Ezra 2 - ŊMALƐ KRƆŊKRƆŊ LƐ

Mɛi ni ku amɛsɛɛ kɛjɛ nomŋɔɔ mli kɛba lɛ agbɛii

¹ Agbɛnɛ naa shikpɔŋ lɛ nɔ bii ni Maŋtsɛ Nebukadnezar baŋɔ amɛ nom kɛtee Babilon lɛ ateŋ mɛi ni ku amɛsɛɛ kɛjɛ nomŋɔɔ lɛ mli kɛba Yerusalɛm kɛ Yuda lɛ agbɛii. Amɛteŋ mɔ fɛɛ mɔ tee emaŋ.

² Mɛi ni nyiɛ amɛhiɛ kɛba ji Zerubabel kɛ Yeshua kɛ Nehemia kɛ Seraia kɛ Reelaia kɛ Mɔdekai kɛ Bilshan kɛ Mispar kɛ Bigewai kɛ Rehum kɛ Baana. Israelbii lɛ ateŋ hii lɛ ayibɔ nɛ:

³ Paroshbii lɛ: akpei enyɔ kɛ oha kɛ nyɔŋmai kpawo kɛ enyɔ.

⁴ Shefatiabii lɛ: ohai etɛ̃ kɛ nyɔŋmai kpawo kɛ enyɔ.

⁵ Arabii lɛ: ohai kpawo kɛ nyɔŋmai kpawo kɛ enumɔ.

⁶ Pahat-Moabbii ni jɛ Yeshua kɛ Yoabbii lɛ: akpei enyɔ kɛ ohai kpaanyɔ kɛ nyɔŋma kɛ enyɔ.

⁷ Elambii lɛ: akpe kɛ ohai enyɔ kɛ nyɔŋmai enumɔ kɛ ejwɛ.

⁸ Zatubii lɛ: ohai nɛɛhu kɛ nyɔŋmai ejwɛ kɛ enumɔ.

⁹ Zakaibii lɛ: ohai kpawo kɛ nyɔŋmai ekpaa.

¹⁰ Banibii lɛ: ohai ekpaa kɛ nyɔŋmai ejwɛ kɛ enyɔ.

¹¹ Bebaibii lɛ: ohai ekpaa kɛ nyɔŋmai enyɔ kɛ etɛ̃.

¹² Azgadbii lɛ: akpe kɛ ohai enyɔ kɛ nyɔŋmai enyɔ kɛ enyɔ.

¹³ Adonikambii lɛ: ohai ekpaa kɛ nyɔŋmai ekpaa kɛ ekpaa.

¹⁴ Bigewaibii lɛ: akpei enyɔ kɛ nyɔŋmai enumɔ kɛ ekpaa.

¹⁵ Adinbii lɛ: ohai ejwɛ kɛ nyɔŋmai enumɔ kɛ ejwɛ.

¹⁶ Aterbii ni jɛ Hezekia nɔ lɛ mli lɛ: nyɔŋmai nɛɛhu kɛ kpaanyɔ.

¹⁷ Bezaibii lɛ: ohai etɛ̃ kɛ nyɔŋmai enyɔ kɛ etɛ̃.

¹⁸ Yorabii lɛ: oha kɛ nyɔŋma kɛ enyɔ.

¹⁹ Hashumbii lɛ: ohai enyɔ kɛ nyɔŋmai enyɔ kɛ etɛ̃.

²⁰ Gibarbii lɛ: nyɔŋmai nɛɛhu kɛ enumɔ.

²¹ Betlehembii lɛ: oha kɛ nyɔŋmai enyɔ kɛ etɛ̃.

²² Netofabii lɛ: nyɔŋmai enumɔ kɛ ekpaa.

²³ Anatotbii lɛ: oha kɛ nyɔŋmai enyɔ kɛ kpaanyɔ.

²⁴ Azmavetbii lɛ: nyɔŋmai ejwɛ kɛ enyɔ.

²⁵ Kiriat-Arimbii kɛ Kefirabii kɛ Beerotbii lɛ: ohai kpawo kɛ nyɔŋmai ejwɛ kɛ etɛ̃.

²⁶ Ramabii kɛ Gebabii lɛ: ohai ekpaa kɛ nyɔŋmai enyɔ kɛ ekome.

