Tɔlɔ Mɔ 26 - WE NU GALE 1995

Fala bɔa tɔlɔ onu kpala Israɛlɛ

¹ 'Do 'dã zɛlɛ ni, nɛ NWA tɔ̃ hã Mɔizɛ do nganga Elazarɛ, be 'da Aroni na:

² “Nɛ tɔ́lɔ́ obe Israɛlɛ, do 'da nu fɛlɛ wa. Nɛ tɔlɔ sɛ a wi wilinɔ wa do 'bu sabɛlɛ bɔa we kũ dɛ ngɔ, nɛ wa wia dɛ to soda ni.”

^3-4 Mɔizɛ do Elazarɛ wa zila nu NWA. Nɛ wa sa mɔ hã obe Israɛlɛ vɛ̃, owi wilinɔ vɛ̃ kɛ wa do 'bu sabɛlɛ bɔa we kũ dɛ ngɔ ni. Wa tɛa, nɛ wa mba ngba wa dɛ ngɔ mbɛ nù Moabɛ, dɔ̃ɔ do nu lì Yɔrdanɛ kɛ ma ka mɔ dɛ li le Yeriko. Nɛ wa tɔlɔ wa ɔ nɛ kɛ NWA ba do nu a hã Mɔizɛ ni. Onu kpala Israɛlɛ, kɛ wa la zi Ezipeto ni, wa kɛ:

^5-7 Kɔ nu kpala Rubɛnɛ, kuti bulu be 'da Yakɔbɔ, nɛ wa kpa onu kɔnggɔ benɔ 'da a gɛ: Hanɔkɛ, Palu, Hɛsroni do Karmi. Nɛ ngɔ gili nu kpala Rubɛnɛ vɛ̃ a 43.730.

⁸ Mbe be 'da Palu li a a Eliabɛ.

⁹ A a baa Nɛmuɛlɛ, Datanɛ do Abiramɛ. (Datanɛ do Abiramɛ, wa zi a ogã wi ngɔ obe Israɛlɛ, kɛ wa bɛ̃a zi we nu Mɔizɛ do Aroni ni. Wa si zi 'do winɔ 'da Kore, do 'da fala wa dɛa zi nga zu hã NWA ni.

¹⁰ Nɛ nùi ma gbini, nɛ ma zu'du do wa, nɛ wa fia fala nɛ kpo do Kore, do owinɔ 'da a.

¹¹ Nɛ we ma bɛlɛ tala wi wilinɔ kama bɔa do 'bu wa mɔlɔ ni. Nɛ mɛ ni ma dɛa zi tɛ̃ ɛ, takɔ ma be mɔ hã tala ogele winɔ. Nɛ nde obenɔ 'da Kore, wa fè zi do 'da fala ni gɔ.)

^12-14 Kɔ nu kpala Simeoni, nɛ wa kpa onu kɔnggɔ benɔ 'da a gɛ: Nɛmuɛlɛ, Yaminɛ, Yakinɛ, Zera, do Saulɛ. Nɛ ngɔ gili nu kpala Simeoni vɛ̃ a 22.200.

^15-18 Kɔ nu kpala Gadɛ, nɛ wa kpa onu kɔnggɔ benɔ 'da a gɛ: Sɛfoni, Hagi, Suni, Ozni, Eri, Arɔdɛ, do Areli. Nɛ ngɔ gili nu kpala Gadɛ vɛ̃ a 40.500.

^19-22 Kɔ nu kpala Yuda, nɛ wa kpa onu kɔnggɔ benɔ 'da a gɛ: Sela, Perɛsi, do Zera. Nu kɔnggɔ Perɛsi, ma mba li obe zã Hɛsroni do Hamulɛ. Obulu be bɔa kɔ obenɔ 'da Yuda kɛ li wa a Ɛrɛ do Onanɛ, wa fia zi tɛ ngɔ nù Kanana. Ngɔ gili nu kpala Yuda vɛ̃ a 76.500.

^23-25 Kɔ nu kpala Isakarɛ, nɛ wa kpa onu kɔnggɔ benɔ 'da a gɛ: Tola, Puva, Yakubɛ, do Simroni. Nɛ ngɔ gili nu kpala Isakarɛ vɛ̃ a 64.300.

^26-27 Kɔ nu kpala Zabuloni, nɛ wa kpa onu kɔnggɔ benɔ 'da a gɛ: Serɛdɛ, Eloni do Yaleɛlɛ. Nɛ ngɔ gili nu kpala Zabuloni vɛ̃ a 60.500.

²⁸ Kɔ nu kpala Manase do Efraimɛ, wa kpa obe zã Yozɛfu vɛ̃.

²⁹ Kɔ nu kɔnggɔ Manase, nɛ wa kpa onu kɔnggɔ benɔ 'da a gɛ: Makirɛ do Galadɛ.

^30-32 Nu kɔnggɔ Galadɛ, ma mba li obe zã Yezɛrɛ, Helɛkɛ, Asriɛlɛ, Sekɛmɛ, Sɛmida do Hefɛrɛ.

³³ Sɛlofadɛ, be 'da Hefɛrɛ, a kò bulu be gɔ, a kua tati a oboko be. Li wa a: Mala, Nowe, Hogla, Milka do Tirsa.

³⁴ Ngɔ gili nu kpala Manase vɛ̃ a 52.700.

