भजनसंग्रहया सफू 23 - नेवाः बाइबलपरमप्रभु जिमि जवाः दाऊदया भजन 1 परमप्रभु जिमि जवाः खः, जितः छुं मगाःमचाः जुइ मखु। 2 वय्कलं जितः वाउँगु घाँसय् थ्यनादी, वय्कलं जितः सफागु लःया पुखुलिइ यंकादी। 3 वय्कलं जितः न्हूगु जीवन बियादी, वय्कलं थःगु नांया निंतिं जितः धार्मिकताया लँय् यंकादी। 4 न्ह्याथे हे तसकं खिउँसे च्वंगु लं वनेमाःसां जि छतिं हे ग्याये मखु, प्रभु! छाय्धाःसा छि जिलिसें दी, छिगु कथिं व तुतामं नं जितः ब्वलंकाबी। 5 जिमि शत्रुतय् न्ह्यःने छिं जिगु निंतिं भ्वय् ज्वरय् यानादी, छिं जिगु छ्यं चिकनं अभिषेक यानादीगु दु, जिगु ख्वला जायाः भय्बी। 6 जिं स्यू जिगु पलाः पतिकं छिं जितः माया व भिं यानाच्वनी। अले परमप्रभुया छेँय् जि सदां च्वने दइ। |
© 2024 Nepal Bible Society, Newa Christian
Literature Center and Wycliffe Bible Translators, Inc.
Wycliffe Bible Translators, Inc.