NEHEMIE 7 - WE NU GALE 1995

Nehemi ia mbula we zɔ mɔ tɛ le

¹ 'Da fala kɛ lɛ dɛa to zĩ ngboe, do bɛ̃lɛ̃ ogbangga kpe nu nɛ dɛ olo nɛ, nɛ ma ia ni, nɛ mi gisa Owi zɔ mɔ tɛ nu ngboe, do owi ga Zumanɔ, do olevitɛnɔ dɛ tɛ tonɔ 'da wa.

² Nɛ mi ba to fɔmɔ le Yeruzalɛmɛ hã nya mi Hanani, fala nɛ kpo do Hanania, gã wi ngɔ osodanɔ kɛ wa zɔ mɔ tɛ nu gba ngboe ni. We kɛ Hanania zi a wi kɛ Owele wa gbini zã wa do a, nɛ a dɛ zi 'bɔ kili Gale nɛa ngɔ tala ogele ngba a.

³ Nɛ mi tɔ̃a hã wa na: “Do titole, wa hṹi sɛ nu ngbo le bele gɔ. Wese hɔ ngɔ, sɛ nɛ wa hṹi de. Nɛ gɛ̃a wese, wa kpe sɛ nu nɛ, nɛ wa kã ma, dati kɛ na owi zɔ mɔ tɛ nɛ, wa da kɔ̃ wa tɛ tonɔ 'da wa ni. Nɛ wa a sɛ owinɔ we zɔ mɔ tɛ owinɔ kɔ le Yeruzalɛmɛ, nɛ wa kpolo ngba wa tɛ toe ni kpula. Toe 'da ombe winɔ ni sɛ a we zɔ mɔ tɛ le, nɛ ombe nɛ we zɔ mɔ tɛ nu tɔanɔ.”

Li Oyudanɔ kɛ wa si kɔlɔ 'duli ni

⁴ Yeruzalɛmɛ zi a le kɛ ma dulu wena, nɛ nde owi kɔ nɛ wa dɛlɛ zi ngboo gɔ, nɛ wa dɛ̀ 'bɔ gba gili otɔa kɔ nɛ gɔ.

⁵ Nɛ Gale hã linggamɔ hã mi na, mi ngɛmɛ li okumu lenɔ, do Owi 'bili wenɔ, do otala winɔ vɛ̃, hã mi tɔlɔ wa.

⁶ Ma kɛ mi zɔa kɔ 'buku li winɔ kɛ wa si zi kɔlɔ 'duli dati kurr ni, nɛ mi kpa li onu fɛlɛ kulanɔ kɛ nwa Nabukɔdɔnɔzɔrɛ kala zi wa kɔlɔ 'duli tɛ Babilɔnɛ i, nɛ wa si de Yeruzalɛmɛ, do tɛ ogele lenɔ ngɔ nù Yuda ni. Wa si zi wele do wele dɛ ko le 'da a.

⁷ Winɔ wa kpe zi ti wa tɛ si nɛ ni, wi a Zorobabɛlɛ, Yesua, Nehemi, Azaria, Ramia, Nahamani, Mɔrdokai, Bilsanɛ, Misperɛtɛ, Bigvai, Nɛhumɛ do Baana.

^8-24 Nɛ zélé li nu fɛlɛ kulanɔ do ngɔ gili winɔ kɔ nu fɛlɛ kpo kpo kɛ wa si ni. Parɔsi 2.172 Sɛfatia 372 Ara 652 Pahatɛ-Moabɛ (nu fɛlɛ kula 'da Yesua do Yoabɛ) 2.818 Elamɛ 1.254 Zatu 845 Zakai 760 Binui 648 Bebai 628 Azgadɛ 2.322 Adonikamɛ 667 Bigvai 2.067 Adinɛ 655 Atɛrɛ (nu fɛlɛ kula 'da Hizkia) 98 Hasumɛ 328 Bɛsai 324 Harifɛ 112

^25-38 Nɛ zélé li lenɔ kɛ oyaa wi 'dulinɔ wa ɔa zi kɔ nɛ, nɛ owi 'dulinɔ do ngɔ gili wa, wa si dɛ kɔ nɛ ni. Gabaoni 95 Bɛtleɛmɛ do Nɛtofa 188 Anatɔtɛ 128 Bɛtɛ-Azmavɛtɛ 42 Kiriatɛ-Yearimɛ, do Kɛfira, do Bɛerɔtɛ 743 Rama do Geba 621 Mikmasi 122 Betɛlɛ do Ai 123 Nebo (gele le) 52 Elamɛ (gele nu fɛlɛ kula) 1.254 Harimɛ 320 Yeriko 345 Lɔdɛ, do Hadidɛ, do Ono 721 Sɛna 3.930

^39-42 Lì nu fɛlɛ kula 'da onganganɔ: Yɛdaya (nu fɛlɛ Yesua) 973 Imɛrɛ 1.052 Pasɛhurɛ 1.247 Harimɛ 1.017

