Nehemia 7 - ŊMALƐ KRƆŊKRƆŊ LƐ

¹ Agbɛnɛ atswa gbogbo lɛ agbe naa, ni mitara agboi lɛ anaa shinai lɛ, ni ato agbonaakwɛlɔi kɛ lalatsɛmɛi kɛ Levibii lɛ.

² Kɛkɛ ni mitu Yerusalɛm miwo minyɛmi Hanani kɛ Hanania, mɔɔ lɛ mli lumɔ lɛ, dɛŋ, ejaakɛ nuu anɔkwafo ni sheɔ Nyɔŋmɔ gbeyei fe mɛi pii ji Hanania.

³ Mikɛɛ amɛ akɛ, “Nyɛkahãa agbelea Yerusalɛm agboi lɛ aŋmɛ; ja hulu naa ewa dã. Kɛji bulɔi lɛ damɔ shi amɛmiibu lɛ, aŋamɔ shinai lɛ ni alalaa sɛɛ. Nyɛtoa bulɔi ni ji Yerusalɛmbii. Mɔ fɛɛ mɔ ahi ebuu nɔ, ni mɔ fɛɛ mɔ adamɔ shi ni eekwɛ eshĩa lɛ hiɛ.”

Mɛi ni ku amɛsɛɛ kɛjɛ nomŋɔɔ mli kɛba lɛ agbɛii

⁴ Yerusalɛm maŋ lɛ da, ni emli lɛɛ hu, shi mɛi ni yɔɔ mli lɛ faaa, ni tsui lɛ hu amamɔko.

⁵ Kɛkɛ ni miNyɔŋmɔ lɛ hã eba mijwɛŋmɔ mli akɛ mibua abladei lɛ kɛ nɔyelɔi lɛ kɛ maŋ lɛ naa koni aŋmã amɛgbɛi yɛ amɛwekukpãa naa. Miyana mɛi ni ba klɛŋklɛŋ lɛ awekukpãa wolo lɛ. Mina ni aŋma yɛ mli akɛ:

⁶ Mɛnɛɛmɛi ji Yuda shikpɔŋ lɛ nɔ bii ni Maŋtsɛ Nebukadnezar baŋɔ amɛ nom kɛtee Babilon lɛ ateŋ mɛi ni jɛ nomŋɔɔ lɛ mli ba lɛ. Amɛ ji mɛi ni ku amɛsɛɛ kɛba Yerusalɛm kɛ Yuda, ni amɛteŋ mɔ fɛɛ mɔ tee emaŋ lɛ.

⁷ Mɛi ni nyiɛ amɛhiɛ kɛba ji Zerubabel, Yeshua, Nehemia, Azaria. Raamia, Nahamani, Mɔdekai, Bilshan, Misperet, Bigewai, Nehum kɛ Baana. Israelbii lɛ ateŋ mɛi ni ku amɛsɛɛ kɛba lɛ, amɛyibɔ yɛ amɛtsɛmɛiawei lɛ anaa nɛ:

⁸ Paroshbii lɛ: akpei enyɔ kɛ oha kɛ nyɔŋmai kpawo kɛ enyɔ.

⁹ Shefatiabii lɛ: ohai etɛ̃ kɛ nyɔŋmai kpawo kɛ enyɔ.

¹⁰ Arabii lɛ: ohai ekpaa kɛ nyɔŋmai enumɔ kɛ enyɔ.

¹¹ Pahat-Moabbii ni ji Yeshua kɛ Yoab shwiei lɛ: akpei enyɔ kɛ ohai kpaanyɔ kɛ nyɔŋma kɛ kpaanyɔ.

¹² Elambii lɛ: akpe kɛ ohai enyɔ kɛ nyɔŋmai enumɔ kɛ ejwɛ.

¹³ Zatubii lɛ: ohai kpaanyɔ kɛ nyɔŋmai ejwɛ kɛ enumɔ.

¹⁴ Zakaibii lɛ: ohai kpawo kɛ nyɔŋmai ekpaa.

¹⁵ Benuibii lɛ: ohai ekpaa kɛ nyɔŋmai ejwɛ kɛ kpaanyɔ.

¹⁶ Bebaibii lɛ: ohai ekpaa kɛ nyɔŋmai enyɔ kɛ kpaanyɔ.

¹⁷ Azgadbii lɛ: akpei enyɔ kɛ ohai etɛ̃ kɛ nyɔŋmai enyɔ kɛ enyɔ.

¹⁸ Adonikambii lɛ: ohai ekpaa kɛ nyɔŋmai ekpaa kɛ kpawo.

¹⁹ Bigewaibii lɛ: akpei enyɔ kɛ nyɔŋmai ekpaa kɛ kpawo.

²⁰ Adinbii lɛ: ohai ekpaa kɛ nyɔŋmai enumɔ kɛ enumɔ.

