Yeremia 45 - ŊMALƐ KRƆŊKRƆŊ LƐ

Nyɔŋmɔ wo Baruk shi

¹ Yuda Maŋtsɛ Yehoiakim, Yosia bi lɛ, yinɔ afi ni ji ejwɛ lɛ nɔ lɛ, Gbalɔ Yeremia kɛ Baruk, Neria bi lɛ, wie, ni Baruk ŋma Yeremia naa wiemɔi lɛ ewo wolo mli akɛ,

² “Baruk, nɔ ni Yehowa, Israel Nyɔŋmɔ lɛ kɛɔ bo nɛ.

³ Okɛɛ akɛ, ‘Kpoo hã mi, ejaakɛ Yehowa kɛ ŋkɔmɔ ebashi minɔnaa lɛ nɔ ehã mi! Etɔ mi kɛ kɔ̃ɔmɔ, ni minaaa hejɔlɛ.’ ”

⁴ Bɔ ni okɛɛ Baruk nɛ. Nɔ ni, Yehowa kɛɛ nɛ, “Naa, nii ni mima mima shi lɛ, mi nɔŋŋ miikumɔ mashwie shi, ni nii ni mi nɔŋŋ mitɛo lɛ, miifamɔ mashwie. Nakai ji bɔ ni mikɛ shikpɔŋ muu lɛ fɛɛ yeɔ nɛɛ.

⁵ Ani bo lɛ nibii wuji otaoɔ ohã ohe nɛɛ? Kaadi nomɛi asɛɛ, ejaakɛ mibahã sane fɔŋ aye gbɔmɛi adesai fɛɛ. Shi bo lɛ mibaŋɔ owala make bo tamɔ ta mli juromɔ nii yɛ he fɛɛ he ni oootee. Mi Yehowa mikɛɛ.”