ƐSTƐRƐ 10 - WE NU GALE 1995

Dɔ̃lɔ̃ li 'da Mardose ngɔ nù 'da Sɛrsɛsi

¹ Nwa Sɛrsɛsi ba nu ɛ, nɛ ma wia zi na, owinɔ ngɔ nùi 'da a, do wanɔ wa ɔ kɛ zã nùi 'da a ni, wa dɛ otonɔ kɛ a hã ma hã wa ni, nɛ wa wè zi tɛ bɛ̃ nu a gɔ.

² Nɛ wa dɛa zi 'buku kpo, nɛ wa e li zu nɛ na: “Mɛnɔ kɛ onwa ngɔ nù Medi do Pɛrsɛ wa dɛa.” Kɔ 'buki ni, wa kɔma zi ogã tonɔ 'da nwa, do oto kpã silanɔ kɛ a dɛa, do tɛlɛ tɛ kɛ a hã do dɔ̃lɔ̃ li hã Mardose, do kɛ a ia a tɛ gã dɛa toe ni.

³ Tɛ ngɔ nùi 'da nwa, Mardose, be Yuda ni hɔa zi gã wi mbati, nɛ ngawi 'da a nɛa zi dɛ 'do kɛ 'da nwa Sɛrsɛsi. Onya a be Yudanɔ wa kɔ̃a zi a wena, nɛ wa dɔnggɔ zi 'bɔ a wena. Nɛ kɔ dɛa toe 'da a, a fa zi na, onya ɛ wa dungu a dia, nɛ wa tɛ dùngù do kili kɔ sila wa we Owi sɛnɛ wa gɔ.