Lalai 61 - ŊMALƐ KRƆŊKRƆŊ LƐ

Hebuu he sɔlemɔ

David Lala ni ekɛha lalatsɛ nukpa ni akɛ kpaa saŋku atswa.

¹ Oo Naa Nyɔŋmɔ, bo mibolɔmɔ toi, feemɔ toi ohã misɔlemɔ.

² Kɛ mitsui miisu lɛ, mabo matsɛ bo, kɛjɛ shikpɔŋ lɛ naagbeehe. Wa mi kɛya tɛsaa ni kwɔ fe mi lɛ nɔ,

³ ejaakɛ bo ji mibobaahe, mɔɔ ko ni wa fe henyɛlɔ lɛ.

⁴ Hã mahi obuu lɛŋ kɛya naanɔ, koni mafee shweshweeshwe yɛ ofiji ashishi hɔɔŋ lɛŋ.

⁵ Oo Naa Nyɔŋmɔ, ejaakɛ onu mishiwoi lɛ. Okɛ mɛi ni sheɔ bo gbeyei lɛ agbɛnaanii ehã mi.

⁶ Hã maŋtsɛ lɛ wala sɛɛ atsɛ, ni ehi shi kɛya yinɔi fɛɛ!

⁷ Nyɔŋmɔ, hã eye lumɔ yɛ ohiɛ kɛya naanɔ; ni okɛ osuɔmɔ ni tsakeee lɛ kɛ anɔkwayeli lɛ abu ehe.

⁸ Kɛkɛ lɛ mala majie ogbɛi lɛ yi daa nɛɛ, be ni miyeɔ mishiwoi lɛ anɔ daa nɛɛ lɛ.