Jajelɔ 11 - ŊMALƐ KRƆŊKRƆŊ LƐ

Nilelɔ nifeemɔ

¹ Feemɔ ejurɔ oto, ni wɔsɛɛ ko lɛ aaafee bo ejurɔ.

² Feemɔ mɛi kpawo loo kpaanyɔ ejurɔ, ejaakɛ oleee sane gbonyo ni nyiɛ gbɛ baa yɛ jeŋ.

³ Kɛji atatuiaŋ yi tɔ kɛ nu lɛ, amɛnɛɔ nu amɛshwieɔ shikpɔŋ lɛ nɔ; ni kɛji tso yaagbee shi, ni eyagbee wuoyigbɛ loo kooyigbɛ lɛ, eshigbeemɔhe lɛ nɔŋŋ ekãa.

⁴ Mɔ ni saraa kɔɔyɔɔ lɛ, eduŋ nii, ni mɔ hu ni kwɛɔ atatui lɛ, ekpaŋ nii.

⁵ Bɔ ni onyɛŋ ole bɔ ni feɔ ni mumɔ baa bi ni yɔɔ yoohɔlɔ musuŋ lɛ, nakai nɔŋŋ onyɛŋ ole bɔ ni Nyɔŋmɔ tsɔ̃ɔ tsuɔ enii fɛɛ.

⁶ Du odumɔwui leebi kɛ gbɛkɛ fɛɛ, ejaakɛ onyɛŋ ole wui lɛ ateŋ nɔ ni baahi, enɛ loo enɛ, loo kɛji fɛɛ aaahi.

⁷ La ŋɔɔ, ni kɛji hiŋmɛi miina hulu lɛ, gbɔmɔ naa miishɛɛ.

⁸ Kɛji gbɔmɔ ye afii babaoo lɛ, ena miishɛɛ yɛ fɛɛ mli; shi moŋ ekai akɛ gbele duŋ be fa. Nɔ fɛɛ nɔ ni baa lɛ yakanii ni.

Ŋaa kɛhã Oblahii kɛ Oblayei

⁹ Oblanyo, nya yɛ oblahiiaŋ; hã omii ashɛ ohe yɛ oblahiiaŋ fɛɛ; ye otsui naa sane; feemɔ nɔ ni hi yɛ ohiɛ; shi moŋ kaimɔ akɛ Nyɔŋmɔ kɛ bo baakojo yɛ nibii fɛɛ ni ofee lɛ ahewɔ.

¹⁰ Jiemɔ mlifu kɛje oyiŋ, ni kaapiŋ ohe yɛ nɔ ko hewɔ, ejaakɛ ogbekɛbiiashi kɛ oblahiiaŋ lɛ yakanii be ni.