Lalai 124 - ŊMALƐ KRƆŊKRƆŊ LƐ

Nyɔŋmɔ buɔ ewebii ahe

Zion Gɔŋ lala. David Lala ko.

¹ Kɛjeee Yehowa ni yɔɔ wɔsɛɛ lɛ, hã Israel akɛɛ akɛ,

² “Kɛjeee Yehowa ni yɔɔ wɔsɛɛ lɛ kulɛ be ni wɔhenyɛlɔi te shi wo wɔ,

³ ni amɛmli wo la wo wɔ lɛ, amɛaamimii wɔ hiɛkãalɔi;

⁴ kulɛ nu afua lɛ su wɔyi, ni fai lɛ ha wɔnɔ;

⁵ kulɛ fai ni fee hamahama lɛ su wɔyi.”

⁶ Yijiemɔ ahã Yehowa akɛ ekɛ wɔ hãaa ni wɔtsɔ̃mɔ amɛnyanyɔji anaa loo.

⁷ Wɔwala eje amɛdɛŋ tamɔ loofɔlɔ jeɔ loofɔlɔdulɔi atsɔne mli. Tsɔne kpãa lɛ etse ni wɔje mli.

⁸ Wɔyelikɛbuamɔ yɛ Yehowa, mɔ ni bɔ ŋwɛi kɛ shikpɔŋ lɛ dɛŋ.