Lalai 129 - ŊMALƐ KRƆŊKRƆŊ LƐ

Israel henyɛlɔi ahe sɔlemɔ

Zion Gɔŋ lala ko.

¹ “Amɛwa mi yi aahu kɛjɛ miblahiaŋ!” Israel akɛɛ akɛ,

² “Amɛwa mi yi aahu kɛjɛ miblahiaŋ, shi kɛ̃lɛ amɛnyɛɛɛ mi.

³ Amɛkplebii fãmɔ mikotosɛɛ, ni faji lɛ tamɔ ŋmɔ mli akofii kakadaji.”

⁴ Yehowa lɛ, jalɔ ji lɛ; efolɔ mɛi fɔ̃ji ataŋkpei lɛ amli.

⁵ Mɛi fɛɛ ni nyɛɔ Zion lɛ ahiɛ aaagboi, ni amɛaaku amɛsɛɛ kɛaatee.

⁶ Hã amɛfee tamɔ tsu yiteŋ jwɛi ni ŋalaa dani edaa lɛ.

⁷ Amɛtsɔ̃ jwɛi ni yiii jwɛiflɔlɔ kɔkɔŋ, ni mɔ ni fimɔɔ lɛ hu kɛshakãaa etsitsiŋ.

⁸ Mɛi ni hoɔ tete ekɛɛɛ akɛ, “Yehowa ajɔɔ nyɛ! Wɔmiijɔɔ nyɛ yɛ Yehowa gbɛi mli!”