Tɔlɔ Mɔ 2 - WE NU GALE 1995

Wa 'dafa fala ɔi we nu kpala obe Israɛlɛ kpo kpo

^1-2 NWA tɔ́a hã Mɔizɛ do Aroni na: “Fala kɛ obe Israɛlɛ wa 'dafa fala ɔi 'da wa, nɛ ma wia na, wa mba ngɔ gili nu kpala wa talɛ fala nɛ kpo. Nɛ wele do wele ɔ dɛ fala bɛndɛlɛ 'da ngɔ gili sodanɔ 'da a, do ti bɛndɛlɛ 'da nu kpala a. Wa dɛ sɛ fala ɔi zĩ takpa do tɔa Tande kpa ngba wi do mi Gale, nɛ nde ma tɛ kɔ̀lɔ̀ do ma gɔ.”

^3-8 Nu kpala Yuda do ongba a, wa zĩ sɛ bɛndɛlɛ 'da wa si 'biti gba wese. Onu kpala be Israɛlɛ do ngɔ gili sodanɔ do nwa ngɔ wa, kɛ wa dɛ sɛ fala ɔi 'da wa ti bɛndɛlɛ ni, wa kɛ: Nu kpala Li nwa ngɔ sodanɔ Yuda Nasoni, be 'da Aminadabɛ 74.600 Isakarɛ Nɛtaneɛlɛ, be 'da Suarɛ 54.400 Zabuloni Eliabɛ, be 'da Heloni 57.400

Nu kpala Li nwa ngɔ sodanɔ

⁹ Ní a ngɔ gili osoda nu kpala Yuda do ongba a, wa sɛ owi wili 186.400. Wa a wa nɛ kpe sɛ dati obe Israɛlɛ.

^10-15 Nu kpala Rubɛnɛ do ongba a, wa zĩ sɛ bɛndɛlɛ 'da wa si ba gɔtɔ. Onu kpala be Israɛlɛ do ngɔ gili sodanɔ do nwa ngɔ wa, kɛ wa dɛ sɛ fala ɔi 'da wa ti bɛndɛlɛ ni, wa kɛ: Nu kpala Li nwa ngɔ sodanɔ Rubɛnɛ Elisurɛ, be 'da Simeoni 46.500 Sɛdeurɛ Sɛlumiɛlɛ, be 'da Surisadai 59.300 Gadɛ Eliasafɛ, be 'da Deuɛlɛ 45.650

Nu kpala Li nwa ngɔ sodanɔ

¹⁶ Ní a ngɔ gili osoda nu kpala Rubɛnɛ do ongba a, wa sɛ owi wili 151.450. Nɛ wa kpe sɛ dɛ 'do wanɔ dati ni.

¹⁷ Dɛ 'do nɛ, nɛ obe zã Levi wa la sɛ do tɔa Tande. Wa yolo sɛ do gbogbo ngɔ gili winɔ nalɛ ni. Ngɔ gili winɔ bɔa wa kpe sɛ dati, nɛ ngɔ gili winɔ bɔa wa kpe dɛ 'do wa. Ngɔ gili winɔ ni kpo kpo, wa la sɛ do 'da tɛlɛ tɛ kɛ wa ɔ do ma ni, wi wili kpo kpo do fala 'da a, do ti bɛndɛlɛ 'da ngɔ gili nu kpala a.

^18-23 Nu kpala Efraimɛ do ongba a, wa zĩ sɛ bɛndɛlɛ 'da wa si 'biti gɛ̃a wese. Onu kpala be Israɛlɛ do ngɔ gili sodanɔ do nwa ngɔ wa, kɛ wa dɛ sɛ fala ɔi 'da wa dɛ ti bɛndɛlɛ ni, wa kɛ: Nu kpala Li nwa ngɔ sodanɔ Efraimɛ Elisama, be 'da Amihudɛ 40.500 Manase Gamliɛlɛ, be 'da Pɛdasurɛ 32.200 Bɛnzamɛ Abidanɛ, be 'da Gidoni 35.400

Nu kpala Li nwa ngɔ sodanɔ

²⁴ Ní a ngɔ gili osoda nu kpala Efraimɛ do ongba a, wa sɛ owi wili 108.100. Nɛ wa kpe sɛ dɛ 'do obe zã Levi.

^25-30 Nu kpala Danɛ do ongba a, wa zĩ sɛ bɛndɛlɛ 'da wa si gbãlã ngɔ. Onu kpala be Israɛlɛ do ngɔ gili sodanɔ do nwa ngɔ wa, kɛ wa dɛ sɛ fala ɔi 'da wa dɛ ti bɛndɛlɛ ni, wa kɛ: Nu kpala Li nwa ngɔ sodanɔ Danɛ Ahiezɛrɛ, be 'da Amisadai 62.700 Asɛrɛ Pagiɛlɛ, be 'da Okranɛ 41.500 Nɛftali Ahira, be 'da Enanɛ 53.400

Nu kpala Li nwa ngɔ sodanɔ

³¹ Ní a ngɔ gili osoda nu kpala Danɛ do ongba a, wa sɛ owi wili 157.600. Nɛ wa kpe sɛ do ngɔ go'do. Wa vɛ̃ wa le sɛ wala, wele do wele dɛ ti bɛndɛlɛ 'da ngɔ gili sodanɔ 'da a.

³² Ngɔ gili obe Israɛlɛ, kɛ wa tɔlɔ wa kɔ nu kpala kpo kpo do ngɔ gili sodanɔ ni kpo kpo, wa zi vɛ̃ 603.550.

³³ Wa tɔ̀lɔ̀ obe zã Levi fala nɛ kpo do ogele nu kpala Israɛlɛ gɔ, we kɛ mɛ a mbula kɛ NWA ba hã Mɔizɛ ni.

³⁴ Nɛ obe Israɛlɛ wa dɛa vɛ̃ ɔ nɛ kɛ NWA ba do nu a hã Mɔizɛ ni. Wa ɔa ngɔ gili wa kpo kpo dɛ ti bɛndɛlɛ 'da ngɔ gili sodanɔ 'da wa. Nɛ wa nɛa nɔɛ 'da wa, wele do wele dɛ kɔ nu fɛlɛ a do kɔ nu kpala a, ɔ nɛ mbula wa hã ma hã wa ni.