Ndo Nyanga Dɛ Mɔ 36 - WE NU GALE 1995

Ezau dɛa fala ɔi 'da a tɛ ngɔ nù Edɔmɛ

¹ Nɛ zélé li obe zã Ezau, kɛ wa sa mbe 'bɔ li a na Edɔmɛ ni.

² Ezau kala zi owuko Kanana: Ada, be 'da Eloni wi Hiti, do Oholibama, be 'da Ana, kɛ a a be yaa Sibeoni, wi Hivi ni.

³ A ba zi 'bɔ Basmatɛ, boko nya Nɛbayɔtɛ be 'da Ismaɛlɛ.

⁴ Ada kua zi Elifazɛ, nɛ Basmatɛ ko Reuɛlɛ,

⁵ nɛ Oholibama kua Yeusi, Yalamɛ do Kora. Wanɔ ni a obulu benɔ kɛ Ezau kua zi wa tɛ ngɔ nù Kanana gɛ a ni.

⁶ Ezau kala owukonɔ 'da a, do obulu benɔ do oboko benɔ 'da a, do owi dɛa tonɔ vɛ̃, do onadalamɛnɔ, do osa'de kala tolenɔ vɛ̃, mba do okpamɛnɔ kɛ a kpa zi ma tɛ ngɔ nù Kanana ni vɛ̃, nɛ a si do ma dɛ tɛ ngɔ gele nù na, a nyɛlɛ do nya a Yakɔbɔ.

⁷ Mba gɔ, mɛnɔ 'da wa ma dɛlɛ zi wena, nɛ wa wè zi tɛ ɔ dɛ kɛ zã ngba wa gɔ, we kɛ nùi ni wè zi tɛ dala osa'denɔ 'da wa vɛ̃ ni gɔ.

⁸ Ma kɛ Ezau kulu zi ngɔ, nɛ a la we ɔ ngɔ kalanɔ tɛ Seirɛ.

Obe zã Ezau

⁹ Ezau a yaa Oedɔmɛ, kɛ wa ɔ zi tɛ ngɔ kalanɔ tɛ Seirɛ ni.

¹⁰ Nɛ zélé li obe zã a: Elifazɛ, be 'da Ada, Reuɛlɛ, be 'da Basmatɛ.

¹¹ Obenɔ 'da Elifazɛ zi a: Temanɛ, Omarɛ, Sɛfo, Gatamɛ do Kɛnazɛ.

¹² Elifazɛ ba zi 'bɔ wuko makango, li a a Timna, nɛ a ko zi bulu be do a kpo, nɛ a e li a na Amalɛkɛ. Wanɔ ni zi a obe yaa Ezau do wuke 'da a Ada.

¹³ Obenɔ 'da Reuɛlɛ wa kɛ: Nahatɛ, Zera, Sama do Miza. Wanɔ ni zi a obe yaa Ezau do wuke 'da a Basmatɛ.

¹⁴ Nɛ Oholibama, be 'da Ana, kɛ a a be yaa Sibeoni ni, kua zi Yeusi, Yalamɛ do Kora.

^15-16 Nɛ zélé li okpasa wi ngɔ obe zã Ezau: Temanɛ, Omarɛ, Sɛfo, Kɛnazɛ, Gatamɛ do Amalɛkɛ. Wa zi a obenɔ 'da Elifazɛ, kuti be 'da Ezau, kɛ a kua a do wuke 'da a Ada.

¹⁷ Nɛ okpasa winɔ gɛ: Nahatɛ, Zera, Sama do Miza, wa zi a obenɔ 'da Reuɛlɛ, kɛ a a be 'da Basmatɛ.

¹⁸ Nɛ okpasa winɔ gɛ: Yeusi, Yalamɛ do Kora, wa zi a obenɔ 'da Ezau, kɛ a kua wa do wuke 'da a Oholibama, be 'da Ana.

¹⁹ Owinɔ ni vɛ̃ wa a okpasa wi Edɔmɛ kɛ wa zi a obe zã Ezau.

^20-21 Kuti winɔ wa ɔa zi tɛ ngɔ nù Edɔmɛ zi a obe zã Seirɛ, wi Hori. Nɛ okpasa wi ngɔ Ohori zi a: Lotanɛ, Sobalɛ, Sibeoni, Ana, Disoni, Ɛsɛrɛ do Disanɛ.

²² Nɛ obenɔ 'da Lotanɛ zi a: Hori do Hemamɛ. Lotanɛ zi do boko nya a kpo, li a a Timna.

²³ Nɛ obenɔ 'da Sobalɛ zi a: Alavanɛ, Manahatɛ, Ebalɛ, Sɛfo do Onamɛ.

²⁴ Nɛ obenɔ 'da Sibeoni zi a: Aya do Ana. Ana a wele kɛ a kpa zi zu lì tɛ li gba zɔ́ i, 'da fala kɛ a zɔ zi mɔ tɛ opundanɔ 'da baa a Sibeoni ni.

²⁵ Nɛ Ana kua zi bulu be kpo, li a a Disoni, nɛ a ko 'bɔ boko be kpo li a a Oholibama.

²⁶ Nɛ obenɔ 'da Disoni zi a: Hɛmadanɛ, Ɛsɛbanɛ, Itranɛ do Kɛranɛ.

²⁷ Nɛ obenɔ 'da Ɛsɛrɛ zi a: Bilɛhanɛ, Zavanɛ do Akanɛ.

²⁸ Nɛ obenɔ 'da Disanɛ zi a: Usi do Aranɛ.

^29-30 Okpasa wi ngɔ Ohori tɛ ngɔ nù Seirɛ zi a: Lotanɛ, Sobalɛ, Sibeoni, Ana, Disoni, Ɛsɛrɛ do Disanɛ.

³¹ Nɛ zɔ́ Onwanɔ kɛ wa dungu zi dɛ 'do ngba wa tɛ ngɔ nù Edɔmɛ, dati kɛ na obe Israɛlɛ wa kpa onwa tɛ ngɔ nù Israɛlɛ ni. Wi a

³² Bela, be 'da Beɔrɛ, wi kɔ le Dinaba.

³³ A nɛa we fe ma, nɛ Yobabɛ, be 'da Zera, wi kɔ le Bɔsra, dungu nwa olo a.

^34-39 'Do nɛ ni, nɛ owinɔ gɛ wa dungu 'bɔ nwa: Husamɛ, wi ngɔ nù Temanɛ, Hadadɛ, be 'da Bedadɛ, wi kɔ le Avitɛ, kɛ a gbɛa zi Omadianɛ dɛ ngɔ nùi 'da Omoabɛ ni, Samla, wi kɔ le Masreka, Saulɛ, wi kɔ le Rɛhɔbɔtɛ kɛ ma dɛ nu lì, Bala-Hananɛ, be 'da Akbɔrɛ, Hadarɛ, wi kɔ le Pau, kɛ a ba zi Metabeɛlɛ, be 'da Matrɛdɛ kɛ a a be 'da Me-Zahadɛ do wuko ni.

^40-43 Nɛ zélé li okpasa winɔ kɔ nù fɛlɛ Edɔmɛ: Timna, Alva, Yetɛtɛ, Oholibama, Ɛla, Pinoni, Kɛnazɛ, Temanɛ, Mibasarɛ, Magdiɛlɛ, do Iramɛ. Nu fɛlɛ do nu fɛlɛ zi do 'bili tɛ nùi 'da a kpi kpi dɛ ngɔ nùi 'da wa ni. Nɛ nde Ezau a yaa Oedɔmɛ vɛ̃.