Jajelɔ 4 - ŊMALƐ KRƆŊKRƆŊ LƐ

¹ Asaŋ mikwɛ yiwalɛ nibii ni afeɔ yɛ je lɛ mli lɛ. Naa yaafonui jwere mɛi ni awaa amɛ yi lɛ ahiɛ, shi amɛbɛ mɔ ko ni shɛjeɔ amɛmii. Mɛi ni waa amɛ yi lɛ yɛ hewalɛ ko yɛ amɛsɛɛ, ni mɔ ko bɛ ni shɛjeɔ amɛmii.

² No hewɔ lɛ, bɔ ni misusu ji akɛ mɛi ni egboi momo lɛ anɔ hi fe mɛi ni yɔɔ wala mli lolo nɛɛ.

³ Shi mɔ ni nɔ hi fe mɛi enyɔ lɛ fɛɛ anɔ lɛ ji mɔ ni anako afɔ lɛ, ni ebanako nibii fɔ̃ji ni afeɔ yɛ jeŋ lɛ.

⁴ Agbɛnɛ miyoo akɛ deŋme ni gbɔmɔ gboɔ fɛɛ, kɛ tɔlɛ ni etɔɔ lɛ fɛɛ lɛ, fɛɛ jɛɔ ehiɛ ni kɔ̃ɔ enaanyo nɔ. Enɛ hu yakanii ni, ni etamɔ kɔɔyɔɔ abɔyeli.

⁵ Kwashia kotaa eniji ekɛtaa shi, ni hɔmɔ gbeɔ lɛ.

⁶ Dɛ̃kɔkɔ kome mli nii ni toiŋjɔlɛ yɛ mli lɛ, ehi fe niji enyɔ ni akɛmiigbo yaka deŋme tamɔ ayeɔ kɔɔyɔɔ abɔ.

⁷ Asaŋ mina yakanii ko yɛ jeŋ.

⁸ No ji mɔ ko ni ebɛ mɔ ko mɔ ko, ebɛ bi lɛ, ebɛ nyɛminuu hu, kɛ̃lɛ ekpaaa deŋmegbomɔ, ni nii ni ena hu esaaa ehiɛ. Gbɔmɔ nɛɛ biko ehe dã akɛ, “Kwɛ, namɔ kwraa hewɔ ni migboɔ deŋme, ni mikamaa mihe jeŋ ŋɔɔmɔ nɛɛ?” Enɛ hu yakanii ni, kɛ awerɛho sane fɛɛ.

⁹ Mɛi enyɔ hi fe mɔ kome, ejaakɛ mɛi enyɔ naa deŋme ni amɛgboɔ lɛ he sɛɛ.

¹⁰ Ejaakɛ kɛji shi amɛgbee lɛ, amɛteŋ mɔ kome kɛ̃ aaawo enaanyo nɔ. Shi mɔ ni ekoome lɛ, kpoo hã lɛ ejaakɛ kɛji egbee shi lɛ, mɔ ko bɛ ni aaawo enɔ.

¹¹ Asaŋ kɛji mɛi enyɔ kamɔ shi lɛ, amɛhe dɔɔ la; shi te feɔ tɛŋŋ ni mɔ ni ekome lɛ ehe aaadɔ la hu?

¹² Kɛji mɔ ko tua mɔ ni ekome lɛ, mɔ lɛ nine nyɛɔ etsɔ̃ɔ enɔ; shi kɛji mɛi enyɔ ni lɛ, amɛbaaye mɔ ni tua amɛ lɛ nɔ. Kpãa ni akɛ kpãa blawai etɛ̃ elo lɛ emlitsemɔ wa.

¹³ Oblanyo ohiafo nilelɔ hi fe maŋtsɛ nuumo kwashia ni ekpɛlɛ̃ɛɛ ŋaawoo dɔŋŋ,

¹⁴ tsɛbelɛ gboklɛfoiatsuŋ ejɛ ni ebaye maŋtsɛ lɛ, aloo afɔ lɛ ohiafo yɛ lɛ diɛŋtsɛ emaŋtsɛyeli lɛ mli.

¹⁵ Misusu gbɔmɛi hiɛkãalɔi fɛɛ ni yaa baa yɛ jeŋ kɛ oblanyo hu, mɔ ni baaba ebaye maŋtsɛ sɛɛ lɛ he.

¹⁶ Gbɔmɛi nɛɛ ayi fa bɔ ni anyɛŋ amɛ akane, shi maŋtsɛ ta amɛ fɛɛ amɛnɔ. Kɛ̃lɛ yinɔ ni baaba lɛ nyaŋ maŋtsɛ lɛ he. Anɔkwa, enɛ hu lɛ yakanii ni, ni etamɔ kɔɔyɔɔ abɔyeli.