Lalai 130 - ŊMALƐ KRƆŊKRƆŊ LƐ

Yehowa dɛŋ yelikɛbuamɔ he sɔlemɔ

Zion Gɔŋ lala ko.

¹ Oo Yehowa, bu kwɔŋkwɔŋ lɛŋ mibolɔɔ mitsɛɔ bo kɛjɛɔ nɛɛ.

² Nuŋtsɔ, bo migbee toi; ka otoi ohã migbee ni mikɛkpaa bo fai lɛ.

³ Oo Yehowa, kɛji okɛɛ ooodi wɔnishaianii lɛ asɛɛ lɛ, Nuŋtsɔ, namɔ po aaaŋɔ ehe eye?

⁴ Shi bo odɛ̃ŋ eshaifaa yɔɔ, bɔ ni afee ni ashe bo gbeyei.

⁵ Miikwɛ Yehowa gbɛ! Misusuma miikwɛ Yehowa gbɛ! Ni ewiemɔ lɛ nɔ mihiɛ kã.

⁶ Misusuma miimɛ Yehowa fe bɔ ni bulɔi mɛɔ jetsɛremɔ. Eemɛ fe bɔ ni bulɔi mɛɔ jetsɛremɔ.

⁷ Oo Israel, ŋɔɔ ohiɛ ofɔ̃ Yehowa nɔ; ejaakɛ Yehowa dɛŋ suɔmɔ ni tsakeee yɔɔ, ni edɛŋ kpɔmɔ ni fa yɔɔ.

⁸ Lɛ eeekpɔ̃ Israel kɛaajɛ enishaianii lɛ fɛɛ mli.