1 Sakonɔ 7 - WE NU GALE 1995

Obe zã Isakarɛ

¹ Isakarɛ kua obulu be nalɛ: Tola, Puva, Yasubɛ do Simroni.

² Obe zã Tola wi a Uzi, Rɛfaya, Yɛriɛlɛ, Yamai, Ibsamɛ do Sɛmuɛlɛ. Owinɔ ni zi a okpasa wi kɔ nu fɛlɛ kula 'da Tola. Nɛ wa zi 'bɔ a onga wi bi bolo. Do ngba soe to nwa 'da Davidi, nɛ nde ngɔ gili obe zã Tola zi a Owi wili koto 'bu wa bɔa ngɔ wa bɔa do kama gazɛlɛ.

³ Uzi kua zi bulu be kpo, li a a Izrahia. Nɛ Izrahia kua obulu be nalɛ: Mikaɛlɛ, Obadia, Yɔɛlɛ do Isia. Nɛ mba Izrahia do obulu benɔ 'da a ni, nɛ nde wa mɔlɔ nɛ zi vɛ̃ a okpasa wi kɔ nu fɛlɛ kulanɔ.

⁴ Nɛ owuko wa dɛlɛ zi kɔ nu fɛlɛ kulanɔ 'da wa wena. Nɛ Owi wilinɔ kɛ wa kua zi wa, nɛ wa wia zi we nɛ bolo ni, wa koto 'bu wa talɛ ngɔ wa gazɛlɛ.

⁵ Ombe ngɔ gili nu fɛlɛ kulanɔ 'da Isakarɛ, kɛ wa zi a wi nɛ bolo, nɛ wa kɔma li wa kɔ 'buku ni, wa zi vɛ̃ koto 'bu wa ngbɛ'dɛ'dɛ ngɔ wa sambo.

Obe zã Bɛnzamɛ do Nɛftali

⁶ Bɛnzamɛ kua zi obulu be talɛ: Bela, Bekɛrɛ do Yɛdiaɛlɛ.

⁷ Nɛ Bela kua be zã a mɔlɔ: Ɛsboni, Uzi, Uziɛlɛ, Yɛrimɔtɛ do Iri. Owi wilinɔ ni zi vɛ̃ a okpasa wi kɔ nu fɛlɛ kulanɔ 'da wa, nɛ wa zi 'bɔ a onga wi bi bolo. Nɛ wa kɔma zi li Owi wili nu Mɛ kulanɔ ni kɔ 'buku, nɛ ngɔ gili wa vɛ̃ hɔa zi koto 'bu wa bɔa ngɔ wa bɔa, do 'bu wa talɛ ngɔ wa nalɛ.

⁸ Nɛ obe zã Bekɛrɛ wi a Zemira, Yoasi, Eliezɛrɛ, Eliohenai, Omri, Yɛremɔtɛ, Abia, Anatɔtɛ, do Alemɛtɛ.

⁹ Obe zã Bekɛrɛ ni vɛ̃, wa zi a onga wi bi bolo, nɛ wa zi 'bɔ vɛ̃ a okpasa wi kɔ̃ nu fɛlɛ kulanɔ 'da wa. Nɛ wa kɔma zi li Owi wili nu fɛlɛ kulanɔ ni kɔ 'buku, nɛ ngɔ gili wa vɛ̃ zi a koto 'bu wa bɔa do kama bɔa.

¹⁰ Be zã Yɛdiaɛlɛ wi a Bilɛhanɛ, kɛ a kua zi obulu benɔ gɛ: Yeusi, Bɛnzamɛ, Ehudɛ, Kɛnana, Zetanɛ, Tarsisi do Ahisaharɛ.

¹¹ Nɛ obe zã Yɛdiaɛlɛ ni vɛ̃, wa zi a onga wi bi bolo, nɛ wa vɛ̃ zi a okpasa wi kɔ nu fɛlɛ kulanɔ 'da wa. Nɛ Owi wilinɔ vɛ̃ kɔ nu fɛlɛ kula ni, kɛ wa wia we nɛ bolo ni, wa zi koto 'bu ngɔ wa sambo do kama bɔa.

¹² Iri kua obulu be bɔa: Supimɛ do Hupimɛ. Nɛ Ahɛrɛ kua Husimɛ.

¹³ Nɛ Nɛftali ko Yasiɛlɛ, Guni, Yɛsɛrɛ do Salumɛ. Wa zi a obe yaa Bila.

Obe zã Manase

¹⁴ Obe zã Manase wi a Asriɛlɛ do Makirɛ, benɔ kɛ a kua wa do wuko makangoe kɛ a a boko Siri ni. Makirɛ kua Galadɛ.

¹⁵ Makirɛ ba zi wuko hã Hupimɛ, nɛ a ba mbe 'bɔ hã Supimɛ. A zi do boko nya a li a a Maka. Nɛ Makirɛ kua bɔa bulu be 'da a, nɛ a e li a na Sɛlofadɛ, nɛ Sɛlofadɛ kua vɛ̃ a oboko be.

