Lalai 25 - ŊMALƐ KRƆŊKRƆŊ LƐ

Sɔlemɔ kɛhã kudɔmɔ kɛ hebuu

David Lala ko.

¹ Oo Yehowa, bo miwoɔ misusuma nɔ mihãa.

² Oo miNyɔŋmɔ, bo onɔ mihiɛ kã, kaahã mihiɛ miishwie shi, kaahã mihenyɛlɔi lɛ miiye mi yɔɔ.

³ Lɛɛlɛŋ, mɛi ni kɛ amɛhiɛ fɔ̃ɔ onɔ lɛ, ateŋ mɔ ko mɔ ko hiɛ eshwieŋ shi. Mɛi ni ji yaka atuatselɔi lɛ moŋ ahiɛ aaagboi.

⁴ Oo Yehowa, hã male ogbɛ̃i lɛ; tsɔ̃ɔmɔ mi otempɔ̃ŋi lɛ.

⁵ Kplamɔ mi kɛnyiɛ onɔkwale lɛ mli, ni otsɔ̃ɔ mi nii; ejaakɛ bo ji miyiwalaheremɔ Nyɔŋmɔ lɛ. Bo onɔ mihiɛ kã daa nɛɛ.

⁶ Oo Yehowa, kaimɔ omɔbɔnalɛ kɛ omlihilɛ ni sɛɛ efooo lɛ, ejaakɛ amɛyɛ kɛjɛ blema beebe.

⁷ Oo Yehowa, kaakai miblahiaŋ eshai kɛ tɔ̃mɔi lɛ; shi moŋ kaimɔ mi yɛ omlihilɛ kɛ okpakpafeemɔ ni sɛɛ efooo lɛ hewɔ.

⁸ Yehowa hi, ni jalɔ ji lɛ, hewɔ lɛ etsɔ̃ɔ eshafeelɔi gbɛ ni ja.

⁹ Ekpalaa heshibalɔi kɛnyiɛɔ jalɛ gbɛ nɔ, ni etsɔ̃ɔ mɛi ni he jɔ lɛ egbɛ lɛ.

¹⁰ Suɔmɔ ni sɛɛ efooo, kɛ anɔkwayeli sɔŋŋ ji Yehowa gbɛi fɛɛ, kɛhã mɛi fɛɛ ni yeɔ ekpãŋmɔ lɛ kɛ ekpɔi lɛ anɔ lɛ.

¹¹ Oo Yehowa, ogbɛi lɛ hewɔ lɛ, ŋɔɔ mihe esha lɛ ofa mi, ejaakɛ eda.

¹² Mɔ fɛɛ mɔ ni sheɔ Yehowa gbeyei lɛ, lɛ Yehowa aaatsɔ̃ɔ lɛ gbɛ ni enyiɛ nɔ.

¹³ Nɛkɛ gbɔmɔ lɛ eeeshwere, ni eshwiei aaaye shikpɔŋ lɛ nɔ.

¹⁴ Mɛi ni sheɔ Yehowa gbeyei lɛ, amɛ ekɛbɔɔ naanyo, ni ehãa amɛleɔ ekpãŋmɔ lɛ.

¹⁵ Mihiŋmɛii kwɛɔ Yehowa gbɛ daa nɛɛ; ejaakɛ lɛ eeejie minaji kɛaaje yaa mli.

¹⁶ Tsɔ̃ ohiɛ ohã mi, ni ona mi mɔbɔ! Ejaakɛ mɔ kome mɔ ji mi; minii yɛ mɔbɔ.

¹⁷ Mitsui mli haomɔi lɛ fa; jiemɔ mi kɛjɛ mifimɔi lɛ amli!

¹⁸ Kwɛmɔ minɔnaai lɛ, kɛ mihaomɔi lɛ; ni okɛ mihe eshai lɛ fɛɛ afa mi.

¹⁹ Kwɛmɔ mihenyɛlɔi, ejaakɛ amɛyi fa; kwɛ bɔ ni amɛkɛ yiwaa nyɛɔ mi yakatswaa lɛ.

²⁰ Oo, buu miwala he ni ohere mi; kaahã mihiɛ miishwie shi, ejaakɛ bo abo mibaa.

²¹ Emuuyeli kɛ jalɛ abaa miyi; ejaakɛ bo gbɛ mikwɛɔ.

²² Oo Nyɔŋmɔ, kpɔ̃ Israel kɛje ehaomɔi lɛ fɛɛ mli.