Ester 10 - ŊMALƐ KRƆŊKRƆŊ LƐ

Maŋtsɛ Ahashwerosh kɛ Mɔdekai agbojee

¹ Maŋtsɛ Ahashwerosh tsu enɔyeli shikpɔŋ lɛ nɔ bii lɛ onia kɛjɛ ŋshɔnaa aahu kɛyagbee koiasɛɛ tɔ̃ɔ.

² He ni egbojee shɛ kɛ nibii ni etsu yɛ ehewalɛ kɛ enyɛmɔ naa, kɛ he ni ewo Mɔdekai nɔ grɔŋŋ kɛyashɛ lɛ aŋmala fɛɛ yɛ Media kɛ Persia Maŋtsɛmɛi Ayinɔ Saji Awolo lɛ mli.

³ Mɔdekai, Yudanyo lɛ, batsɔ̃ Maŋtsɛ Ahashwerosh diɛŋtsɛ sɛɛmɔ tuuŋtu, kɛ gbɔmɔ wulu hu yɛ enyɛmimɛi Yudafoi lɛ ateŋ; amɛbuɔ lɛ, ni amɛsumɔɔ esane; ni lɛ hu be fɛɛ be lɛ etaoɔ emaŋbii lɛ kɛ amɛshwiei fɛɛ ekpakpa; ni ekɛ amɛ wieɔ kɛ naajɔlɛ.