Lalai 11 - ŊMALƐ KRƆŊKRƆŊ LƐ

Yehowa nɔ hiɛnɔkãmɔ

David Lala ni ekɛha lalatsɛ nukpa lɛ.

¹ Yehowa, bo abo mibaa; mɛɛba nyɛkɛɔ mi akɛ, “Filikimɔ tamɔ loofɔlɔ kɛya gɔji lɛ anɔ.

² Ejaakɛ naa, yiwalɔi edɔrɔ amɛgãii, ni amɛkɛ gãimlibii lɛ emamɔ kpãi lɛ anɔ koni amɛtsɛ̃rɛ̃ mɛi kpakpai yɛ dujiaŋ.

³ Kɛji afite shishitoo lɛ, mɛni jalɔ aaanyɛ afee dɔŋŋ?”

⁴ Yehowa yɛ eSɔlemɔ we krɔŋkrɔŋ lɛŋ, Ŋwɛi emaŋtsɛ Sɛi lɛ ma. Ehiŋmɛi jwere nɔ ni gbɔmɛi adesaiabii feɔ lɛ nɔ.

⁵ Yehowa kaa jalɔ kɛ mɔ fɔŋ fɛɛ ekwɛɔ, shi yiwalɔ lɛ, Yehowa miihi lɛ.

⁶ Eeehã la ni tsoɔ glegle kɛ swɔɔ anɛ ashwie mɔ fɔŋ nɔ; kɔɔyɔɔ ni mli edɔ la ekɛaagbala etoi.

⁷ Ejaakɛ Yehowa lɛ, jalɔ ni, ni esumɔɔ jalɛ saneyeli; mɔ ni ja aaana ehiɛ.