Lalai 112 - ŊMALƐ KRƆŊKRƆŊ LƐ

Gbɔmɔ kpakpa miishɛɛnamɔ

¹ Jiemɔ Yehowa yi! Ajɔɔ gbɔmɔ ni sheɔ Yehowa gbeyei, ni eyɔɔ ekitãi lɛ ahe tsuijurɔ lɛ.

² Eshwiei aaatsɔ̃mɔ gbɔmɛi wuji yɛ shikpɔŋ lɛ nɔ; aaajɔɔ jalɔ lɛ shwiei.

³ Ninamɔ kɛ shika aaahi ewe lɛ, ni ejalɛ lɛ aaahi shi kɛaaya naanɔ.

⁴ Jalɔi lɛ, la tsoɔ yɛ duŋ mli hãa amɛ; durolɔ kɛ mɔbɔnalɔ kɛ jalɔ ji lɛ.

⁵ Mɔ ni mli hi, ni efaa mɔ nɔ, ni ekɛ anɔkwayeli feɔ enii fɛɛ lɛ, aaahi ahã lɛ.

⁶ Jalɔ lɛ, nɔ ko nɔ ko tsakeŋ lɛ gbi ko gbi ko; aaakai lɛ kɛaatee naanɔ.

⁷ Esheee sane fɔŋ ko he adafitswaa gbeyei, ehemɔkɛyeli mli wa, ni ehiɛ kãa Yehowa nɔ.

⁸ Etsui efãaa, ni esheŋ gbeyei kɛyaashi beyinɔ ni eeena ehenyɛlɔi lɛ anaagbee.

⁹ Edɛŋ kpɔɔ pam hãa ohiafoi, ejalɛ lɛ hiɔ shi kɛyaa naanɔ; aaahã ena hewalɛ, ni ehiɛ aaaba nyam.

¹⁰ Mɛi fɔ̃ji naa enɛ, ni amɛmli woɔ la, amɛkpeɔ amɛnyanyɔji ashishi, ni amɛlaajeɔ; mɛi fɔ̃ji ataomɔnii fɛɛ feɔ yaka.