Lalai 40 - ŊMALƐ KRƆŊKRƆŊ LƐ

Yijiemɔ lala

David Lala ni ekɛha lalatsɛ nukpa lɛ.

¹ Mikɛ tsuishitoo kwɛ Yehowa gbɛ; eba etoi shi, ni enu mibolɔmɔ lɛ.

² Efã mi kɛje hiɛkpãtãmɔ bu lɛ mli, ejie mi kɛjɛ ŋmiamɔ lɛ mli, ni ekɛ minaji mamɔ tɛsaa nɔ, ni ehã minane mɔ shi.

³ Etsɔ̃ɔ mi lala hee ko lamɔ, no ji lala ni akɛjieɔ wɔNyɔŋmɔ lɛ yi. Mɛi babaoo aaana, ni amɛaashe gbeyei; ni amɛkɛ amɛhiɛ aaafɔ̃ Yehowa nɔ.

⁴ Ajɔɔ gbɔmɔ ni ŋɔɔ ehiɛ efɔ̃ɔ Yehowa nɔ, ni ekɛ hewolɔi ebɔɔɔ, ni ekɛ mɛi ni duɔ gbɛ kɛyanyiɛɔ amale nyɔŋmɔi asɛɛ lɛ hu ebɔɔɔ lɛ.

⁵ Oo Yehowa, miNyɔŋmɔ, Onaakpɛɛ nibii lɛ fa babaoo hã wɔ; ni ojwɛŋmɔ ni oyɔɔ yɛ wɔhe lɛ hu fa naakpa. Mɔ ko bɛ ni akɛ lɛ aaato ohe. Kɛji majaje ni mawie he lɛ, amɛfa fe bɔ ni aaanyɛ akane.

⁶ Lá afɔle kɛ niyenii afɔle lɛ, onyaaa he, shi moŋ ogbele mitoiŋ faŋŋ. Shãa afɔle kɛ esha afɔle hu otaooo.

⁷ Kɛkɛ ni mikɛɛ akɛ, “Naa mi; miba; mi ni aŋma mihe sane yɛ wolo kpo lɛ mli lɛ.

⁸ MiNyɔŋmɔ, eŋɔɔ minaa akɛ mafee osuɔmɔnaanii; Omla lɛ yɛ mitsui mli.”

⁹ Oo Yehowa, mijaje kpɔ̃mɔ jurɔ sane lɛ, yɛ asafo kpele lɛ mli; naa, ole hu akɛ mimuako minaa.

¹⁰ Oyelikɛbuamɔ ni okɛhereɔ yiwala lɛ, mitsimɔko nɔ yɛ mitsui mli. Mijaje onɔkwayeli kɛ oyiwalaheremɔ lɛ mitsɔ̃ɔ; Mishiuko osuɔmɔ ni tsakeee lɛ kɛ onɔkwale lɛ nɔ yɛ asafo kpele lɛŋ.

¹¹ Oo Yehowa, kaakãmã mi omɔbɔnalɛ lɛ; hã osuɔmɔ ni tsakeee lɛ kɛ onɔkwale lɛ abaa miyi daa.

Yelikɛbuamɔ he sɔlemɔ

¹² Ejaakɛ efɔ̃ji ni anyɛŋ akane ebɔle mi kɛkpe. Mihe eshai lɛ fa fe mi, bɔ sɔŋŋ ni minyɛɛɛ mihiɛ nɔ mawo. Amɛfa fe miyiteŋ tsɔi, mitsui po efã yɛ mimli.

¹³ Oo Yehowa, ofainɛ ni ojie mi. Oo Yehowa, ye obua mi oya.

¹⁴ Mɛi ni taoɔ mihiɛ akpãtã lɛ, hã amɛhiɛ agboi; ni amɛhiɛ ashwie shi. Mɛi ni taoɔ mi awui aye lɛ, hã amɛku amɛsɛɛ ni amɛheguɔ agbo.

¹⁵ Mɛi ni kɛɔ mi akɛ, “Gbeebi akle” lɛ, hã amɛhe ajɔ̃ amɛhe yɛ amɛhiɛgbele lɛ hewɔ.

¹⁶ Shi moŋ, hã mɛi fɛɛ ni taoɔ osɛɛgbɛ lɛ anya, ni amɛmii ashɛ amɛhe yɛ omli. Mɛi ni sumɔɔ odɛ̃ŋ yiwalaheremɔ lɛ akɛɛ daa akɛ, “Yehowa je agbo.”

¹⁷ Tsɛbelɛ, ohiafo ji mi ni efi mi moŋ nɛ shi kɛ̃lɛ, Nuŋtsɔ lɛ jwɛŋɔ minɔ. Oo, miNyɔŋmɔ, bo ji mibualɔ kɛ mikpɔlɔ, kaatsɛ kwrakwra!