1 Mose 36 - ŊMALƐ KRƆŊKRƆŊ LƐ

Esau Shwiei

¹ Esau ni atsɛɔ lɛ Edom lɛ shwiei nɛ:

² Esau ŋɔ Kanaan yei. Amɛ ji Hitnyo Elon biyoo Ada kɛ Hivnyo Zibeon bi Ana biyoo Oholibama lɛ,

³ kɛ Ishmael biyoo Basemat ni ji Nebaiot nyɛmiyoo lɛ.

⁴ Ada kɛ Esau fɔ Elifaz, ni Basemat fɔ Reuel.

⁵ Oholibama fɔ Yeush kɛ Yolam kɛ Kora. Mɛnɛɛmɛi ji Esau bihii ni efɔ yɛ Kanaan shikpɔŋ lɛ nɔ lɛ.

⁶ Kɛkɛ ni Esau ŋɔ eŋãmɛi kɛ ebihii kɛ ebiyei kɛ eshĩaŋbii fɛɛ kɛ etsinai kɛ ekooloi ni elɛɔ kɛ enitsumɔ kooloi lɛ fɛɛ kɛ enii fɛɛ ni ena yɛ Kanaan shikpɔŋ lɛ nɔ lɛ, ni eshi enyɛmi Yakob kɛtee shikpɔŋ ko nɔ,

⁷ ejaakɛ amɛnii ni amɛna lɛ fa tsɔ̃ fe bɔ ni amɛaanyɛ amɛhi shi yɛ he kome. Amɛkooloi lɛ ahewɔ lɛ amɛhooo shikpɔŋ ni amɛbato gbɔ yɛ nɔ lɛ nɔ.

⁸ Esau yahi Edom gɔji lɛ anɔ.

⁹ Esau ni ji Edombii ablematsɛ lɛ, eshwiei nɛ:

¹⁰ Esau bihii lɛ agbɛii nɛ: Elifaz, Esau ŋa Ada bi lɛ; Reuel Esau ŋa Basemat bi lɛ.

¹¹ Elifaz hu bii ji Teman kɛ Omar kɛ Zefo kɛ Gatam kɛ Kenaz.

¹² Esau bi Elifaz hemɔ ji Timna. Timna kɛ Elifaz fɔ Amalek. Mɛnɛɛmɛi ji Esau ŋa Ada lɛ bii.

¹³ Reuel bii ji Nahat kɛ Zera kɛ Shama kɛ Miza. Mɛnɛɛmɛi ji Esau ŋa Basemat lɛ bii.

¹⁴ Esau ŋa Oholibama ni ji Zibeon bi Ana biyoo lɛ bi ni ekɛ Esau fɔ ji Yeush kɛ Yalam kɛ Kora.

¹⁵ Shĩai ni jɛ Esau mli nɛ: Elifaz we, Esau kromɔbi lɛ, Teman we kɛ Omar we kɛ Zefo we kɛ Kenaz we,

¹⁶ kɛ Kora we kɛ Gatam we kɛ Amalek we. Mɛnɛɛmɛi ji Elifaz lumɛi yɛ Edom shikpɔŋ lɛ nɔ, ni Ada shwiei ji amɛ.

¹⁷ Shĩai ni jɛ Esau bi Reuel we lɛ mli nɛ: Nahat we kɛ Zera we kɛ Shama we kɛ Miza we. Mɛnɛɛmɛi ji Reuel lumɛi yɛ Edom shikpɔŋ lɛ nɔ, ni Esau ŋa Basemat shwiei ji amɛ.

¹⁸ Esau ŋa Oholibama we lɛ mli bii ji Yeush we kɛ Yalam we kɛ Kora we. Mɛnɛɛmɛi ji Ana biyoo Oholibama ni ji Esau ŋa lɛ shwiei bii.

¹⁹ Mɛnɛɛmɛi lɛ Esau bii ji amɛ, ni amɛwei nɛ. Esau lɛ, lɛ nɔŋŋ ji Edom lɛ.

