li owinɔ ni: Nu kpala Li kpasa wi Yuda Kalɛbɛ, be 'da Yɛfune Simeoni Sɛmuɛlɛ, be 'da Amihudɛ Bɛnzamɛ Elidadɛ, be 'da Kisloni Danɛ Buki, be 'da Yogli Manase Haniɛlɛ, be 'da Efɔdɛ Efraimɛ Kɛmuɛlɛ, be 'da Siftanɛ Zabuloni Elisafanɛ, be 'da Parnakɛ Isakarɛ Paltiɛlɛ, be 'da Azanɛ Asɛrɛ Ahihudɛ, be 'da Sɛlomi Nɛftali Pɛdahɛlɛ, be 'da Amihudɛ

Nu kpala Li kpasa wi

²⁹ Ki ni a okpasa winɔ kɛ nwa saka wa, we kɛ̃ nù Kanana dɛ sanga nu kpala obe Israɛlɛ gɛ a ni.