Abe̱i 27 - ŊMALƐ KRƆŊKRƆŊ LƐ

¹ Kaashwã ofɔ̃ wɔ nɔ; ejaakɛ oleee nɔ ni baaba wɔ.

² Hã mɔ kroko ajie oyi, shi kaajie bo diɛŋtsɛ ohe yi. Hã gbɔ ajie oyi, shi ekaje bo diɛŋtsɛ onaa.

³ Tɛ tsii, ni shia hu, jatsu kɛ tsiimɔ ni; shi buulu mlifu tsii fe nibii enyɔ nɛɛ fɛɛ.

⁴ Mlila yi wa, ni mlifu tamɔ faa ni esram nɔ; shi namɔ aaanyɛ awuŋayeli hiɛ adamɔ?

⁵ Ehi akɛ akã mɔ ko hiɛ yɛ mɛi ahiɛ fe nɔ ni akɛ suɔmɔ aaatsimɔ etɔmɔ nɔ.

⁶ Naanyo anɔkwafo ejeee gbɛ epilaaa mɔ; shi henyɛlɔ mɔ atuuloomɔ lɛ, shishiumɔ ni.

⁷ Mɔ ni eye nii etɔ lɛ, ekwaa wo agbaku tete; shi mɔ ni hɔmɔ yeɔ lɛ lɛ, nɔ fɛɛ nɔ ni joɔ po ŋɔɔ yɛ edaaŋ.

⁸ Nuu ni jeɔ ewe eyakpaa shi lɛ, etamɔ loofɔlɔ ni jeɔ etsu mli eyatsomloɔ.

⁹ Muŋma kɛ ojeŋma hãa mɔ mii shɛɔ ehe, shi haomɔ hãa mɔ tsui yeɔ.

¹⁰ Kaakwa bo diɛŋtsɛ onaanyo kɛ otsɛ naanyo. Ofimɔ gbi nɔ lɛ, kaaya onyɛmi we. Ohe gbɔmɔ ni bɛŋkɛ bo lɛ, ehi aahu fe onyɛmi ni yɔɔ shɔŋŋ.

¹¹ Mibi, feemɔ nilelɔ, ni ohã mitsui anyɔ mimli; bɔ ni afee ni mana hetoo mahã mɔ ni bɔɔ mi ahora lɛ.

¹² Hiɛtɛ̃lɔ naa efɔŋ ni baa, ni ewiɔ ehe; shi mɛi ni jwɛŋmɔ naa waaa lɛ, amɛyaboteɔ mli.

¹³ Mɔ ni damɔɔ gbɔ sɛɛ lɛ, hã ekɛ etade ato bo awaba; ni mɔ ni damɔɔ maŋsɛɛnyo sɛɛ lɛ, hã ekɛ lɛ diɛŋtsɛ ehe ato awaba.

¹⁴ Mɔ ni kɛ gbee ni wa jɔɔ enaanyo leebi maŋkpa lɛ, aaasusu akɛ loomɔ moŋ elomɔɔ lɛ lɛ.

¹⁵ Yoo beilɔ lɛ etamɔ tsu yiteŋ nu ni tsereɔ shwieɔ shi kɔikɔi pɛpɛɛpɛ kɛji nu miinɛ.

¹⁶ Kɛji aaaka akɛ aaatsi enaa ni efɔ̃ɔ bei lɛ, etamɔ nɔ ni aatsi kɔɔyɔɔ naa ni ekatswa, aloo aamia mu yɛ ninejurɔ dɛ̃kɔkɔ mli.

¹⁷ Dade jɔɔ dade naa, ni gbɔmɔ hu hãa enyɛmi gbɔmɔ leɔ nii.

¹⁸ Mɔ ni baa yelitso yi lɛ, eyeɔ eyibii lɛ eko; ni mɔ ni buɔ enuŋtsɔ he lɛ, enuŋtsɔ lɛ woɔ ehiɛ nyam.

¹⁹ Bɔ ni gbɔmɔ naa ehiɛ yɛ nu mli lɛ, nakai nɔŋŋ gbɔmɔ jwɛŋmɔ hãa enaa bɔ ni eji.

²⁰ Bɔ ni gbohiiaje kɛ gbonyobu etɔko dã lɛ, nakai gbɔmɔ hiŋmɛi hu etɔko dã.

²¹ Niiahetsuumɔ kukwɛi lɛ, eyɛ kɛhã jwiɛtɛi, ni flɔnɔɔ hu yɛ kɛhã shika, ni gbɔmɔ lɛ eyijiemɔ akɛyoɔ lɛ.

²² Kɛji okɛshi buulu yɛ fufuitso mli tamɔ ashiɔ abele tete lɛ, ebuulufeemɔ lɛ ejeŋ ehe kɔkɔɔkɔ.

²³ Bɔɔ mɔdɛŋ ni ole bɔ ni otoi lɛ yɔɔ, ni okwɛ okooloo kui lɛ jogbaŋŋ.

²⁴ Ejaakɛ ninamɔ ehiii shi kɛyaaa naanɔ; ni maŋtsɛyeli akekre hu ehiii shi kɛyaaa yinɔi fɛɛ.

²⁵ Kɛji jwɛi gbiŋ be ho, ni jwɛi fɔ ba, ni tsei fu bai lɛ, afolɔɔ, ni abuaa naa yɛ gɔji lɛ anɔ.

²⁶ Onaa omama kɛjɛɔ too gwantɛŋbii lɛ amli, ni onaa shika kɛjɛɔ too abotiai ni ohɔ̃ɔ lɛ mli okɛheɔ shikpɔŋ.

²⁷ Ooona abotia fufɔ bɔ ni aaashɛ bo kɛ owe lɛ yeli, kɛ nɔ ni okɛaalɛ otsuji yei lɛ.