Seir Shwiei

²⁰ Seir ni ji Hornyo lɛ shĩa lɛ mli bii ni yɔɔ shikpɔŋ lɛ nɔ lɛ nɛ: Lotan we kɛ Shobal we kɛ Zibeon we kɛ Ana we,

²¹ kɛ Dishon we kɛ Ezer we kɛ Dishan we. Mɛnɛɛmɛi ji Horbii ni ji Seir bii ni yɔɔ Edom shikpɔŋ lɛ nɔ lɛ awei lɛ.

²² Lotan shwiei ji Hori kɛ Heman; ni Lotan nyɛmi yoo ji Timna.

²³ Shobal shwiei ji Alvan kɛ Manahat kɛ Ebal kɛ Shefo kɛ Onam.

²⁴ Zibeon bii ji Aia kɛ Ana. Mɔ nɛ ji Ana lɛ ni yana nuhiŋmɛi ni mli edɔ la yɛ ŋa lɛ nɔ be ni elɛɔ etsɛ Zibeon tejii lɛ.

²⁵ Ana bii ji Dishon kɛ Oholibama.

²⁶ Dishon bii ji Hemdan kɛ Eshban kɛ Itram kɛ Keran.

²⁷ Ezer bii ji Bilhan kɛ Zaavan kɛ Akan.

²⁸ Dishan bii ji Uz kɛ Aran.

²⁹ Horbii awei nɛ: Lotan we kɛ Shobal we kɛ Zibeon we kɛ Ana we,

³⁰ kɛ Dishon we kɛ Ezer we kɛ Dishan we. Mɛnɛɛmɛi ji Horbii lɛ awei ni ye lumɔ yɛ amɛkutsei lɛ anaa yɛ Seir shikpɔŋ lɛ nɔ lɛ.

Edom Maŋtsɛmɛi lɛ

³¹ Mɛi ni ye maŋtsɛ yɛ Edom shikpɔŋ lɛ nɔ dani awo maŋtsɛ yɛ Israelbii lɛ ateŋ nɛ:

³² Beor bi Bela ye maŋtsɛ yɛ Edom, ni emaŋtsɛmaŋ lɛ gbɛi ji Dinhaba.

³³ Be ni Bela gbo lɛ, Yobab, Zera ni jɛ Bozra lɛ bi lɛ, baye maŋtsɛ yɛ esɛɛ.

³⁴ Yobab gbo ni Husham ni jɛ Temanbii ashikpɔŋ lɛ nɔ lɛ baye maŋtsɛ yɛ esɛɛ.

³⁵ Husham gbo ni Bedad bi Hadad ni ye Midian nɔ kunim yɛ Moab shikpɔŋ lɛ nɔ lɛ baye maŋtsɛ yɛ esɛɛ. Emaŋtsɛmaŋ gbɛi ji Avit.

³⁶ Hadad gbo ni Samla ni jɛ Masreka lɛ baye maŋtsɛ yɛ esɛɛ.

³⁷ Samla gbo ni Shaul ni jɛ Rehobot ni kã Eufrate faa lɛ he lɛ baye maŋtsɛ yɛ esɛɛ.

³⁸ Shaul gbo ni Akbor bi Baal-Hanan lɛ baye maŋtsɛ yɛ esɛɛ.

³⁹ Akbor bi Baal-Hanan gbo, ni Hadar baye maŋtsɛ yɛ esɛɛ. Emaŋtsɛmaŋ gbɛi ji Pau; ni eŋa ji Mehetabel, Mezehab biyoo Matred bi lɛ.

⁴⁰ Esau shwiei ji nɛkɛ Edombii nɛɛ: Timnabii, Alvabii, Yetetbii,

⁴¹ Oholibamabii, Elabii, Pinonbii,

⁴² Kenazbii, Temanbii, Mibzarbii,

⁴³ Magdielbii, Irambii. Hei ni Edombii nɛɛ ateŋ eko fɛɛ eko hi lɛ akɛ amɛgbɛi wo jɛi. Esau nɔŋŋ ji Edom ni ji Edombii atsɛ lɛ.