Lalai 99 - ŊMALƐ KRƆŊKRƆŊ LƐ

Nyɔŋmɔ ji Maŋtsɛ Ofe

¹ Yehowa miiye maŋtsɛ; maji lɛ ahe akpokpo! Eta maŋtsɛ sɛi nɔ yɛ kerubim anɔ. Shikpɔŋ lɛ ahoso!

² Yehowa je agbo yɛ Zion, awo enɔ gojoo fe gbɔmɛi fɛɛ.

³ Aaajie ogbɛi kpeteŋkple ni he yɔɔ gbeyei lɛ yi. Ehe tse krɔŋkrɔŋ!

⁴ Maŋtsɛ Ofe ni sumɔɔ jalɛ saneyeli, ohã jalɛ saneyeli ema shi; ni aafee nɔ ni ja yɛ Israel.

⁵ Nyɛkafoa Yehowa, wɔNyɔŋmɔ lɛ; nyɛjaa yɛ enaneshi maaŋoo lɛ hiɛ! Ehe tse krɔŋkrɔŋ.

⁶ Mose kɛ Aaron fata osɔfoi lɛ ahe; ni Samuel hu shi mɛi ni ja Yehowa lɛ anɔ. Amɛbo amɛtsɛ Yehowa, ni ehere amɛ nɔ.

⁷ Ekɛ amɛ wie yɛ atatu kutuu lɛ mli; amɛye emlai kɛ akpɔi ni eŋɔ hã amɛ lɛ anɔ.

⁸ Oo Yehowa, wɔNyɔŋmɔ, ohere amɛ nɔ; otsɔ̃ɔ amɛ akɛ Nyɔŋmɔ ni ŋɔ̃ɔ tɔ̃mɔ efaa ji bo; tsɛbelɛ ogbala amɛtoi yɛ eshai ni amɛfeefee ahewɔ.

⁹ Nyɛkafoa Yehowa, wɔNyɔŋmɔ lɛ! Nyɛjaa yɛ egɔŋ krɔŋkrɔŋ lɛ nɔ, ejaakɛ Yehowa, wɔNyɔŋmɔ lɛ, ehe tse krɔŋkrɔŋ.