Lalai 123 - ŊMALƐ KRƆŊKRƆŊ LƐ

Sɔlemɔ kɛhã mɔbɔnalɛ

Zion Gɔŋ lala ko.

¹ Oo, bo miwoɔ mihiɛ nɔ mikwɛɔ, bo mɔ ni ota maŋtsɛ sɛi nɔ yɛ ŋwɛi amli ŋwɛi lɛ.

² Naa, bɔ ni tsuji kɛ amɛhe fɔ̃ɔ amɛnuŋtsɔ nɔ, ni weyoo hu kɛ ehe fɔ̃ɔ ewula nɔ lɛ, nakai nɔŋŋ wɔ hu wɔkwɛɔ Yehowa, wɔNyɔŋmɔ lɛ, gbɛ kɛyaashi beyinɔ ni eeena wɔ mɔbɔ.

³ Naa wɔ mɔbɔ! Oo Yehowa, naa wɔ mɔbɔ! Ejaakɛ agbe wɔhe guɔ babaoo kɛteke nɔ.

⁴ Wɔhe fɛo ni mɛi ni he ejɔ amɛ lɛ yeɔ, kɛ wɔhe guɔ ni hewolɔi lɛ gbeɔ lɛ miisu wɔtsui fe nine.