Lalai 47 - ŊMALƐ KRƆŊKRƆŊ LƐ

Nɔyeli ni kwɔ fe fɛɛ

Korabii alala.

¹ Nyɛ maji fɛɛ tswɛm, nyɛtswaa nyɛdɛ̃; nyɛkɛ nyamɔ lala abɔa oshe waa ahãa Nyɔŋmɔ.

² Ejaakɛ Yehowa, mɔ ni yɔɔ ŋwɛi flooflo lɛ, ehe yɛ gbeyei. Maŋtsɛ kpele ji lɛ yɛ shikpɔŋ lɛ nɔ fɛɛ.

³ Eba maŋbii ashi ewo wɔshishi, ni ehã wɔye majimaji anɔ.

⁴ Eŋɔ wɔgbɛfaŋ shikpɔŋ lɛ ehã wɔ, Yakob, mɔ ni Nyɔŋmɔ sumɔɔ lɛ, shwãanii lɛ.

⁵ Nyɔŋmɔ etee ŋwɛi kɛ oshebɔɔ. Yehowa kɛ tɛtɛrɛmantɛrɛ jijemɔ etee ŋwɛi.

⁶ Nyɛlaa yijiemɔ lalai nyɛhãa Nyɔŋmɔ; nyɛlaa yijiemɔ lalai koo! Nyɛlaa yijiemɔ lalai nyɛhãa wɔmaŋtsɛ, nyɛlaa yijiemɔ lalai koo.

⁷ Ejaakɛ Nyɔŋmɔ ji maŋtsɛ yɛ shikpɔŋ muu lɛ fɛɛ nɔ. Nyɛjiea eyi kɛ lalai!

⁸ Nyɔŋmɔ yeɔ majimaji fɛɛ anɔ maŋtsɛ. Nyɔŋmɔ ta emaŋtsɛ sɛi krɔŋkrɔŋ lɛ nɔ.

⁹ Maji lɛ amli lumɛi lɛ ebua amɛhe naa kɛba; ni amɛbatsɔ̃mɔ Abraham Nyɔŋmɔ lɛ webii. Ejaakɛ shikpɔŋ lɛ nɔ tawuu nibii lɛ, Naa Nyɔŋmɔ nɔ ni. Awo enɔ gojoo.