Ezra 10 - ŊMALƐ KRƆŊKRƆŊ LƐ

¹ Shi be mli ni Ezra sɔleɔ ekpaa fai ni ekɛ ehe tswiaa shi yɛ Nyɔŋmɔ We lɛ hiɛ, ni ejajeɔ eshai ni Israel efee lɛ, Israelbii lɛ ateŋ mɛi babaoo diɛŋtsɛ, hii kɛ yei kɛ gbekɛbii, babua amɛhe naa kɛbɔle lɛ. Amɛmiifo blobloblo.

² Kɛkɛ ni Shekania, Yehiel bi lɛ ni jɛ Elam tsɛmɛiawebii lɛ ateŋ lɛ, kɛ Ezra wie ekɛɛ, “Wɔtɔ̃ wɔNyɔŋmɔ lɛ nɔ akɛ wɔyaŋɔ maŋsɛɛ yei yɛ shikpɔŋ lɛ nɔ bii lɛ ateŋ; shi kɛ̃lɛ amrɔ nɛɛ tete hiɛnɔkãmɔ yɛ hã Israel yɛ enɛ fɛɛ sɛɛ.

³ No hewɔ lɛ, agbɛnɛ nyɛhãa wɔkɛ wɔNyɔŋmɔ lɛ akpãŋa, koni wɔshwie yei lɛ kɛ bii lɛ hu yɛ minuŋtsɔ kɛ mɛi ni sheɔ wɔNyɔŋmɔ lɛ kitã lɛ gbeyei lɛ aŋaawoo naa, koni wɔye mla lɛ nɔ.

⁴ Kwɛmɔ ni ofee, ejaakɛ bo osane ni. Wɔfĩ osɛɛ; feemɔ ekãa ni otsu he nii.”

⁵ Kɛkɛ ni Ezra te shi, ni ebi osɔfoi kɛ Levibii lɛ nukpai lɛ kɛ Israel maŋ muu lɛ fɛɛ koni amɛkãmɔ kitã akɛ amɛbaafee bɔ ni akɛɛ lɛ ni amɛkãmɔ kitã lɛ.

⁶ Kɛkɛ ni Ezra te shi yɛ Nyɔŋmɔ We lɛ hiɛ, ni eyiŋ etee Yehohanan, ni ji Eliashib bi lɛ, sɛɛtsu lɛ mli. Ehi jɛi ni eyeee nii lɛ, asaŋ enuuu nu hu, ejaakɛ eeye ŋkɔmɔ yɛ mla ni mɛi ni jɛ nomŋɔɔ mli ba lɛ etɔ̃ lɛ hewɔ.

⁷ Agbɛnɛ ashiɛ yɛ Yuda kɛ Yerusalɛm fɛɛ ahã mɛi ni jɛ nomŋɔɔ mli kɛba lɛ akɛ amɛbua amɛhe naa kɛbakpe yɛ Yerusalɛm.

⁸ Akɛɛ kɛshi nɔ akɛ mɔ fɛɛ mɔ ni baaa kɛyashi gbii etɛ̃, tamɔ bɔ ni lumɛi lɛ kɛ onukpai lɛ efã akɛ aba lɛ, aaajɔɔ enii anɔ ake, ni lɛ diɛŋtsɛ hu aaajie lɛ yɛ mɛi ni jɛ nomŋɔɔ mli ba lɛ ateŋ.

⁹ Kɛkɛ ni Yuda kɛ Benyaminhii lɛ babua amɛhe naa kɛkpe yɛ Yerusalɛm yɛ gbii etɛ̃ lɛ mli, yɛ nyɔŋ ni ji nɛɛhu lɛ nɔ gbi ni ji nyɔŋmai enyɔ lɛ nɔ. Maŋ muu lɛ fɛɛ baho tara he ko kpataa ko ni yɔɔ Nyɔŋmɔ We lɛ hiɛ lɛ. Gbeyei emɔmɔ amɛ yɛ sane nɛɛ he, ni asaŋ nu ni nɛɔ waa lɛ ehã amɛmiikpokpo.

