Lalai 52 - ŊMALƐ KRƆŊKRƆŊ LƐ

Nyɔŋmɔ dɛŋ kojomɔ kɛ dromɔ

Lala ko ni akɛha lalatsɛ nukpa lɛ be mli ni Doeg yakɛɛ Saul akɛ, “David etee Ahimelech we lɛ.”

¹ Oo bo gbɔmɔ kãkãlɔ, mɛɛba okɛ onifɔɔjianii ni ofee oshi mɔ ni sheɔ Nyɔŋmɔ gbeyei lɛ shwãa lɛ?

² Bo yiŋshatsɛ, olilɛi naa ba tamɔ asooyi; gbi muu fɛɛ lɛ, nifitemɔ he kpãŋmɔ okpãŋɔ.

³ Onyaa efɔŋ he fe ekpakpa; onyaa amale he fe anɔkwale.

⁴ Oo, amalelɔ, onyaa mɔfitemɔ wiemɔi ahe!

⁵ Shi Nyɔŋmɔ kɛ bo aaatswa shi; ni oteŋ shi dɔŋŋ kɔkɔɔkɔ. Ebaasha bo kɛjɛ obuu lɛ mli, ni ebaatserɛ omli. Ebaafã bo kɛ oshishi fã kɛaaje hiɛkãalɔi ashikpɔŋ lɛ nɔ.

⁶ Jalɔi lɛ aaana, ni amɛaashe gbeyei, kɛkɛ lɛ amɛaaŋmɔ lɛ amɛkɛɛ,

⁷ “Naa nuu lɛ ni eŋɔɔɔ Nyɔŋmɔ efeee ebobaahe lɛ, shi moŋ eŋɔ ehiɛ efɔ̃ eninamɔ babaoo lɛ nɔ, ni ekɛ eshweshweeshwefeemɔ fɔ̃ eninamɔ lɛ nɔ lɛ.”

⁸ Shi mi lɛ, mitamɔ mutso kɛ enɔ baa ŋmɔŋ yɛ Nyɔŋmɔ We lɛ. Nyɔŋmɔ mɔbɔnalɛ ni tsakeee lɛ nɔ mihiɛ kã kɛmiiya naanɔ fɛɛ.

⁹ Oo Yehowa, mibada bo shi kɛya naanɔ, yɛ nɔ ni ofee lɛ hewɔ. Mibakafo ogbɛi yɛ owebii ahiɛ ejaakɛ ohi.