YƆƐLƐ 3 - WE NU GALE 1995

NWA a tombo sɛ Hi Wi 'da a dɛ ngɔ winɔ vɛ

¹ Nɛ nwa tɔ̃a 'bɔ na: “Dɛ 'do nɛ, nɛ mi tombo sɛ Hi Wi 'da mi, nɛ a dunu sɛ kɔ winɔ vɛ̃. Obulu benɔ, do oboko benɔ 'da nɛ, wa gba sɛ olo nu mi. Mi tɔ̃ sɛ yalɛ zu okpasa winɔ 'da nɛ, nɛ mi be mɔ li ozagbãlã benɔ 'da nɛ.

² Do ngba soe ni, mi tombo sɛ tɛ mɛ 'bɔ Hi Wi 'da mi, nɛ a dunu sɛ kɔ owi dɛa tonɔ 'da mi, owi wili wanɔ, do owuko wanɔ.

³ Nɛ mi dɛ sɛ ɔngbamɔ tɛ li nza i do ngɔ nù nga. Tɔkɔ ma a sɛ nù, nɛ lenɔ ma bɛlɛ sɛ, nɛ li nza ma kpe sɛ do zɛ̃ we kpã kpã.

⁴ Li wese ma tũ sɛ mbĩi, nɛ li zɛkɛ ma fele ɔ nɛ tɔkɔ ni. Mɛnɔ ni vɛ̃ ma hɔ sɛ dati kɔ̃ tũi kɛ mi NWA, mi nɛ gɔnɔ do ngbangga 'da winɔ ni. Mɛ sɛ a gã kɔ̃ tũ, kɛ ma hã sɛ gba kili hã Owele.

⁵ Nɛ nde winɔ vɛ̃ kɛ wa ala sɛ nu wa hã mi NWA ni, mi kpasa sɛ wa.” Ma dɛ sɛ ɔ nɛ kɛ NWA tɔ̃a ni: “Ombe winɔ tɛ Yeruzalɛmɛ, tɛ ngɔ kala Sioni wa kpasa sɛ kɔ ngamɔ. Wi sɛ a owanɔ kɛ NWA saka wa we 'bana do tunu li wa ni.”