¹⁰ Osɔfo Ezra te shi damɔ shi, ni ekɛɛ amɛ akɛ, “Nyɛtɔ̃, ejaakɛ nyɛyaŋɔ maŋsɛɛ yei, ni nyɛkɛhã Israel fɔ ni eye lɛ eda.

¹¹ No hewɔ lɛ, nyɛjajea nyɛtsɔ̃a Yehowa, nyɛtsɛmɛi aNyɔŋmɔ lɛ; nyɛfea esuɔmɔnaanii, ni nyɛtsea nyɛhe yɛ shikpɔŋ lɛ nɔ bii lɛ kɛ maŋsɛɛ yei lɛ ahe.”

¹² Kɛkɛ ni asafo muu lɛ fɛɛ here nɔ waa amɛkɛɛ, “Nakai ni; esa akɛ wɔfee bɔ ni okɛɛ lɛ.

¹³ Shi wɔyi fa babaoo naakpa yɛ biɛ, ni nunɛmɔ be nɛ. Wɔnyɛŋ blohu nɛɛŋ wɔdamɔ, be mli ni nitsumɔ lɛ ejeee gbi kome loo gbii enyɔ tete nitsumɔ, ejaakɛ wɔfee efɔŋ waa yɛ nɛkɛ sane nɛɛ mli.

¹⁴ No hewɔ lɛ, hã wɔlumɛi lɛ aye asafo muu lɛ fɛɛ najiaŋ ni mɛi fɛɛ ni yɔɔ wɔmaji lɛ amli ni amɛŋɔ maŋsɛɛ yei lɛ aba yɛ be ni ato mli. Maŋ fɛɛ maŋ mli onukpai kɛ emli kojolɔi afata amɛhe kɛba, kɛyashi beyinɔ ni wɔNyɔŋmɔ lɛ mlifu ni naa wa ni kã wɔnɔ lɛ aaaje wɔnɔ.”

¹⁵ Mɛi pɛ ni te shi shi nɛkɛ sane nɛɛ ji Yonatan, Asahel bi lɛ, kɛ Yahezeia, Tikwa bi lɛ; ni Meshulam kɛ Shabetai, Levinyo lɛ, fĩ amɛsɛɛ.

¹⁶ Mɛi ni jɛ nomŋɔɔ mli ba lɛ fee tamɔ bɔ ni ato gbɛjianɔ lɛ. Afãmɔ osɔfo Ezra kɛ tsɛmɛi awei lɛ onukpai lɛ ekomɛi yɛ amɛtsɛmɛi awei lɛ anaa, ni atsi amɛ fɛɛ amɛgbɛii atã. Nyɔŋ ni ji nyɔŋma lɛ nɔ klɛŋklɛŋ gbi lɛ nɔ lɛ, amɛyatara shi koni amɛtao sane lɛ mli.

¹⁷ Be ni shɛɔ klɛŋklɛŋ nyɔŋ lɛ nɔ klɛŋklɛŋ gbi lɛ nɔ lɛ, amɛkɛ hii fɛɛ ni eŋɔ maŋsɛɛ yei lɛ egbe naa.

Hii ni ŋɔ maŋsɛɛ yei lɛ agbɛii

¹⁸ Yɛ osɔfoi abii agbɛfaŋ lɛ, mɛi ni ana yɛ tsɛmɛi awe ji Yeshua, Yozadak bi lɛ ni enyɛmimɛi abii lɛ ateŋ mɛi ni amɛŋɔ maŋsɛɛ yei ji: Maseia kɛ Eliezer kɛ Yarib kɛ Gedalia.

¹⁹ Amɛwo shi akɛ amɛaashwie amɛŋamɛi lɛ. Amɛfɔ ni amɛye hewɔ lɛ amɛhã ojwɛni koni akɛshã sɔ̃ afɔle.

