भजनसंग्रहया सफू 98 - नेवाः बाइबलपरमेश्वर संसारयाम्ह शासक खः 1 परमप्रभुया निंतिं छपु न्हूगु भजन हा, वय्कलं अजू चायापुगु ज्या यानादीगु दु, थःगु शक्ति व पवित्र बलं वय्कः त्याःगु दु। 2 परमप्रभुं थःगु उद्धारया ज्या क्यनादीगु दु, वय्कलं थःगु धार्मिकता जाति जातितय्त क्यनादीगु दु। 3 वय्कलं इस्राएलीतय्त सदां दयाच्वनीगु दया माया बी धकाः चिनादीगु बाचा व विश्वास याये बहःम्ह जुयेगु लुमंकादीगु दु। पृथ्वीया कुंकुलामय् च्वंपिन्सं झी परमेश्वरं यानादीगु उद्धार खंगु दु। 4 हे पृथ्वीयापिं सकल मनूत, लय्तातां भजन हा, लय्लय्तातां भजन हालाः वय्कःयात प्रशंसा या। 5 परमप्रभुया प्रशंसा या! वीणा थानाः परमप्रभुया प्रशंसा या! 6 तुरही व नेकू पु, अले परमप्रभु झी जुजुयात लय्तातां जयजय या। 7 समुद्र व उकी च्वंपिं फुक्क प्राणीतय्त वय्कःयात तःधंकाः ततःसलं हालेब्यु! अले पृथ्वी व पृथ्वीइ च्वंपिं सकसितं वय्कःयात तःधंकाः ततःसलं हालेब्यु! 8 खुसितय्सं ल्हाःपा थायेमा, पहाडतय्सं छक्वलं लसतां म्ये हालेमा। 9 थ्व परमप्रभुया न्ह्यःने जुइमा। छाय्धाःसा वय्कः पृथ्वीइ राज्य यायेत झायादीत्यंगु दु। वय्कलं धार्मिकतां सुयागु पँ मलीसें संसारयापिं मनूतय्गु न्याय यानादी। |
© 2024 Nepal Bible Society, Newa Christian
Literature Center and Wycliffe Bible Translators, Inc.
Wycliffe Bible Translators, Inc.