Ndo Nyanga Dɛ Mɔ 10 - WE NU GALE 1995

Obe zã benɔ 'da Nowe

¹ Olo gba hɛ̃a lì, nɛ obenɔ 'da Nowe kɛ li wa a, Sɛmɛ, Kamɛ do Yafɛtɛ wa kua obe. Li obenɔ 'da wa ma kɛ:

² Obenɔ 'da Yafɛtɛ wi a: Gɔmɛrɛ, Magɔgɛ, Madai, Yavanɛ, Tubalɛ, Mesɛkɛ do Tirasi.

³ Obenɔ 'da Gɔmɛrɛ wi a: Asɛkenazɛ, Rifatɛ do Togarma.

⁴ Obenɔ 'da Yavanɛ wi a: Elika, Tarsisi, Kitimɛ do Rodanimɛ.

⁵ Obenɔ ni wa a wa kua owinɔ vɛ kɛ wa pɛsɛ dɛ ngɔ ngolo lìnɔ. Owinɔ ni wa gɔnɔ zi sanga nùi 'da wa dɛ kɔ onu kpala wa do 'da lɛnggɛ nu wa.

⁶ Obenɔ 'da Kamɛ wi a: Kusi do Misraimɛ, Putɛ do Kanana.

⁷ Obenɔ 'da Kusi wi a: Seba, Havila, Sabta, Ragma do Sabtɛka. Obenɔ 'da Ragma wi a: Saba do Dedanɛ.

⁸ Kusi zi 'bɔ a baa Nɛmrɔdɛ. Nɛmrɔdɛ zi do 'da fala ni a kuti gã nwa ngɔ nù gɛ.

⁹ Nɛ a zi 'bɔ a dia wi yɛnggɛ yali zamɔ gbali NWA. Gulu nɛ hã wa tɔ̃ na: “A hɔa Nɛmrɔdɛ ngboo do yali zamɛ gbali NWA.”

¹⁰ Kuti olenɔ kɛ a dungu zi nwa ngɔ ma ni a: Babɛlɛ, Erɛkɛ, Akadɛ do Kalne, kɛ ma kɔ le Sinearɛ,

¹¹ Nɛmrɔdɛ kulu tɛ le ni, nɛ a la si ngɔ nù Asiri, nɛ a dɛ ole Ninivɛ, Rɛhɔbɔtɛ-Irɛ do Kela.

¹² Nɛ a dɛa 'bɔ le Rɛsɛnɛ dɛ ngbala Ninivɛ do gã le Kela.

¹³ Misraimɛ a a kua winɔ gɛ: Ludɛ, Anɛmɛ, Lɛhabɛ, Naftu.

¹⁴ Patrosi, Kasiu do Kaftɔrɛ. Owinɔ ni a wa kua Ofilisti.

¹⁵ Kanana kua kuti bulu be 'da a kɛ li a a Sidoni, nɛ 'do ki ni, nɛ a ko 'bɔ Hɛtɛ.

¹⁶ Hɛtɛ zi a yaa Oyebuzi, Oamori, Ogirgasi,

¹⁷ Ohivi, Oarki, Osini,

¹⁸ Oarvadi, Osɛmari do Ohamati. Nɛ 'do ki ni, nɛ obe zã Kanana wa pɛsɛ zi,

¹⁹ nɛ 'bili tɛ nùi 'da wa ma ndua do Sidoni, nɛ ma ba si tɛ le Gerarɛ gbaa we hɔ tɛ le li nɛ a Gaza. Nɛ ma ba 'bɔ si tɛ lenɔ gɛ: Sodɔmɛ, Gomɔrɛ, Adamu do Sɛbɔimɛ gbaa we hɔ tɛ Leka.

²⁰ Winɔ ni vɛ̃ a obe zã Kamɛ, kɛ wa gɔnɔ sanga tɛ ngba wa dɛ ngɔ nùi 'da wa, do 'da nu kpala wa, do 'da lɛnggɛ nu wa.

²¹ Sɛmɛ, kpasa wi dati Yafɛtɛ kua zi 'bɔ obe. A a kpasa yaa Ebɛrɛ do wanɔ vɛ̃ wa a obe zã a ni.

²² Obenɔ 'da Sɛmɛ wi a: Elamɛ, Asurɛ, Arpaksadɛ, Ludɛ do Aramɛ.

^23-24 Obenɔ 'da Aramɛ wi a: Usi, Hulɛ, Getɛrɛ do Makɛ. Arpaksadɛ kua Sela, nɛ Sela ko Ebɛrɛ.

²⁵ Nɛ Ebɛrɛ ko obulu be bɔa. Li kuti be a Pelɛgɛ, gulu nɛ na: “Gɔnɔ sanga mɔ”, we duzu kɛ do fala 'da wa ni, nɛ owinɔ ngɔ nù gɛ wa gɔna zi sanga tɛ ngba wa. Nɛ li nya a a Yoktanɛ.

²⁶ Yoktanɛ kua Almodadɛ, Selɛfɛ, Hasarmavɛtɛ, Yera,

²⁷ Hadoramɛ, Uzalɛ, Dikla,

²⁸ Obalɛ, Abimaɛlɛ, Saba,

²⁹ Ofirɛ, Havila, do Yobabɛ. Winɔ ni vɛ̃ zi a obenɔ 'da Yoktanɛ.

³⁰ Wa ɔ zi ngbala le Meka do Sɛfarɛ, kɛ ma do ngɔ kalanɔ si 'biti gba wese ni.

³¹ Winɔ ni a obe zã Sɛmɛ kɛ wa gɔnɔ sanga tɛ ngba wa dɛ ngɔ nùi 'da wa do 'da nu kpala wa, do 'da lɛnggɛ nu wa.

³² Kɛ gɛ vɛ̃ a li nu fɛlɛ winɔ kɛ obenɔ 'da Nowe wa kua zi wa ni, do 'da nu kɔnggɔ wa kpo do kpo. Owinɔ ni vɛ̃ a obe zã winɔ kɛ wa pɛsɛ zi do ngɔ nùi vɛ̃ tɛ olo gba hɛ̃a lì ni.