Lalai 126 - ŊMALƐ KRƆŊKRƆŊ LƐ

Kpɔ̃mɔ he sɔlemɔ

Zion Gɔŋ lala ko.

¹ Be ni Yehowa kpala wɔ, Zion nomii lɛ kɛku sɛɛ kɛba Yerusalɛm ekoŋŋ lɛ, efee wɔ tamɔ nɔ ni lamɔ wɔlaa.

² No mli lɛ wɔdaaŋ yimɔ obɔ̃bɔ̃ kɛ ŋmɔlɔ, ni wɔbɔ oshe hu kɛ nyamɔ lala. Kɛkɛ lɛ, akɛɛ yɛ majimaji lɛ amli akɛ, “Yehowa efee nibii wuji ehã amɛ.”

³ Lɛɛlɛŋ, Yehowa efee nibii wuji ehã wɔ, ni wɔmii eshɛ wɔhe nɛɛ.

⁴ Oo Yehowa, kpalemɔ wɔblema nibii ni ŋmɛɛ wɔ lɛ kɛba, tamɔ nunɛmɔ hãa faa ni emli egbi yiɔ ekoŋŋ lɛ.

⁵ Hã mɛi ni duɔ nii kɛ amɛhiɛ yaafonu lɛ, akpa kɛ nyamɔ lala.

⁶ Mɛi ni kɛ hiɛ yaafonu hiɛɔ dumɔ wui kɛyaa dumɔ lɛ, amɛkɛ ŋmãa yiteremɔi aaaba shĩa kɛ nyamɔ.