Ezai 4 - WE NU GALE 1995

¹ Do 'da fala ni, wuko sambo wa te sɛ tɛ wi wili kpo, nɛ wa tɔ̃ hã a na: “Mɔ kɔ̃́, nɛ mɔ kala lɛ, hã lɛ hɔ kɛnɛ mɔ, takɔ sape sa li lɛ. Lɛ áká sɛ mɔ na, mɔ fa nyɔngɔmɔ do tulu hã lɛ gɔ.”

NWA a 'dafa sɛ le Yeruzalɛmɛ

² Mbe tũ kpo, nɛ NWA a dɛ sɛ na, otenɔ do Okpalɛnɔ ngɔ nù Israɛlɛ ma kpasa, hã ma 'bɔ de wena. Nɛ tala obe Israɛlɛ kɛ wa 'bana sɛ nza ni, wa dɛ sɛ yangga, nɛ wa dɔnggɔ sɛ tɛ wa we kpalɛnɔ ngɔ nùi 'da wa ni.

³ Nɛ tala owinɔ kɛ wa 'bana kɔ le Yeruzalɛmɛ, kɛ NWA saka wa na wa kpasa, nɛ wa 'bana dɛ di ni ni, wa sa sɛ li wa na: “Winɔ 'da NWA Gale.”

⁴ NWA a gɔnɔ sɛ ngbangga 'da owinɔ do ngawi 'da a, nɛ a fɔlɔ wa na, wa hɔ sa wi li a. A fo sɛ 'dã mɛ 'da wa, nɛ a fɔlɔ sɛ tɔkɔnɔ kɛ ma a nù kɔ le Yeruzalɛmɛ ni.

⁵ Nɛ 'do nɛ, nɛ dɔ̃lɔ̃ li 'da NWA ma kele sɛ ngɔ kala Sioni, do ngɔ owinɔ vɛ̃ kɛ wa mba ngba wa i mɔ ni. Do gba wese, nɛ ma be sɛ tɛ̃ ɛ ɔ nɛ lɔnggɔ zɛ̃ we, nɛ do tũi, nɛ ma be tɛ̃ ɛ ɔ nɛ lɔnggɔ nyɛa we. Na mɛ ni, dɔ̃lɔ̃ li 'da a ma kele sɛ zu winɔ vɛ̃.

⁶ 'Da fala tua wese, nɛ ma fi sɛ gɔ̃lɔ̃ zu wa ɔ nɛ da ni, nɛ wa usu sɛ tɛ wa ti nɛ 'da fala tɛa kolo, tabi gba bũ kamba.