³⁵ Kɔ nu kpala Efraimɛ, nɛ wa kpa onu kɔnggɔ benɔ 'da a gɛ: Sutela, Bekɛrɛ, do Tahanɛ.

³⁶ Oera wa zi a obe zã Eranɛ, be 'da Sutela.

³⁷ Ngɔ gili nu kpala Efraimɛ vɛ̃ a 32.500. Kɔ nu kpala Manase do Efraimɛ, wa kpa obe zã Yozɛfu vɛ̃.

^38-39 Kɔ nu kpala Bɛnzamɛ, nɛ wa kpa onu kɔnggɔ benɔ 'da a gɛ: Bela, Asɛbɛlɛ, Ahiramɛ, Sufamɛ, do Hufamɛ.

⁴⁰ Nu kɔnggɔ Bela, ma mba obe zã Arɛdɛ do obe zã Namanɛ.

⁴¹ Ngɔ gili nu kpala Bɛnzamɛ vɛ̃ a 45.600.

^42-43 Kɔ nu kpala Danɛ, nɛ wa kpa tati a nu kɔnggɔ Suhamɛ kpo. Ngɔ gili nu kpala Danɛ vɛ̃ a 64.400.

⁴⁴ Kɔ nu kpala Asɛrɛ, nɛ wa kpa onu kɔnggɔ benɔ 'da a talɛ gɛ: Imna, Isɛvi do Bɛria.

⁴⁵ Nu kɔnggɔ Bɛria, ma mba obe zã Hebɛrɛ do obe zã Malkiɛlɛ.

⁴⁶ Asɛrɛ zi do boko be kpo li a a Sera.

⁴⁷ Ngɔ gili nu kpala Asɛrɛ vɛ a 53.400.

^48-50 Kɔ nu kpala Nɛftali, nɛ wa kpa onu kɔnggɔ benɔ 'da a gɛ: Yasiɛlɛ, Gunu, Yɛsɛrɛ do Silɛmɛ. Ngɔ gili nu kpala Nɛftali vɛ̃ a 45.400.

⁵¹ Ngɔ gili obe Israɛlɛ wa tɔlɔ wa ni, wa vɛ̃ owi wili koto kama gazɛlɛ do ngɔ wa kpo, do kama sambo do 'bu wa talɛ (601.730).

Mbula ngɔ kɛ sanga nù

⁵² NWA tɔ̃a hã Mɔizɛ na:

⁵³ “Ma wia na, mɔ kɛ̃ sanga nùi hã nu kpalanɔ, do 'da gili wa.

^54-56 Mɔ to sɛ zeke, we gɔnɔ sanga nùi, nɛ mɔ hã sɛ gã nù hã gã nu kpala, nɛ mɔ hã sɛ be nù hã be nu kpala.”

Fala bɔa tɔlɔ nu kpala Levi

⁵⁷ Kɛ gɛ a li onu kɔnggɔnɔ wa tɔlɔ wa kɔ nu kpala Levi ni. Wi a: nu kɔnggɔ Gɛrsoni, Kehatɛ do Mɛrari.

⁵⁸ Nɛ nu kɔnggɔnɔ ni, ma do gɔnɔ sanga nu fɛlɛ kulanɔ gɛ: Libni, Hebroni, Mali, Musi do Kore. Kehatɛ zi a baa Amramɛ,

⁵⁹ Nɛ Amramɛ ba Yokebɛdɛ, boko be 'da Levi do kɛnɛ a. Wa kua zi Yokebɛdɛ tɛ Ezipeto. Nɛ Yokebɛdɛ kua obe talɛ do Amramɛ. Li wa a: Aroni, Mɔizɛ do Miriamɛ, boko nya wa.

⁶⁰ Aroni kua obulu be nalɛ. Li wa a: Nadabɛ, Abihu, Elazarɛ do Itamarɛ.

⁶¹ Nɛ nde Nadabɛ do Abihu, wa fia zi, we kɛ wa hã zi yɔmbɔ kɛ ma santo gɔ ni do dɔnggɔmɔ hã NWA.

⁶² Obulu be levitɛnɔ kɛ wa ɔa zɛkɛ kpo we kũ dɛ ngɔ ni, wa vɛ̃ koto 'bu wa bɔa ngɔ wa talɛ. Wa kɔma zi li wa do tɛ̃ ɛ, do kɛ 'da gele obe Israɛlɛ, we kɛ wa wè tɛ kpa nù ɔ nɛ gele obe Israɛlɛ gɔ.

⁶³ Ki ni a tɛlɛ tɛ kɛ Mɔizɛ do nganga Elazarɛ, wa tɔlɔ do obe Israɛlɛ tɛ ngɔ mbɛ nù Moabɛ, dɔ̃ɔ do nu lì Yɔrdanɛ, kɛ ma ka mɔ dɛ li le Yeriko gɛ a ni.

⁶⁴ Sanga obe Israɛlɛ kɛ wa tɔlɔ wa di ni ni, fo wele kpo kɔ wanɔ Mɔizɛ do Aroni wa tɔlɔ zi wa li gba zɔ̃ Sinai i ni bina.

⁶⁵ We kɛ NWA mbisa zi wa na, wa fe sɛ vɛ̃ dɛ li gba zɔ̃ɛ ni. Nɛ nde tati a Kalɛbɛ, be 'da Yɛfune, do Yozue, be 'da Nunɛ hã wa 'bana.