1 Kronika 8 - ŊMALƐ KRƆŊKRƆŊ LƐ

Benyamin shwiei lɛ

¹ Benyamin fɔ bihii enumɔ. Ekromɔbi lɛ ji Bela, ni mɔ ni ji enyɔ ji Ashbel; ebi ni ji etɛ̃ lɛ ji Ahara;

² ebi ni ji ejwɛ lɛ ji Noha, ni ebi ni ji enumɔ lɛ ji Rafa.

³ Bela shwiei ji Adar kɛ Gera kɛ Abihud,

⁴ kɛ Abishua kɛ Naaman kɛ Ahoa,

⁵ kɛ Gera kɛ Shefufan kɛ Huram.

^6-7 Naa Ehud shwiei lɛ. Amɛ ji Naaman kɛ Ahia kɛ Gera. Amɛtsɛmɛi awei lɛ amli wekui lɛ onukpai ji amɛ fɛɛ, ni kulɛ Geba amɛyɔɔ; shi abashwie amɛ akranaŋ naa kɛje jɛi, ni amɛtee amɛyabɔ mɔfro yɛ Manahat. Gera, ni ji Uza kɛ Ahihud tsɛ, ji mɔ ni nyiɛ Geba hii lɛ ahiɛ kɛyabɔ mɔfro lɛ.

⁸ Be ni Shaharaim eshwie eŋãmɛi ni ji Hushim kɛ Baara lɛ sɛɛ lɛ, efɔ bii yɛ Moab shikpɔŋ lɛ nɔ.

⁹ Eŋɔ Hodesh efee eŋã, ni ekɛ lɛ fɔ bihii kpawo: Yobab kɛ Zibia kɛ Mesha kɛ Malkam,

¹⁰ kɛ Yeuz kɛ Shakia kɛ Mirma. Shaharaim bii lɛ nɛ, ni amɛ fɛɛ amɛtsɔ̃mɔ weku mli onukpai.

¹¹ Shaharaim kɛ Hushim hu fɔ bihii enyɔ, Abitub kɛ Elpaal.

¹² Elpaal bihii ji Eber kɛ Misham kɛ Shemed mɔ ni to Ono kɛ Lod maji lɛ kɛ akrowai ni bɔle amɛhe lɛ.

Benyaminbii ni hi Gat kɛ Ayalon lɛ

¹³ Beria kɛ Shema lɛ Ayalonbii lɛ awekui lɛ weku onukpai ji amɛ; amɛ ji mɛi ni shwie Gat maŋ lɛ mli bii lɛ.

¹⁴ Beria shwiei lɛ ji Ahio kɛ Shashak kɛ Yeremot,

¹⁵ kɛ Zebadia kɛ Arad kɛ Eder,

¹⁶ kɛ Mikael kɛ Ishpa kɛ Yoha.

Benyaminbii ni hi Yerusalɛm lɛ

¹⁷ Elpaal shwiei ji Zebadia kɛ Meshulam kɛ Hizki kɛ Heber,

¹⁸ kɛ Ishmerai kɛ Izlia kɛ Yohab.

¹⁹ Shimei shwiei ji Yakim kɛ Zikri kɛ Zabdi,

²⁰ kɛ Elienai kɛ Ziletai kɛ Eliel,

²¹ kɛ Adaia kɛ Beraia kɛ Shimrat.

²² Shashak shwiei ji Ishpan kɛ Eber kɛ Eliel,

²³ kɛ Abdon kɛ Zikri kɛ Hanan,

²⁴ kɛ Hanania kɛ Elam kɛ Antotia

²⁵ kɛ Ifdeia kɛ Penuel.

²⁶ Yeroham shwiei ji Shamsherai kɛ Sheharia kɛ Atalia,

²⁷ kɛ Yaareshia kɛ Elia kɛ Zikri.

²⁸ Mɛnɛɛmɛi ji wekui amli onukpai kɛ amɛshwiei ni hi Yerusalɛm lɛ.

Benyaminbii ni hi Gibeon kɛ Yerusalɛm lɛ

²⁹ Yiel ji mɔ ni yato Gibeon maŋ lɛ, ni ehi jɛi. Eŋã gbɛi ji Maaka,

³⁰ ni ekromɔbi ji Abdon. Ebihii krokomɛi lɛ ji Zur kɛ Kish kɛ Baal kɛ Ner kɛ Nadab,

³¹ kɛ Gedor kɛ Ahio kɛ Zeker,

³² kɛ Miklot ni ji Shimea tsɛ lɛ. Gbɔmɛi nɛɛ kɛ amɛ hu amɛshwiei hi Yerusalɛm yɛ amɛnyɛmimɛi Benyaminbii lɛ amasɛi.

Maŋtsɛ Saul weku

³³ Ner fɔ Kish, ni Kish fɔ Saul, ni Saul fɔ Yonatan kɛ Malkishua kɛ Abinadab kɛ Esh-Baal.

³⁴ Yonatan fɔ Merib-Baal, ni Merib-Baal fɔ Mika.

³⁵ Mika fɔ bihii ejwɛ: Piton kɛ Melek kɛ Tarea kɛ Ahaz.

³⁶ Ahaz fɔ Yehoada, ni Yehoada fɔ bihii etɛ̃, Alemet kɛ Azmavet kɛ Zimri; ni Zimri fɔ Moza.

³⁷ Moza fɔ Binea, ni Binea fɔ Rafa, ni Rafa fɔ Eleasa, ni Eleasa fɔ Azel.

³⁸ Azel fɔ bihii ekpaa: Azrikam kɛ Bokeru kɛ Ishmael kɛ Shearia kɛ Obadia kɛ Hanan.

³⁹ Ni Azel nyɛmi nuu Eshek fɔ bihii etɛ̃: Ulam kɛ Yeush kɛ Elifelet.

⁴⁰ Ulam bihii lɛ tsɔmɔ hii kãkãlɔi kɛ gãitsɛ̃lɔi kpanakpanai; ni amɛbihii kɛ bihii abii lɛ ayibɔ fee oha kɛ nyɔŋmai enumɔ. Benyaminbii ji Mɛnɛɛmɛi fɛɛ.