Lalai 15 - ŊMALƐ KRƆŊKRƆŊ LƐ

Nɔ ni Nyɔŋmɔ taoɔ

David Lala.

¹ Yehowa, namɔ aaabote obuu lɛŋ? Namɔ aaaja yɛ Zion, ogɔŋ krɔŋkrɔŋ lɛ nɔ?

² Namɔ baaba ejeŋ jogbaŋŋ, ni efeɔ nɔ ni ja, ni ewieɔ anɔkwale kɛ etsuiŋ fɛɛ;

³ mɔ ni kɛ elilɛi yeee mɔ he osheku ni efeee enaanyo efɔŋ ko; ni ebɔɔɔ enaanyo gbɔmɔ ahora.

⁴ Mɔ ni nyɛɔ mɛi fɛɛ ni Nyɔŋmɔ ekwa amɛ, shi moŋ ewoɔ mɛi ni sheɔ Yehowa gbeyei lɛ ahiɛ nyam; mɔ ni kɛ ekã kitã ni eeena amane yɛ he po lɛ, etsakeee.

⁵ Mɔ ni kɛ eshika efaaa eheee hekpa ni fe nine; ni eheee nyɔɔŋnii koni ewie eshi mɔ ni yeɔ bem. Mɔ ni feɔ enɛɛmɛi fɛɛ lɛ, edidãŋ kɔkɔɔkɔ.