Lalai 101 - ŊMALƐ KRƆŊKRƆŊ LƐ

Jalɛ saneyeli he shiwoo

David Lala ko.

¹ Mala anɔkwayeli kɛ jalɛ saneyeli he lala! Hɛɛ, bo Yehowa, oyi mala majie.

² Mikɛ nilee baaba mijeŋ koni shwamɔ ko akahi mihe. Te be ni manyɛ enɛ he mashɛ hu? Mikɛ tsui krɔŋŋ aaaba mijeŋ yɛ miwe lɛŋ.

³ Mikɛ nɔ ko gbonyo ko emaŋ mihiɛ. Mihiɔ mɛi fɔ̃ji anifeemɔnii; egbaleŋ mi fɔŋfɔ̃.

⁴ Tsui ni yeee anɔkwa akagbale mi fɔŋfɔ̃. Miyeŋ kɛyaŋ gbɛ fɔŋ ko nɔ.

⁵ Mɔ ni yeɔ enaanyo he osheku yɛ teemɔ mli lɛ, makpãtã ehiɛ. Mɔ ni yɔɔ gegeege kɛ henɔwomɔ tsui lɛ mikɛ lɛ yeŋ.

⁶ Mana shikpɔŋ lɛ nɔ anɔkwafoi lɛ mɔbɔ, bɔ ni afee ni amɛkɛ mi ahi shi. Mɔ ni baa ejeŋ jogbaŋŋ ni shwamɔ ko bɛ ehe lɛ, lɛ eeesɔmɔ mi.

⁷ Shishiulɔ ko ehiŋ miwe lɛŋ; ni amalelɔ ko damɔŋ mihiɛ.

⁸ Daa leebi lɛ, makpãtã mɛi fɔ̃ji fɛɛ ahiɛ yɛ shikpɔŋ lɛ nɔ; mɛi ni feɔ nifɔɔjianii lɛ, mafolɔ amɛ fɛɛ mashwie kɛje Yehowa maŋ lɛŋ.