²¹ Aterbii ni jɛ Hezekia nɔ lɛ mli lɛ: nyɔŋmai nɛɛhu kɛ kpaanyɔ.

²² Hashumbii lɛ: ohai etɛ̃ kɛ nyɔŋmai enyɔ kɛ kpaanyɔ.

²³ Bezaibii lɛ: ohai etɛ̃ kɛ nyɔŋmai enyɔ kɛ ejwɛ.

²⁴ Harifbii lɛ: oha kɛ nyɔŋma kɛ enyɔ.

²⁵ Gibeonbii lɛ: nyɔŋmai nɛɛhu kɛ enumɔ.

²⁶ Betlehembii kɛ Netofabii lɛ: oha kɛ nyɔŋmai kpaanyɔ kɛ kpaanyɔ.

²⁷ Anatotbii lɛ: oha kɛ nyɔŋmai enyɔ kɛ kpaanyɔ.

²⁸ Bet-Azmavetbii lɛ: nyɔŋmai ejwɛ kɛ enyɔ.

²⁹ Kiriat-Yearimbii kɛ Kefirabii kɛ Beerotbii lɛ: ohai kpawo kɛ nyɔŋmai ejwɛ kɛ etɛ̃.

³⁰ Ramabii kɛ Gebabii lɛ: ohai ekpaa kɛ nyɔŋmai enyɔ kɛ ekome.

³¹ Mikmasbii lɛ: oha kɛ nyɔŋmai enyɔ kɛ enyɔ.

³² Betelbii kɛ Aibii lɛ: oha kɛ nyɔŋmai enyɔ kɛ etɛ̃.

³³ Nebo kroko lɛ mli bii lɛ: nyɔŋmai enumɔ kɛ enyɔ.

³⁴ Elam kroko lɛ mli bii lɛ: akpe kɛ ohai enyɔ kɛ nyɔŋmai enumɔ kɛ ejwɛ.

³⁵ Harimbii lɛ: ohai etɛ̃ kɛ nyɔŋmai enyɔ.

³⁶ Yerikobii lɛ: ohai etɛ̃ kɛ nyɔŋmai ejwɛ kɛ enumɔ.

³⁷ Lodbii kɛ Hadidbii kɛ Onobii lɛ: ohai kpawo kɛ nyɔŋmai enyɔ kɛ ekome.

³⁸ Senaabii lɛ: akpei etɛ̃ kɛ ohai nɛɛhu kɛ nyɔŋmai etɛ̃.

Osɔfoi awekui

³⁹ Osɔfoi lɛ ni ji Yedaiabii ni jɛ Yeshua we lɛ: ohai nɛɛhu kɛ nyɔŋmai kpawo kɛ etɛ̃.

⁴⁰ Imerbii lɛ: akpe kɛ nyɔŋmai enumɔ kɛ enyɔ.

⁴¹ Pashurbii lɛ: akpe kɛ ohai enyɔ kɛ nyɔŋmai ejwɛ kɛ kpawo.

⁴² Harimbii lɛ: akpe kɛ nyɔŋma kɛ kpawo.

⁴³ Levibii lɛ ni ji Yeshuabii kɛ Kadmielbii ni jɛ Hodaviabii ateŋ lɛ: nyɔŋmai kpawo kɛ ejwɛ.

⁴⁴ Lalatsɛmɛi ni ji Asafbii lɛ: oha kɛ nyɔŋmai ejwɛ kɛ kpaanyɔ.

⁴⁵ Agbonaakwɛlɔi lɛ abii ni ji Shalumbii kɛ Aterbii kɛ Talmonbii kɛ Akubbii kɛ Hatitabii kɛ Shobaibii lɛ. Amɛ fɛɛ lɛ amɛfeɔ oha kɛ nyɔŋmai etɛ̃ kɛ kpaanyɔ.

⁴⁶ Sɔlemɔ we sɔ̃ɔlɔi lɛ: Zihabii kɛ Hasufabii kɛ Tabaotbii lɛ.

⁴⁷ Kerosbii kɛ Siabii kɛ Padonbii lɛ.

⁴⁸ Lebanabii kɛ Hagababii kɛ Shalmaibii,

⁴⁹ Hananbii kɛ Gidelbii kɛ Gaharbii lɛ,

⁵⁰ Reaiabii kɛ Rezinbii kɛ Nekodabii lɛ,

⁵¹ Gazambii kɛ Uzabii kɛ Paseabii lɛ,

⁵² Besaibii kɛ Meunimbii kɛ Nefushesimbii lɛ.

⁵³ Bakbukbii kɛ Hakufabii kɛ Harhurbii lɛ,

⁵⁴ Bazlitbii kɛ Mehidabii kɛ Harshabii lɛ,

⁵⁵ Barkosbii kɛ Siserabii kɛ Temabii lɛ.