⁴³ Li nu fɛlɛ kula 'da olevitɛnɔ: Yesua do Kadmiɛlɛ (nu fɛlɛ Hodɛva) 74

⁴⁴ Lì nu fɛlɛ kula 'da Owi ga Zumanɔ kɔ Tɛmpɛloe: Asafɛ 148

⁴⁵ Lì nu fɛlɛ kula 'da Owi zɔ mɔ nu tɔa Tɛmpɛloe: Salumɛ, Atɛrɛ, Talmoni, Akubɛ, Hatita, do Sobai 138

^46-56 Li nu fɛlɛ kula 'da owi gala olevitɛnɔ: Siha, Hasufa, Tabaɔtɛ, Kerɔsi, Sia, Padoni, Lɛbana, Hagaba, Salmai, Hananɛ, Gidɛlɛ, Gaharɛ, Reaya, Rɛsinɛ, Nɛkoda, Gazamɛ, Uza, Pasea, Besai, Mɛunimɛ, Nɛfusɛsimɛ, Bakbukɛ, Hakufa, Harurɛ, Baslitɛ, Mehida, Harsa, Barkɔsi, Sisra, Tema, Nɛsia do Hatifa.

^57-59 Li nu fɛlɛ kula 'da owi dɛa tonɔ 'da Salɔmɔ: Sotai, Soferɛtɛ, Pɛrida, Yala, Darkoni, Gidɛlɛ, Sɛfatia, Hatila, Pokerɛtɛ-Hasɛbaimɛ do Amoni.

⁶⁰ Owi gala olevitɛnɔ do nu fɛlɛ owi dɛa tonɔ 'da Salɔmɔ zi vɛ̃ 392.

⁶¹ Owinɔ kɛ wa yula kɔlɔ 'duli tɛ Tɛlɛ-Mela, Tɛlɛ-Harsa, do Kɛrubɛ-Adoni, do Imɛrɛ, wa kpà li oyaa wa kɔ mbɛti gɔ. Ma kɛ wa wè we be na, lo a ngbongbo owi nu fɛlɛ Israɛlɛ gɔ ni.

⁶² Wa zi a nu fɛlɛ Dɛlaya, do Tobia do Nɛkoda, nɛ wa vɛ̃ 642.

⁶³ Nɛ nu fɛlɛ onganganɔ gɛ: Hobaya, do Hakɔsi, do Barzilai, wa kpà zi 'bɔ li oyaa wa kɔ mbɛti gɔ. (Wa sa li nganga wele kɛ 'do gɛ na Barzilai, we kɛ a ba zi wuko ti Barzilai, wi Galadɛ. Ma kɛ wa ia li kɛfɛ a dɛ zu a ni.)

⁶⁴ Wa fa zi li oyaa wa gbaa, nɛ nde ma bina. Nɛ tala obe Israɛlɛ wa zɔa wa ɔ nɛ wi ndi li Gale ni, nɛ wa hã̀ wala hã wa we dɛ to nganga gɔ.

⁶⁵ Nɛ wi fɔmɔ le hã zi mbula na, wa tɛ nyɔngɔ mɛnɔ kɛ winɔ wa hã we dɔnggɔ do Gale ni gɔ, gbaa na nganga kpo be linggamɛ 'da Gale si ngɔ wa do wala 'da Urimɛ do Tumimɛ, mɛnɔ kɛ wa aka do Gale ni sɛ nɛ de.

⁶⁶ Obe Israɛlɛ kɛ wa yula kɔlɔ 'duli ni, ngɔ gili wa kũ zi gbaa we hɔ 42.360.

⁶⁷ Wa zi do owi dɛa to, owi wili do owuko 7.337, owi ga zuma, owi wili do owuko 245,

⁶⁸ do samo 435, do punda 6.720.

⁶⁹ Nɛ ombe kpasa wi nu fɛlɛ kulanɔ, wa hã zi odɔnggamɔ we gala do to zĩ tɔa Tɛmpɛloe dɛ olo nɛ. Wi fɔmɔ le hã zi mbili mɔ mbali 1.000, do obila dɛ do to hã Gale 50, do tulunɔ 'da onganganɔ 530.

⁷⁰ Nɛ okpasa wi nu fɛlɛ kulanɔ, wa hã zi mbili mɔ mbali 20.000, do fɛ̃a mɔ bolo kilo 1.100.

⁷¹ Tala obe Israɛlɛ wa hã zi mbili mɔ mbali 20.000, do fɛ̃a mɔ bolo kilo 1.000, do tulunɔ 'da onganganɔ 67.

⁷² Nɛ onganganɔ, do olevitɛnɔ, do owi zɔ mɔ nu ngbonɔ, do owi ga Zumanɔ, do ombe tala gele winɔ kɛ wa dɛ to kɔ tɔa Tɛmpɛloe, do tala obe Israɛlɛ vɛ̃, wa dɛa zi tɔanɔ 'da wa tɛ kɔ lenɔ 'da wa kpo do kpo.