²⁰ Imer tsɛmɛi awe bii lɛ ateŋ lɛ mɛi ni hiɛ maŋsɛɛ yei ji Hanani kɛ Zebadia.

²¹ Harim tsɛmɛi awe bii lɛ ateŋ lɛ, Maaseia kɛ Elia kɛ Shemaia kɛ Yehiel kɛ Uzia.

²² Pashur tsɛmɛi awe bii lɛ ateŋ lɛ, Elioenai kɛ Maaseia kɛ Ishmael kɛ Netanel kɛ Yozabad kɛ Elasa.

²³ Levibii ateŋ lɛ, Yozabad kɛ Shimei kɛ Kelaia ni atsɛɔ lɛ akɛ Kelita hu lɛ, kɛ Petania kɛ Yuda kɛ Eliezer.

²⁴ Lalatsɛmɛi lɛ ateŋ lɛ, Eliashib. Agbonaakwɛlɔi lɛ ateŋ lɛ, Shalum kɛ Telem kɛ Uri.

²⁵ Parosh tsɛmɛi awe bii lɛ ateŋ lɛ, Ramia kɛ Izia kɛ Malkia kɛ Miyamin kɛ Eleazar kɛ Malkia kɛ Benaia.

²⁶ Elam tsɛmɛi awe bii lɛ ateŋ lɛ, Matania kɛ Zakaria kɛ Yehiel kɛ Abdi kɛ Yeremot kɛ Elia.

²⁷ Zatu tsɛmɛi awe bii lɛ ateŋ lɛ, Elivenai kɛ Eliashib kɛ Matania kɛ Yeremot kɛ Zabad kɛ Aziza.

²⁸ Bebai tsɛmɛi awe bii lɛ ateŋ lɛ, Yehohanan kɛ Hanania kɛ Zabai kɛ Atlai.

²⁹ Bani tsɛmɛi awe bii lɛ ateŋ lɛ, Meshulam kɛ Maluk kɛ Adaia kɛ Yashub kɛ Sheal kɛ Yeremot.

³⁰ Pahat-Moab tsɛmɛi awe lɛ abii lɛ ateŋ lɛ, Adna kɛ Kelal kɛ Benaia kɛ Maaseia kɛ Matania kɛ Bezaleel kɛ Binui kɛ Manase.

³¹ Harim tsɛmɛi awe bii lɛ ateŋ lɛ, Eliezer kɛ Ishia kɛ Malkia kɛ Shemaia kɛ Simeon,

³² kɛ Benyamin kɛ Maluk kɛ Shemaria.

³³ Hashum tsɛmɛi awe bii lɛ ateŋ lɛ, Matenai kɛ Matata kɛ Zabad kɛ Elifelet kɛ Yeremai kɛ Manase kɛ Shimei.

³⁴ Bani tsɛmɛi awe bii lɛ ateŋ lɛ: Maadai kɛ Amram kɛ Uel,

³⁵ kɛ Benaia kɛ Bedeia kɛ Keluhi

³⁶ kɛ Vania kɛ Meremot kɛ Eliashib

³⁷ kɛ Matania kɛ Matenai kɛ Yaasu.

³⁸ Bani tsɛmɛi awe bii lɛ ateŋ lɛ: Shimei kɛ Binui

³⁹ Shelemia kɛ Natan kɛ Adaia,

⁴⁰ kɛ Maknadebai kɛ Shashai kɛ Sharai

⁴¹ kɛ Azarel kɛ Shelemia kɛ Shemaria

⁴² kɛ Shalum kɛ Amaria kɛ Yosef.

⁴³ Nebo tsɛmɛi awe bii lɛ ateŋ lɛ: Yeiel kɛ Matitia kɛ Zabad kɛ Zebina kɛ Yadau kɛ Yoel kɛ Benaia.

⁴⁴ Mɛnɛɛmɛi fɛɛ eŋɔ maŋsɛɛ yei; hewɔ lɛ amɛ shwie yei lɛ kɛ amɛbii lɛ fɛɛ.