1 Sakonɔ 25 - WE NU GALE 1995

Ngɔ gili owi ga zuma

¹ Davidi do Owi gala a kɛ wa a ogã wi ngɔ sambala ni, wa saka obe zã Asafɛ do Hemanɛ do Yɛdutunɛ na, wa ga Zumanɔ we tɔ̃ lɛnggɛ 'da Gale. Nɛ wa ga zi Zumanɔ, nɛ wa tɛ zɛ 'bɔ mba do obe kundu, ogã kundu do mbala mɔ bolonɔ kɛ wa zɛ ma do ngba ɛ ni. Nɛ zélé li owinɔ kɛ wa dɛ zi to ga zuma ni.

² Obenɔ 'da Asafɛ wi a Zakurɛ, Yozɛfu, Nɛtania do Asarela. Wi kpe zi dati wa wi a baa wa, kɛ a ga zuma 'da Gale we tɔ̃ lɛnggɛ 'da a, ɔ nɛ tɛlɛ tɛ kɛ nwa Davidi ba nu ɛ hã a ni.

³ Obenɔ 'da Yɛdutunɛ wi a Gɛdalia, Sɛri, Yɛsaya, Simei, Hasabia do Matitia. Wi kpe zi dati wa gazɛlɛ ni, wi a baa wa, kɛ a ga zuma, nɛ a tɛ zɛ 'bɔ mba do be kundu we tɔ̃ lɛnggɛ 'da NWA Gale do dɔnggɔ do a ni.

⁴ Obenɔ 'da Hemanɛ wi a Bukia, Matania, Uziɛlɛ, Sɛbuɛlɛ, Yɛrimɔtɛ, Hanania, Hanani, Eliata, Gidalti, Romamɛti-Ezɛrɛ, Yosɛbekasa, Malɔti, Hɔtirɛ do Mahaziɔtɛ.

⁵ Owinɔ ni vɛ̃ a obenɔ 'da Hemanɛ, kɛ a a wi tɔ̃ zi lɛnggɛnɔ 'da Gale hã nwa, we be ngawi 'da Gale hã a ni. Gale hã zi obulu be 'bu ngɔ wa nalɛ, nɛ oboko be talɛ hã Hemanɛ.

⁶ Wi kpe zi dati obenɔ ni vɛ̃ wi a baa wa, nɛ wa ga zi zuma kɔ Tɛmpɛlo 'da NWA. Nɛ wa ga zuma, nɛ wa zɛ 'bɔ mba do mbala mɔ bolonɔ, do ogã kundu, do obe kundu. Wa dɛ zi to 'da wa ti kɔ̃ nwa, nɛ Owi kpe zi dati wa wi a Asafɛ do Yɛdutunɛ do Hemanɛ.

⁷ Ngɔ gili owinɔ kɛ wa yambala ga zuma hã nwa, nɛ wa ĩ ti ga ma de wena ni, wa vɛ̃ zi a Owele kama bɔa do 'bu wa ngbɛ'dɛ'dɛ ngɔ wa ngbɛ'dɛ'dɛ.

⁸ Nɛ wa tua zeke we gɔnɔ sanga dɛa tonɔ, nɛ nde wa kɛ sanga obe zagbãlãnɔ, do kpasa winɔ gɔ, nɛ wa kɛ 'bɔ sanga owi ga Zumanɔ kɛ wa ĩ ti nɛ de wena ni, do owanɔ kɛ wa ndua ya yambala iko ni gɔ.

^9-31 Kɛ gɛ a li ogã wi ngɔ gili winɔ, kɛ wa saka wa, yolo ngɔ kuti be gbaa we hɔ ngɔ tala be ni: 1 Yozɛfu, be 'da Asafɛ 2 Gɛdalia 3 Zakurɛ 4 Isri 5 Nɛtania 6 Bukia 7 Yɛsarela 8 Yɛsaya 9 Matania 10 Simei 11 Azarɛlɛ 12 Hasabia 13 Subaɛlɛ 14 Matitia 15 Yɛremɔtɛ 16 Hanania 17 Yosɛbekasa 18 Hanani 19 Malɔti 20 Eliata 21 Hɔtirɛ 22 Gidalti 23 Mahaziɔtɛ 24 Romamɛti-Ezɛrɛ. Nɛ gã wi kpo kpo ngɛmɛ zi li winɔ kɔ nu fɛlɛ kula 'da a, nɛ a mba do wa, nɛ wa hɔ ngɔ gili Owele 'bu ngɔ wa bɔa.