भजनसंग्रहया सफू 12 - नेवाः बाइबलग्वाहालिया निंतिं प्रार्थना दाऊदया भजन, लय् तइम्हसिया निंतिं – “शिमिनिथ” लय्कथं 1 हे परमप्रभु! जिमित ग्वाहालि यानादिसँ। भिंपिं मनूत छम्ह हे मदये धुंकल। विश्वास यायेबहःपिं सुं हे मन्त। 2 सकसिनं थःथवय् मखुगु खँ ल्हानाजुइगु, म्हुतु जक पिचुकाः थवंथवय् झंगः लानाजुइगु। 3 परमप्रभु, पिचुगु मे फुक्क ध्यनाबियादिसँ, अले तःधंछुया जुइगु म्हुतुप्वाः तिनाबियादिसँ। 4 इमिसं धयाजुइ, “जिमिसं थःगु खं थःत माःगु पूवंके। जिमि थः मंदु थें धयाजुये। जिमित सुनानं पने फइ मखु।” 5 परमप्रभुं धयादी, “आः जि वये। छाय्धाःसा चीमिपिन्सं क्वत्यय्काः च्वनेमाःगु दु, दुःखय् लानाच्वंपिन्सं झसुकाः तयाच्वंगु दु। जिं इपिं फुक्कसित इमित दुःख बियाच्वंपिनिपाखें बचय् याये।” 6 परमप्रभुया वचन न्हय्कः तक मिइ छुयातःगु वहः थें शुद्ध जू। 7 हे परमप्रभु, छिं जिमित रक्षा यानादी। जिमित न्ह्याबलें थज्याःपिं मनूतपाखें बचय् यानाः तयादी। 8 मनूतय्गु दथुइ मभिंसूयात इज्जत दइबलय् दुष्टत न्याकुं कयाः लँय् न्यासि जुइ। |
© 2024 Nepal Bible Society, Newa Christian
Literature Center and Wycliffe Bible Translators, Inc.
Wycliffe Bible Translators, Inc.