Lalai 3 - ŊMALƐ KRƆŊKRƆŊ LƐ

Leebi sɔlemɔ hã yelikɛbuamɔ

¹ Oo Yehowa, kwɛ mɛi abɔ sɔŋŋ ni haoɔ mi! Mɛi babaoo ni teɔ shi woɔ mi!

² Mɛi pii kɛɔ yɛ mihe akɛ, “Mɔ nɛ lɛ, enaŋ yiwalaheremɔ ko yɛ Nyɔŋmɔ dɛŋ.” Sela

³ Shi Yehowa, bo ji mihebuu tsɛŋ, bo ji minunyam, bo ohãa mihiɛ baa nyam.

⁴ Miwoɔ migbee nɔ, mibolɔɔ mitsɛɔ Yehowa, ni ejɛɔ egɔŋ krɔŋkrɔŋ lɛ nɔ ehereɔ mi nɔ.

⁵ Mikãa shi miwɔɔ, ni mihiɛ tsɛ̃ɔ; ejaakɛ Yehowa buɔ mihe nyɔɔŋnyɔɔŋ fɛɛ.

⁶ Misheee mɛi akpeiakpei abɔ ni ebɔ nsra ewo mihe lɛ gbeyei.

⁷ Oo Yehowa, tee shi, miNyɔŋmɔ, baahere miyiwala, ejaakɛ bo otswiaa mihenyɛlɔi anii; ni okumɔɔ amɛnyanyɔji owoɔ amɛdaaŋ.

⁸ Kunimyeli lɛ Yehowa dɛŋ ejɛɔ, Yehowa, ojɔɔmɔ aba omaŋ lɛ nɔ. Sela