⁵⁶ Neziabii kɛ Hatifabii lɛ,

⁵⁷ Solomon tsuji lɛ abii lɛ: Sotaibii kɛ Soferetbii kɛ Peridabii lɛ,

⁵⁸ Yaalabii kɛ Darkonbii kɛ Gidelbii lɛ,

⁵⁹ Shefatiabii kɛ Hatilbii kɛ Pokeret-Hazebaimbii kɛ Amonbii lɛ.

⁶⁰ Sɔlemɔ we lɛ sɔ̃ɔlɔi kɛ Solomon tsuji ashwiei lɛ fɛɛ feɔ ohai etɛ̃ kɛ nyɔŋmai nɛɛhu kɛ enyɔ.

⁶¹ Naa mɛi ni fã kɛjɛ Tel-Mela kɛ Tel-Harsha kɛ Kerub kɛ Adan kɛ Imer kɛba, shi amɛnyɛɛɛ amɛtsɛmɛi awei loo amɛseshi amɛtsɔ̃ɔ akɛ Israelbii ji amɛ.

⁶² Amɛ ji Delaiabii kɛ Tobiabii kɛ Nekodabii lɛ. Amɛfeɔ mɛi ohai ekpaa kɛ nyɔŋmai ejwɛ kɛ enyɔ.

⁶³ Osɔfoi aweku mli bii ni anaaa amɛgbɛii yɛ wolo ko mli ji Hoabaiabii kɛ Hakozbii kɛ Barzilaibii. (Barzilaibii nɛɛ ablematsɛ lɛ baŋɔ Barzilai ni jɛ Gilead lɛ biyei lɛ ateŋ mɔ kome, ni eŋɔ eshaanuu lɛ gbɛi).

⁶⁴ Akɛni anaaa amɛweku gbɛii wolo ko lɛ hewɔ lɛ aŋɔɔɔ amɛ akɛ osɔfoi ejaakɛ amɛhe tseee.

⁶⁵ Amralo lɛ kɛɛ amɛ akɛ amɛkaye nii krɔŋkrɔŋ fe fɛɛ lɛ eko, kɛyashi beyinɔ ni osɔfoi lɛ aaaba ni aaanyɛ atsɔ̃ Urim kɛ Tumim nɔ akɛle nɔ gbɔmɛi ni ji amɛ.

⁶⁶ Asafo ni ku amɛsɛɛ kɛba lɛ naa shɛɔ mɛi akpei nyɔŋmai ejwɛ kɛ enyɔ kɛ ohai etɛ̃ kɛ nyɔŋmai ekpaa.

⁶⁷ Soro amɛtsuji hii kɛ amɛweyei ni naa shɛɔ akpei kpawo kɛ ohai etɛ̃ kɛ nyɔŋmai etɛ̃ kɛ kpawo, kɛ hii lalatsɛmɛi kɛ yei lalatsɛmɛi ohai enyɔ kɛ nyɔŋmai ejwɛ kɛ enumɔ.

⁶⁸ Amɛkpɔŋɔi ayibɔ ji ohai kpawo kɛ nyɔŋmai etɛ̃ kɛ ekpaa; amɛtejiokpɔŋɔi ohai enyɔ kɛ nyɔŋmai ejwɛ kɛ enumɔ.

⁶⁹ Amɛyoomai ohai ejwɛ kɛ nyɔŋmai etɛ̃ kɛ enumɔ; amɛtejii akpei ekpaa ohai kpawo kɛ nyɔŋmai enyɔ.

⁷⁰ Tsɛmɛi awei lɛ onukpai lɛ ekomɛi bake nii yɛ Sɔlemɔtsu lɛ saamɔ hewɔ. Amralo lɛ hã shika ŋmiiŋmi kiloi kpaanyɔ, lalakãi nyɔŋmai enumɔ, osɔfoi atadei ohai enumɔ kɛ nyɔŋmai etɛ̃.

⁷¹ Tsɛmɛi awei lɛ onukpai lɛ ekomɛi bake shika ŋmiiŋmi kiloi oha kɛ nyɔŋmai ekpaa kɛ kpaanyɔ, kɛ jwiɛtɛi kiloi akpe kɛ ohai enyɔ kɛ nyɔŋmai enumɔ. Akɛ fɛɛ wo fotro ni akɛtsuɔ nii lɛ mli.

⁷² Nɔ ni maŋbii ni eshwɛ lɛ hã ji shika ŋmiiŋmi kiloi oha kɛ nyɔŋmai ekpaa kɛ kpaanyɔ kɛ jwiɛtɛi kiloi oha kɛ nyɔŋmai ejwɛ kɛ osɔfoi atadei nyɔŋmai ekpaa kɛ kpawo.

⁷³ Osɔfoi lɛ kɛ Levibii lɛ kɛ agbonaakwɛlɔi lɛ kɛ lalɔi lɛ kɛ maŋbii lɛ ateŋ mɛi komɛi kɛ Sɔlemɔ we sɔ̃ɔlɔi lɛ kɛ Israel muu lɛ fɛɛ bahi amɛmaji lɛ amli.