1 Sakonɔ 24 - WE NU GALE 1995

Ngɔ gili onganganɔ

¹ Obe zã Aroni wa kɛ̃a sanga tɛ ngba wa do ngɔ gili wa kpi do kpi. Aroni kua obulu be nalɛ: Nadabɛ, Abihu, Elazarɛ do Itamarɛ.

² Nadabɛ do Abihu wa fia zi dati hã baa wa. Wa fia, nɛ nde wa kò obe zã wa gɔ. Nɛ owinɔ wa dɛa to nganga tati a Elazarɛ do Itamarɛ.

³ Davidi gɔnɔ sanga obe zã Aroni do ngɔ gili, nɛ a kɛ̃a to hã wa. Owinɔ wa gbaka zi a tɛ gɔnɔ sanga wa ni a Sadɔkɛ, be zã Elazarɛ, do Ahimelɛkɛ, be zã Itamarɛ.

⁴ Nɛ wa zɔa na, obe zã Elazarɛ wa dɛlɛ nɛa ngɔ obe zã Itamarɛ. Gulu nɛ a wa kɛ̃a sanga obe zã Elazarɛ do ngɔ gili nu fɛlɛ kula 'bu ngɔ nɛ gazɛlɛ. Nɛ wa kɛ̃ sanga obe zã Itamarɛ do ngɔ gili wa ngbɛ'dɛ'dɛ, ngɔ gili kpo kpo do gã wi 'da a.

⁵ Wa tua zi zeke sɛ a wa kɛ̃ do sanga owinɔ ni de, we kɛ ombe sanga obe zã Elazarɛ do Itamarɛ ni, wa zi a ogã wi ngɔ dɛa toe tɛ fala dɔnggɔ do Gale, nɛ ombe wa zi a owi tɔ̃ mbula 'da Gale.

⁶ Sɛmaya, be 'da Nɛtaneɛlɛ, wi kɔ nu kpala Levi, kɛ a a wi kɔmɔ mbɛti ni, a kɔma li wa dɛ dati nwa, do ogã winɔ, do nganga Sadɔkɛ, do Ahimelɛkɛ, be 'da Abiatarɛ, do ogã wi kɔ nu fɛlɛ kula 'da onganganɔ do nu fɛlɛ kula 'da olevitɛnɔ. We duzu nu fɛlɛ Elazarɛ, wa tua zeke fala bɔa, nɛ wa to we nu fɛlɛ Itamarɛ fala kpo.

^7-18 Nɛ zélé li ngɔ gili ogã winɔ yolo ngɔ wi dati gbaa we hɔ ngɔ wi 'do, kɛ wa tua zeke we saka wa ni. 1 Yoyaribɛ 2 Yɛdaya 3 Harimɛ 4 Seorimɛ 5 Malkia 6 Miaminɛ 7 Hakɔsi 8 Abia 9 Yesua 10 Sɛkania 11 Eliasibɛ 12 Yakimɛ 13 Hupa 14 Yesebabɛ 15 Bilga 16 Imɛrɛ 17 Hezirɛ 18 Hapisɛsɛ 19 Pɛtahia 20 Ezekiɛlɛ 21 Yakinɛ 22 Gamulɛ 23 Dɛlaya 24 Mazia

¹⁹ Wa gɔnɔ sanga owinɔ ni, nɛ wa kɛ̃ dɛa to kɔ tɔa Tɛmpɛloe 'da nwa hã wa. Nɛ wa dɛa toe 'da wa, ɔ nɛ tɛlɛ tɛ kɛ NWA Gale 'da obe Israɛlɛ tɔa hã yaa wa Aroni ni.

Lì ombe olevitɛnɔ

²⁰ Nɛ zélé li ombe be zã Levi: Subaɛlɛ, be zã Amramɛ, Yedia, be zã Subaɛlɛ,

²¹ Isia, kuti be 'da Rɛhabia,

²² Sɛlɔmɔtɛ, be zã Isarɛ, Yahatɛ, be zã Sɛlɔmɔtɛ.

²³ Hebroni kua obulu be nalɛ: Yeria, Amaria, Yaziɛlɛ, do Yɛkamamɛ.

²⁴ Uziɛlɛ kua Mika, nɛ Mika ko Samirɛ.

²⁵ Nɛ Isia, nya Mika kua Zakaria.

²⁶ Mɛrari kua Mali, Musi do Yazia.

²⁷ Nɛ obe zã Mɛrari, kɛ be 'da a Yazia kua wa ni, wi a Sohamɛ, Zakurɛ do Ibri.

²⁸ Elazarɛ be 'da Mali, kò zi be gɔ,

²⁹ nɛ Kisi kua be kpo kɛ li a Yɛrameɛlɛ.

³⁰ Nɛ Musi kua Mali, Edɛrɛ do Yɛrimɔtɛ. Ki ni a obe zã olevitɛnɔ kɛ wa a kɔ nu fɛlɛ kula 'da wa ngboo gɛ a ni.

³¹ Wa dɛa ɔ nɛ kpo onya wa obe zã Aroni ni, wa tua zi zeke we ĩ ti dɛa to 'da wa dati nwa Davidi, do Sadɔkɛ, do Ahimelɛkɛ, do ogã wi kɔ nu fɛlɛ kula 'da onganganɔ do olevitɛnɔ. Nɛ ma dɛa tɛ̃ ɛ ní, tɛ 'da gã wi kɔ nu fɛlɛ kula, do wele kɛ a be 'do kɔ nu fɛlɛ kula ni.