²⁷ Mikmasbii lɛ: oha kɛ nyɔŋmai enyɔ kɛ enyɔ.

²⁸ Betelbii kɛ Aibii lɛ: ohai enyɔ kɛ nyɔŋmai enyɔ kɛ etɛ̃.

²⁹ Nebobii lɛ: nyɔŋmai enumɔ kɛ enyɔ.

³⁰ Magbishbii lɛ: oha kɛ nyɔŋmai enumɔ kɛ ekpaa.

³¹ Elam kroko lɛ mli bii lɛ: akpe kɛ ohai enyɔ kɛ nyɔŋmai enumɔ kɛ ejwɛ.

³² Harimbii lɛ: ohai etɛ̃ kɛ nyɔŋmai enyɔ.

³³ Lodbii kɛ Hadidbii kɛ Onobii lɛ: ohai kpawo kɛ nyɔŋmai enyɔ kɛ enumɔ.

³⁴ Yerikobii lɛ: ohai etɛ̃ kɛ nyɔŋmai ejwɛ kɛ enumɔ.

³⁵ Senaabii lɛ: akpei etɛ̃ kɛ ohai ekpaa kɛ nyɔŋmai etɛ̃.

³⁶ Osɔfoi lɛ ni ji Yedaiabii ni jɛ Yeshua we lɛ: ohai nɛɛhu kɛ nyɔŋmai kpawo kɛ etɛ̃.

³⁷ Imerbii lɛ: akpe kɛ nyɔŋmai enumɔ kɛ enyɔ.

³⁸ Pashurbii lɛ: akpe kɛ ohai enyɔ kɛ nyɔŋmai ejwɛ kɛ kpawo.

³⁹ Harimbii lɛ: akpe kɛ nyɔŋma kɛ kpawo.

⁴⁰ Levibii lɛ ni ji Yeshuabii kɛ Kadmielbii ni jɛ Hodaviabii ateŋ lɛ: nyɔŋmai kpawo kɛ ejwɛ.

⁴¹ Lalatsɛmɛi ni ji Asafbii lɛ: oha kɛ nyɔŋmai enyɔ kɛ kpaanyɔ.

⁴² Agbonaakwɛlɔi lɛ abii ni ji Shalumbii kɛ Aterbii kɛ Talmonbii kɛ Akubbii kɛ Hatitabii kɛ Shobaibii lɛ. Amɛ fɛɛ lɛ amɛfeɔ oha kɛ nyɔŋmai etɛ̃ kɛ nɛɛhu.

⁴³ Sɔlemɔ we sɔ̃ɔlɔi lɛ: Zihabii kɛ Hasufabii kɛ Tabaotbii lɛ.

⁴⁴ Kerosbii kɛ Siahabii kɛ Padonbii lɛ,

⁴⁵ Lebanabii kɛ Hagababii kɛ Akubbii lɛ,

⁴⁶ Hagabbii kɛ Shamlaibii kɛ Hananbii lɛ,

⁴⁷ Gidelbii kɛ Gaharbii kɛ Reaiabii lɛ,

⁴⁸ Rezinbii kɛ Nekodabii kɛ Gazambii lɛ,

⁴⁹ Uzabii kɛ Paseabii kɛ Besaibii lɛ,

⁵⁰ Asnabii kɛ Meunimbii kɛ Nefisimbii lɛ,

⁵¹ Bakbukbii kɛ Hakufabii kɛ Harhurbii lɛ,

⁵² Bazlutbii kɛ Mehidabii kɛ Harshabii lɛ,

⁵³ Barkosbii kɛ Siserabii kɛ Temabii lɛ,

⁵⁴ Neziabii kɛ Hatifabii lɛ.

⁵⁵ Solomon tsuji lɛ abii lɛ: Sotaibii kɛ Hasoferetbii kɛ Perudabii lɛ,

⁵⁶ Yaalabii kɛ Darkonbii kɛ Gidelbii lɛ

⁵⁷ Shefatiabii kɛ Hatilbii kɛ Pokeret-Hazebaimbii kɛ Amibii lɛ.

⁵⁸ Sɔlemɔ we lɛ sɔ̃ɔlɔi lɛ kɛ Solomon tsuji abii lɛ fɛɛ lɛ amɛyibɔ ji ohai etɛ̃ kɛ nyɔŋmai nɛɛhu kɛ enyɔ.

