भजनसंग्रहया सफू 3 - नेवाः बाइबल

ग्‍वाहालिया निंतिं सुथसिया प्रार्थना

दाऊदया भजन, दाऊदं थःकाय् अब्‍शालोमया थासं बिस्‍युं वंबलय् हाःगु भजन

¹ हे परमप्रभु! जिमि शत्रुत गुलि यक्‍व दुगु। जिगु विरोधय् गुलि मनूत दनावःगु।

² यक्‍वसिनं धयाच्‍वन, “परमेश्‍वरं वयात गुबलें नं रक्षा यानादी मखु।” सेला

³ तर हे परमेश्‍वर! छि जिगु जवंखवं ढाल जुयाच्‍वनादीगु दु। छि जिगु गौरव खः, छिं हे जिगु छ्यं धस्‍वाका तयादीगु दु।

⁴ जिं तःसलं परमप्रभुया नां काये, अले वय्‌कलं जितः थःगु पवित्र पर्वतं लिसः बियादी। सेला

⁵ जि ग्‍वारातुलाः द्यने अले हानं दने, छाय्‌धाःसा परमप्रभुं जितः रक्षा यानादीगु खः।

⁶ जितः प्‍यखेरं हय्‌कायेत स्‍वयाच्‍वंपिं द्वलंद्वः शत्रुत खनाः नं जि मग्‍याः।

⁷ हे परमप्रभु, झासँ! हे जिमि परमेश्‍वर, जितः बचय् यानादिसँ। जिमि शत्रुतय्‌गु न्‍यतालय् दायादिसँ। दुष्‍टतय्‌गु वा त्‍वथुलादिसँ।

⁸ परमप्रभुं रक्षा यानादी। छिगु सुवाः छिकपिनि मनूतय्‌त दयाच्‍वनेमा। सेला