1 Sakonɔ 4 - WE NU GALE 1995

Obe zã Yuda

¹ Obe zã Yuda kɛ a kua wa ni, wi a Perɛsi, Hɛsroni, Karmi, Hurɛ do Sobalɛ.

² Nɛ Reaya, be 'da Sobalɛ kua Yahatɛ, nɛ Yahatɛ ko Ahumai do Lahadɛ. Owinɔ gɛ zi a oyaa nu fɛlɛ Sora.

^3-4 Hurɛ, kuti be 'da Efrata, dɛa zi le Bɛtleɛmɛ, nɛ a kua obulu be, li wa a Etamɛ, Yizreɛlɛ, Isɛma do Idbasɛ, nɛ a ko boko be kpo, li a a Haslɛliponi. 'Do nɛ, nɛ a ko 'bɔ Pɛnuɛlɛ, kɛ a dɛa zi le Gɛdɔrɛ, do Ezɛrɛ, kɛ a dɛa zi le Husa.

⁵ Asɛhurɛ, wi dɛ zi le Tekoa, a kala zi owuko bɔa: Hela do Nara.

⁶ Nara kua obulu be nalɛ: Ahuzamɛ, Hefɛrɛ, Tɛmni, do Ahasɛtari.

⁷ Nɛ Hela kua obe talɛ: Serɛtɛ, Soharɛ do Etnanɛ.

⁸ Kosi kua Anubɛ do Sobeba, nɛ a zi a yaa nu fɛlɛ kula Aharehɛlɛ, be 'da Harumɛ.

⁹ Mbe wele zi kpo, li a a Yabɛsi, wa hã zi dĩ hã a nɛa ngɔ otala nya a vɛ̃. Naa a ia zi li a na Yabɛsi, we duzu kɛ tɛ̃ a zɛlɛ zi tɛ ko a wena.

¹⁰ Nɛ Yabɛsi sambala zi na: “Aa Gale 'da lɛ obe Israɛlɛ, mɔ wélé nu mɔ tɛ mi, nɛ mɔ gã 'da kpamɛ 'da mi. Mɔ ɛ́fɛ́ kɔ̃ mɔ hã mɔ kpasa mi, nɛ mɔ fó 'bako do ngamɔ nyɛlɛ do mi!” Gale zila sambala 'da a, nɛ a hã mɛ kɛ a aka we nɛ ni hã a.

Mbe 'bɔ li onu fɛlɛ kula

¹¹ Kɛlubɛ, bulu nya Suha kua zi Mehirɛ, nɛ Mehirɛ ko Ɛstɔnɛ, nɛ Ɛstɔnɛ ko obe talɛ: Bɛtɛ-Rafa, Pasea do Tɛhina, nɛ Tɛhina dɛa le Nahasi.

¹² Obe zã wa wa ɔ zi kɔ le Reka.

¹³ Kɛnazɛ kua zi Otniɛlɛ do Sɛraya, nɛ Otniɛlɛ ko Hatatɛ do Meonotai,

¹⁴ nɛ Meonotai ko Ofra. Nɛ Sɛraya ko Yoabɛ, kɛ a a yaa owi dɛ to kɔ̃ winɔ kɛ wa ɔ zi kɔ gbangɔlɔ̃ 'da owi dɛ to kɔ̃ winɔ ni.

¹⁵ Kalɛbɛ, be 'da Yɛfune kua zi obulu be talɛ: Iru, Ela do Namɛ, nɛ Ela ko Kɛnazɛ.

¹⁶ Yahalelɛlɛ kua obulu be nalɛ: Zifɛ, Zifa, Tiria do Asarɛlɛ.

^17-18 Ɛzra kua obulu be nalɛ: Yetɛrɛ, Merɛdɛ, Efɛrɛ do Yaloni. Merɛdɛ ba Bitia, be 'da nwa ngɔ nù Ezipeto do wuko, nɛ wa ko obe talɛ: Miriamɛ, Samai do Isɛba, wele kɛ a dɛa zi le Ɛstɛmoa ni. Merɛdɛ ba zi 'bɔ boko ngɔ nù Yuda, nɛ wa ko do a obe talɛ: Yerɛdɛ, wi dɛ zi le Gɛdɔrɛ, do Hebɛrɛ, wi dɛ le Soko, do Yɛkutiɛlɛ, wi dɛ le Zanoa.

¹⁹ Hodia ba zi boko nya Nahamɛ, nɛ wa kua nu fɛlɛ Ogarmi, kɛ wa ɔ zi kɔ le Keila, do Omakati, kɛ wa ɔ zi kɔ le Ɛstɛmoa ni.

²⁰ Simoni kua Amnoni, Rina, Bɛnɛ-Hananɛ do Tiloni. Nɛ obe zã Isei wi a Zohɛtɛ do bulu be 'da a.

Obe zã Sela

²¹ Obe zã Sela, be 'da Yuda wi a Ɛrɛ, wi dɛ le Leka, Lada, wi dɛ le Maresa, mba do nu fɛlɛ winɔ kɛ wa dɛ tulu linɛnɔ kɛ ma bɛndɛ bɛndɛ tɛ kɔ le Bɛtɛ-Asɛbea ni.