⁵⁹ Naa mɛi ni fã kɛjɛ Tel-Mela kɛ Tel-Harsha kɛ Kerub kɛ Adan kɛ Imer kɛba, shi amɛnyɛɛɛ amɛtsɛmɛi awei loo amɛseshi amɛtsɔ̃ɔ akɛ Israelbii ji amɛ.

⁶⁰ Delaiabii kɛ Tobiabii kɛ Nekodabii ashwiei lɛ feɔ gbɔmɛi ohai ekpaa kɛ nyɔŋmai enumɔ kɛ enyɔ.

⁶¹ Mɛi komɛi jɛ osɔfoi lɛ ateŋ ni amɛ hu amɛnyɛɛɛ amɛtsɔ̃ɔ amɛtsɛmɛi awei nakai nɔŋŋ. Amɛ ji Habaiabii lɛ kɛ Hakozbii lɛ kɛ Barzilaibii lɛ. (Barzilai nɛɛ, eŋɔ Barzilai, Gileadnyo lɛ, biyei lɛ ateŋ mɔ kome kɛkɛ ni ekɔ eshaanuu Barzilai gbɛi lɛ).

⁶² Osɔfoi nɛɛ tao amɛweku gbɛi wolo lɛ, shi anaaa; hewɔ lɛ ahã amɛkpa osɔfoyeli ejaakɛ amɛhe tseee.

⁶³ Amralo lɛ kɛɛ amɛ akɛ amɛkaye niyenii krɔŋkrɔŋ fe fɛɛ lɛ eko kɛyashi beyinɔ ni osɔfo ko aaate shi ni ekɛ Urim kɛ Tumim aaatao nɔ ni Nyɔŋmɔ sumɔɔ akɛ afee.

⁶⁴ Mɛi ni ku amɛsɛɛ kɛba lɛ fɛɛ naa shiɔ akpei nyɔŋmai ejwɛ kɛ enyɔ kɛ ohai etɛ̃ kɛ nyɔŋmai ekpaa.

⁶⁵ Esoro amɛtsuji hii kɛ amɛweyei. Mɛnɛɛmɛi hu anaa shiɔ akpei kpawo kɛ ohai etɛ̃ kɛ nyɔŋmai etɛ̃ kɛ kpawo. Amɛhiɛ hii lalatsɛmɛi kɛ yei lalatsɛmɛi ohai enyɔ,

⁶⁶ okpɔŋɔi ohai kpawo kɛ nyɔŋmai etɛ̃ kɛ ekpaa, tejiokpɔŋɔi ohai enyɔ kɛ nyɔŋmai ejwɛ kɛ enumɔ,

⁶⁷ yoomai ohai ejwɛ kɛ nyɔŋmai etɛ̃ kɛ enumɔ, tejii akpei ekpaa kɛ ohai kpawo kɛ nyɔŋmai enyɔ.

⁶⁸ Be ni mɛi ni ku amɛsɛɛ kɛba lɛ bashɛ Yehowa we lɛ yɛ Yerusalɛm lɛ, tsɛmɛi awei lɛ onukpai lɛ ekomɛi bake nii yɛ tsuijurɔ naa yɛ Yehowa we lɛ hewɔ, koni akɛsaa ama Yehowa we lɛ yɛ etsutsu shimaahe lɛ.

⁶⁹ Onukpai nɛɛ hã bɔ ni amɛaanyɛ ni akɛwo nitsumɔ lɛ fotro lɛ mli: shika kiloi ohai enumɔ, jwiɛtɛi kiloi akpei enyɔ kɛ ohai kpaanyɔ, kɛ osɔfoi atadei oha.

⁷⁰ Osɔfoi lɛ kɛ Levibii lɛ kɛ maŋbii lɛ ateŋ mɛi komɛi hi Yerusalɛm kɛ ehewɔ akrowai amli; ni lalatsɛmɛi lɛ kɛ agbonaakwɛlɔi lɛ kɛ Sɔlemɔ we sɔ̃ɔlɔi lɛ hi maji ni ahã amɛ lɛ amli; ni Israelbii krokomɛi lɛ fɛɛ hi amɛ diɛŋtsɛ amɛmaji amli.