Lalai 32 - ŊMALƐ KRƆŊKRƆŊ LƐ

Eshajajemɔ kɛ eshaifaa

David Lala ko.

¹ Ajɔɔ mɔ ni akɛ etɔmɔ efa lɛ, ni atsumɔ ehe eshai lɛ.

² Ajɔɔ mɔ ni Yehowa enaaa nɔ sha ko yɛ ehe; ni ebɛ mɔlakamɔ mumɔ lɛ.

³ Be ni mitsimɔ mihe esha nɔ lɛ, mitã loo yɛ huumɔ ni mihuuɔ daa jenamɔ lɛ hewɔ.

⁴ Ejaakɛ shwane kɛ nyɔɔŋ fɛɛ lɛ, onine tsii yɛ minɔ. Mimli hewalɛ fɛɛ tã tamɔ bɔ ni latsaa be mli jeŋ dɔlɛ hãa nii amli nu ŋaa lɛ.

⁵ Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

⁶ No hewɔ lɛ, hã anɔkwafoi fɛɛ asɔle atsɛ bo; ni kɛji haomɔ babaoo ba tamɔ faa ni etue lɛ, eninaŋ amɛ.

⁷ Bo ji mibobaahe. Amanehulu mli lɛ, bo obaa miyi. Okɛ miishɛɛ oshebɔɔ ebɔle mihe kɛkpe.

⁸ Mi, Yehowa, mawo bo ŋaa, ni matsɔ̃ɔ bo gbɛ ni onyiɛ nɔ; mihiŋmɛi aaakã ohe.

⁹ Nyɛkatamɔa okpɔŋɔ loo tejiokpɔŋɔ ni leee nii ni akɛ manyoflɛ kɛ esɛɛ kpãa woɔ amɛ dani amɛhiɔ kudɔmɔ lɛ.

¹⁰ Piŋmɔi babaoo yɛ hã mɔ fɔŋ lɛ; shi mɔ ni hiɛ kã Yehowa nɔ lɛ, suɔmɔ ni sɛɛ efooo ebɔle ehe kɛkpe.

¹¹ Oo nyɛ jalɔi, nyɛmii ashɛa nyɛhe, yɛ Yehowa hewɔ, ni nyɛmli afilia nyɛ. Nyɛbɔa oshe kɛ nyamɔ nyɛ mɛi fɛɛ, ni nyɛja kɛmɔ shi.