²² Sela zi 'bɔ a yaa Yokimɛ, mba do owinɔ kɔ le Kozeba, do Yoasi, do Sarafɛ. Owinɔ ni wa kala zi owuko Moabɛ dati kɛ na, wa kpolo 'bɔ tɛ wa we ɔ kɔ le Lehɛmɛ ni. Ĩ na mɛnɔ ni mɛ a mɔ ma dɛa zɛ́ tɛ̃ ɛ belee.

²³ Obe zã wa zi a owi 'bo kpana, nɛ wa ɔ zi kɔ le Nɛtaimɛ do Gɛdera, nɛ wa dɛ zi to hã nwa kɔ le ni.

Obe zã Simeoni

²⁴ Simeoni kua Nɛmuɛlɛ, Yaminɛ, Yaribɛ, Zera do Saulɛ.

²⁵ Nɛ obe zã Saulɛ wi a Salumɛ, Mibsamɛ do Misɛma.

²⁶ Misɛma kua Hamuɛlɛ, Zakurɛ do Simei.

²⁷ Nɛ Simei kua obulu be 'bu ngɔ wa gazɛlɛ do oboko be gazɛlɛ. Nɛ nde ombe kpasa wi kɔ nu fɛlɛ winɔ wa kò zi obe dɛlɛ gɔ. Gulu nɛ hã nu kpala Simeoni wa dɛ̀lɛ̀ zi we kɔ̃ do nu kpala Yuda gɔ ni.

^28-32 Yolo do ngba soe kɛ Davidi dɛ zi do to nwa 'da a ni, obe zã Simeoni wa ɔa zi kɔ lenɔ gɛ: Bɛrseba, Molada, Hasarɛ-Sualɛ, Bila, Ɛsɛmɛ, Toladɛ, Bɛtuɛlɛ, Horma, Siklagɛ, Bɛtɛ-Markabɔtɛ, Hasarɛ-Susimɛ, Bɛtɛ-Biri do Saraimɛ. Nɛ wa ɔ zi 'bɔ kɔ ogele le mɔlɔ: Etamɛ, Ainɛ, Rimoni, Tokɛnɛ do Asanɛ,

³³ mba 'bɔ do obe lenɔ kɛ zã nɛ ni gbaa we hɔ tɛ le Balatɛ. Lenɔ kɛ wa ɔa zi kɔ nɛ gɛ a ni. Nɛ wa kɔma zi li nu fɛlɛ kulanɔ 'da wa vɛ̃ dɛ kɔ mbɛti.

^34-38 Nɛ zélé li okpasa winɔ kɔ onu fɛlɛ Simeoni: Mɛsɔbabɛ, Yamlɛkɛ, Yosa be 'da Amasia, Yɔɛlɛ, Yehu be 'da Yosibia, kɛ a a be 'da Sɛraya, nɛ a 'bɔ a be yaa Asiɛlɛ, Eliohenai, Yakoba, Yɛsohaya, Asaya, Adiɛlɛ, Yɛsimiɛlɛ, Bɛnaya, do Ziza, be 'da Sifei, nɛ a 'bɔ a be yaa Aloni. Aloni a be zã Yɛdaya, Simri do Sɛmaya. Nu fɛlɛ kula 'da wa dɛlɛ zi wena,

³⁹ do tɛlɛ tɛ kɛ na, wa pɛsa zi do kɔ lenɔ gbaa we hɔ nu ngba le Gɛdɔrɛ, tɛ kɔ gbangɔlɔ̃ si 'biti gba wese, we fa fala dala do obatanɔ 'da wa.

⁴⁰ Nɛ wa kpa zi dia fala kɛ ma do nyɔngɔmɔ wena hã obatanɔ 'da wa, tɛ ngɔ nùi kɛ ma gã zi wena, nɛ dungu fio ngɔ nɛ boe ni. Nɛ nde nùi ni, mɛ a fala kɛ obe zã Kamɛ wa ɔa zi se'de dati ɔa.

⁴¹ Ĩ na, do ngba soe 'da Ezekiasi, nwa ngɔ nù Yuda, nɛ owi nu kpala Simeoni kɛ wa sa li wa di ni ni, wa hɔa zi ngɔ nùi ni, nɛ wa 'danga tɔa tande do fala ɔinɔ 'da obe zã Kamɛ, nɛ wa gbɛ wi kɔ lenɔ vɛ̃. Nɛ sɔɛ gɛ, mɔ wè tɛ zɔ lenɔ ni, nɛ mɔ ĩ na, Owele wa ɔa zi kɔ nɛ ɔa ni gɔ. Nɛ 'do kɛ wa gbɛa owinɔ ni, nɛ wa kala fala olo wa ni, nɛ wa kulu dɛ kɔ nɛ, we duzu kɛ dia fala dala obata zi di ni boe.

⁴² Mbe Owele kama mɔlɔ kɔ nu kpala Simeoni, wa zila zi we nu obenɔ 'da Isei kɛ li wa a Pɛlatia, Nearia, Rɛfaya do Uziɛlɛ ni, nɛ wa kulu si ngɔ nù Edɔmɛ tɛ ngɔ kala i.

⁴³ Wa hɔa i mɔ, nɛ wa gbɛ Oamalɛkɛ kɛ wa kpasa zi li bole, nɛ wa yu zi dɛ i mɔ ni, nɛ wa dɛ fala ɔi 'da wa dɛ olo Oamalɛkɛ ni. Nɛ obe zã wa, wa 'bana dɛ di ni tia do sɔɛ gɛ.