Ndo Nyanga Dɛ Mɔ 5 - WE NU GALE 1995

¹ Kɛ gɛ mɛ a li obe zã Adamu. Do ngba soe kɛ Gale dɛa zi Owele ni, a dɛa zi wa ngboo ɔ nɛ tɛlɛ tɛ a ni.

² Gale dɛa wa ni, wi wili do wuko. Nɛ do ngba soe kɛ Gale dɛa wa ni, nɛ a wila nu a tɛ wa, nɛ a e li zu wa na wele.

³ Adamu zi do sabɛlɛ kama do 'bu nɛ talɛ, nɛ a ko bulu be, nɛ a e li a na Sɛtɛ. Bula li be ni ɔ zi kpasaa nɛ kɛ 'da baa a ni.

⁴ 'Do kula 'da Sɛtɛ, nɛ Adamu ɔa 'bɔ sabɛlɛ kama ngbɛ'dɛ'dɛ, nɛ a ko 'bɔ mbé obulu be do oboko be.

⁵ Adamu ɔa zi ngɔ nù gɛ vɛ sabɛlɛ kama kusi do 'bu nɛ talɛ, nɛ a fe.

⁶ Sɛtɛ ɔa sabɛlɛ kama do ngɔ nɛ mɔlɔ, nɛ a ko bulu be, nɛ a e li a na Enosi.

⁷ 'Do kula 'da Enosi, nɛ Sɛtɛ ɔa 'bɔ sabɛlɛ kama ngbɛ'dɛ'dɛ do ngɔ nɛ sambo, nɛ a ko 'bɔ mbé obulu be do oboko be.

⁸ Sɛtɛ ɔa zi ngɔ nù gɛ vɛ sabɛlɛ kama kusi do ngɔ nɛ 'bu ngɔ nɛ bɔa, nɛ a fe.

⁹ Enosi ɔa 'bu sabɛlɛ kusi, nɛ a ko bulu be, nɛ a e li a na Kenanɛ.

¹⁰ 'Do kula 'da Kenanɛ, nɛ Enosi ɔa zi 'bɔ sabɛlɛ kama ngbɛ'dɛ'dɛ do ngɔ nɛ 'bu ngɔ nɛ mɔlɔ, nɛ a ko 'bɔ mbé obulu be do oboko be.

¹¹ Enosi ɔa zi ngɔ nù gɛ vɛ sabɛlɛ kama kusi do ngɔ nɛ mɔlɔ, nɛ a fe.

¹² Kenanɛ ɔa 'bu sabɛlɛ sambo, nɛ a ko bulu be, nɛ a e li a na Mɛlaleɛlɛ.

¹³ 'Do kula 'da Mɛlaleɛlɛ, nɛ Kenanɛ ɔa zi 'bɔ sabɛlɛ kama ngbɛ'dɛ'dɛ do ngɔ nɛ 'bu nɛ nalɛ, nɛ a ko 'bɔ mbé obulu be do oboko be.

¹⁴ Kenanɛ ɔa zi ngɔ nù gɛ vɛ sabɛlɛ kama kusi do ngɔ nɛ 'bu, nɛ a fe.

¹⁵ Mɛlaleɛlɛ ɔa 'bu sabɛlɛ gazɛlɛ ngɔ nɛ mɔlɔ, nɛ a ko bulu be, nɛ a e li a na Yerɛdɛ.

¹⁶ 'Do kula 'da Yerɛdɛ, nɛ Mɛlaleɛlɛ ɔa zi 'bɔ sabɛlɛ kama ngbɛ'dɛ'dɛ do ngɔ nɛ 'bu nɛ talɛ, nɛ a ko 'bɔ mbé obulu be do oboko be.

¹⁷ Mɛlaleɛlɛ ɔa zi ngɔ nù gɛ vɛ sabɛlɛ kama ngbɛ'dɛ'dɛ do 'bu nɛ kusi ngɔ nɛ mɔlɔ, nɛ a fe.

¹⁸ Yerɛdɛ ɔa sabɛlɛ kama do 'bu nɛ gazɛlɛ ngɔ nɛ bɔa, nɛ a ko bulu be, nɛ a e li a na Henɔkɛ.

¹⁹ 'Do kula 'da Henɔkɛ, nɛ Yerɛdɛ ɔa zi 'bɔ sabɛlɛ kama ngbɛ'dɛ'dɛ, nɛ a ko 'bɔ mbé obulu be do oboko be.

²⁰ Yerɛdɛ ɔa zi ngɔ nù gɛ vɛ sabɛlɛ kama kusi do 'bu nɛ gazɛlɛ ngɔ nɛ bɔa, nɛ a fe.

²¹ Henɔkɛ ɔa 'bu sabɛlɛ gazɛlɛ ngɔ nɛ mɔlɔ, nɛ a ko bulu be, nɛ a e li a na Matuzalɛmɛ.

²² 'Do kula 'da Matuzalɛmɛ, nɛ Henɔkɛ ɔa sabɛlɛ kama talɛ, nɛ a zi fala nɛ kpo do Gale, nɛ a ko 'bɔ mbé obulu be do oboko be.

²³ A ɔa zi ngɔ nù gɛ vɛ sabɛlɛ kama talɛ do 'bu nɛ gazɛlɛ ngɔ nɛ mɔlɔ.

²⁴ Li dungu nza 'da a vɛ, a zi fai fala nɛ kpo do Gale. Nɛ 'do ki ni, nɛ Gale ba a dɛ 'da ɛ i, nɛ nde a fè fia gɔ.

²⁵ Matuzalɛmɛ ɔa sabɛlɛ kama do 'bu nɛ ngbɛ'dɛ'dɛ ngɔ nɛ sambo, nɛ a ko bulu be, nɛ a e li a na Lemɛkɛ.

²⁶ 'Do kula 'da Lemɛkɛ, nɛ Matuzalɛmɛ ɔa 'bɔ sabɛlɛ kama sambo do 'bu nɛ ngbɛ'dɛ'dɛ ngɔ nɛ bɔa, nɛ a ko 'bɔ mbé obulu be do oboko be.

²⁷ Matuzalɛmɛ ɔa zi ngɔ nù gɛ vɛ sabɛlɛ kama kusi do 'bu nɛ gazɛlɛ ngɔ nɛ kusi, nɛ a fe.

²⁸ Lemɛkɛ ɔa sabɛlɛ kama do 'bu nɛ ngbɛ'dɛ'dɛ ngɔ nɛ bɔa, nɛ a ko bulu be.

²⁹ Nɛ a e li a na Nowe. Mba gɔ, a tɔ̃a na: “Be gɛ, a gɛ sɛ sila lɛ ngɔ otonɔ do ngamɛnɔ lɛ zɔ ma ni. Mba gɔ, tɛ lɛ zɛlɛ wena, we duzu kɛ NWA a fɔmbɔ zi nùi.”

³⁰ 'Do kula 'da Nowe, nɛ Lemɛkɛ ɔa zi 'bɔ sabɛlɛ kama mɔlɔ do 'bu nɛ kusi ngɔ nɛ mɔlɔ, nɛ a ko 'bɔ mbé obulu be do oboko be.

³¹ Nɛ Lemɛkɛ ɔa zi ngɔ nù gɛ vɛ sabɛlɛ kama sambo do 'bu nɛ sambo ngɔ nɛ sambo, nɛ a fe.

³² 'Da fala kɛ Nowe zi do sabɛlɛ kama mɔlɔ, nɛ a ko obulu be talɛ. Li bulu benɔ ni a Sɛmɛ, Kamɛ, do Yafɛtɛ.