¹⁶ Nɛ Maka, wuke 'da Makirɛ ko zi obulu be bɔa, nɛ a e li wa na Perɛsɛ do Serɛsɛ. Serɛsɛ kua Ulamɛ do Rekɛmɛ,

¹⁷ nɛ Ulamɛ ko Bedanɛ. Ki ni a li obe zã Galadɛ, kɛ a a be 'da Makirɛ, nɛ a 'bɔ a be yaa Manase gɛ a ni.

¹⁸ Boko nya Galadɛ kɛ li a a Hamolekɛtɛ ni kua zi Isodɛ, Abiezɛrɛ do Mala.

¹⁹ Nɛ obulu benɔ 'da Sɛmida zi a Ahianɛ, Sekɛmɛ, Liki do Amamɛ.

Obe zã Efraimɛ

²⁰ Obe zã Efraimɛ ngboo ni, wi a Sutela, Berɛdɛ, Tahatɛ, Elada, Tahatɛ,

²¹ Zabadɛ do Sutela. Nɛ Efraimɛ kua 'bɔ obulu be bɔa: Ezɛrɛ do Eladɛ. Nɛ wa bɔa ni wa yamba zi we kala onadalamɛnɔ 'da Owi ngɔ nù Gatɛ do mɔ́ wa, nɛ Ogatɛ wa gbɛa zi wa.

²² Nɛ Efraimɛ dungu zi gɛla wa 'do nɛ nyɛlɛ wena, nɛ onya a wa tɛ we mbɔkɔ zã a.

²³ 'Do ki ni, nɛ Efraimɛ mba 'bɔ ngɔ te do wuke 'da a, nɛ a ba zã, nɛ a ko bulu be, nɛ a e li a na Bɛria. Gulu nɛ na: “Tɔa 'bako.”

²⁴ Nɛ Efraimɛ kua zi 'bɔ boko be, nɛ a e li a na Sera. Nɛ Sera dɛa zi lenɔ gɛ: Bɛtɛ-Horoni kɛ si gɔtɔ kala, do Bɛtɛ-Horoni kɛ ngɔ kala, do Uzɛnɛ-Sera.

²⁵ Obe zã Beria ngboo wi a Refa, Resɛfɛ, Tela, Tahanɛ,

²⁶ Ladanɛ, Amihudɛ, Elisama,

²⁷ Nunɛ do Yozue.

²⁸ Onùnɔ kɛ Oefraimɛ wa kpa zi ma we ɔ kɔ nɛ ni, ma ba zi le Betɛlɛ, do obe lenɔ kɛ zã nɛ ni, do Naranɛ kɛ ma si 'biti gba wese, do Gezɛrɛ si 'biti gɛ̃a wese do obe lenɔ kɛ zã nɛ ni, mba do 'bili tɛ nùi kɛ ma si ngbala le Sikɛmɛ do Aya, do obe lenɔ kɛ zã nɛ ni.

²⁹ Obe zã. Manase wa kpa zi olenɔ gɛ: Bɛtɛ-Seanɛ, Tanakɛ, Megido do Dɔrɛ. Le kpo do kpo zi do obe le kɛ zã nɛ. Ki ni a olenɔ kɛ obe zã Yozɛfu, be 'da Yakɔbɔ, wa ɔ zi kɔ nɛ gɛ a ni.

Obe zã Asɛrɛ

³⁰ Obenɔ 'da Asɛrɛ wi a Imna, Isɛva, Isɛvi do Bɛria. Nɛ boko be nya wa zi a Sera.

³¹ Obenɔ 'da Bɛria zi a Hebɛrɛ do Malkiɛlɛ, wi dɛ le Birzaitɛ.

³² Hebɛrɛ kua zi Yaflɛtɛ, Semɛrɛ do Hotamɛ, mba do boko be nya wa li a a Sua.

³³ Obenɔ 'da Yaflɛtɛ wi a Pasakɛ, Bimalɛ do Asɛvatɛ.

³⁴ Obenɔ 'da Semɛrɛ wi a Ahi, Roga, Huba do Aramɛ.

³⁵ Nɛ obenɔ 'da nya a Hotamɛ wi a Sofa, Imna, Selɛsɛ, do Amalɛ.

³⁶ Obenɔ 'da Sofa wi a Sua, Harnefɛrɛ, Sualɛ, Beri, Imra,

³⁷ Bɛsɛrɛ, Hodɛ, Sama, Silɛsa, Itranɛ do Bɛera.

³⁸ Obe zã Itranɛ wi a Yɛfune, Pisɛpa do Era.

³⁹ Obenɔ 'da Ula wi a Ara, Haniɛlɛ do Risia.

⁴⁰ Owinɔ ni vɛ̃ zi a obe zã Asɛrɛ. Nɛ wa zi a okpasa wi kɔ nu fɛlɛ kula 'da wa. Nɛ wa 'bɔ a, onga wi bi bolo, do saka Owi kpe dati winɔ. Kɔ nu kpala Asɛrɛ, wa kɔma zi li Owi wilinɔ kɛ wa wia we nɛ bolo ni, nɛ nde wa zi koto 'bu wa bɔa ngɔ wa gazɛlɛ.