Lalai 2 - ŊMALƐ KRƆŊKRƆŊ LƐ

Maŋtsɛ ni Yehowa efɔ lɛ mu lɛ

¹ Mɛɛba majimaji lɛ toɔ atuatsemɔ he ajina? Ni maŋbii lɛ kpãŋɔ kpãŋmɔi fɔ̃ji?

² Shikpɔŋ lɛ nɔ maŋtsɛmɛi lɛ tseɔ atua, ni lumɛi lɛ hu feɔ ekome; amɛkpãŋɔ Yehowa kɛ maŋtsɛ ni efɔ lɛ mu lɛ yinɔ.

³ Amɛkɛɔ akɛ, “Nyɛhãa wɔkumɔa amɛgboklɛi lɛ; ni wɔtserɛ amɛkpai lɛ yɛ wɔhe.”

⁴ Mɔ ni ta ŋwɛi lɛ miiŋmɔ Nuŋtsɔ lɛ miiye amɛhe fɛo po; ni eyeɔ amɛhe fɛo hu.

⁵ Ekɛ amɛ aaawie yɛ emlifu naa, ni ekɛ mlila aaawo amɛhe gbeyei.

⁶ Ekɛɛ, “Miwo mimaŋtsɛ yɛ Zion, migɔŋ krɔŋkrɔŋ lɛ nɔ.”

⁷ “Mashiɛ akpɔ ni Yehowa ewo mi lɛ,” Ekɛɛ, “Mibi ji bo, ŋmɛnɛ gbi nɛɛ mifɔ bo.

⁸ Bi mi, ni maŋɔ majimaji lɛ mahã bo akɛ ogboshinii; ni shikpɔŋ muu lɛ fɛɛ aaatsɔ̃ ogbɛfaŋnɔ.

⁹ Okɛ dade dɛhiɛmɔtso aaakumɔ amɛ wɔtsɔwɔtsɔ, ni ooojwara amɛ tamɔ gbɛshɔ̃lɔ gbɛ.”

¹⁰ No hewɔ lɛ, Oo, nyɛ maŋtsɛmɛi, nyɛlea nii; Oo, nyɛ shikpɔŋ lɛ nɔ nɔyelɔi, nyɛkwɛa jogbaŋŋ.

¹¹ Nyɛsɔmɔa Yehowa kɛ gbeyeishemɔ;

¹² nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.