1 Kronika 3 - ŊMALƐ KRƆŊKRƆŊ LƐ

Maŋtsɛ David musuŋbii lɛ

¹ Maŋtsɛ David bihii ni efɔ yɛ Hebron lɛ agbɛii baa nɛɛ yɛ afii anaa: Ekromɔbi lɛ ji Amnon ni enyɛ ji Ahinoam ni jɛ Yezreel lɛ. Ebi ni ji enyɔ lɛ ji Daniel mɔ ni nyɛ ji Abigail ni jɛ Karmel lɛ.

² Ebi ni ji etɛ̃ lɛ ji Absalom. Absalom nyɛ ji Maaka Geshur Maŋtsɛ Talmai biyoo lɛ. Ebi ni ji ejwɛ lɛ ji Adonia ni enyɛ gbɛi ji Hagit lɛ.

³ Ebi ni ji enumɔ lɛ ji Shefatia ni enyɛ gbɛi ji Abital lɛ; ni ebi ni ji ekpaa lɛ ji Itream ni enyɛ gbɛi ji Egla lɛ.

⁴ David fɔ bihii ekpaa nɛɛ fɛɛ yɛ Hebron he ni eye maŋtsɛ yɛ afii kpawo kɛ fã lɛ. Ebaye maŋtsɛ afii nyɔŋmai etɛ̃ kɛ etɛ̃ yɛ Yerusalɛm hu;

⁵ ni efɔ bii babaoo yɛ Yerusalɛm. Ekɛ Bat-Shua ni ji Ameiel biyoo lɛ fɔ bihii ejwɛ: Shimea kɛ Shobab kɛ Natan kɛ Solomon.

⁶ Maŋtsɛ David fɔ bihii krokomɛi nɛɛhu. Amɛ ji Ibhar kɛ Elishua kɛ Elpelet

⁷ kɛ Noga kɛ Nefeg kɛ Yafia,

⁸ kɛ Elishama kɛ Eliada kɛ Elifelet.

⁹ David kɛ ehemɛi lɛ fɔ bihii krokomɛi hu yɛ ebihii nɛɛ asɛɛ. Amɛnyɛmi yoo ji Tamar.

Maŋtsɛ Solomon shwiei lɛ

¹⁰ Naa bɔ ni Maŋtsɛ Solomon shwiei lɛ wekukpãa lɛ kã shi kɛjɛ lɛ enɔ: Solomon fɔ Rehoboam, ni Rehoboam fɔ Abia, ni Abia fɔ Asa, ni Asa hu fɔ Yehoshafat.

¹¹ Yehoshafat fɔ Yoram, ni Yoram fɔ Ahazia, ni Ahazia fɔ Yoash.

¹² Yoash fɔ Amazia, ni Amazia fɔ Uzia, ni Uzia fɔ Yotam.

¹³ Yotam fɔ Ahaz, ni Ahaz fɔ Hezekia, ni Hezekia fɔ Manase.

¹⁴ Manase fɔ Amon, ni Amon fɔ Yosia.

¹⁵ Yosia fɔ bihii ejwɛ: Yohanan, Yehoiakim, Zedekia kɛ Yoahaz.

¹⁶ Ni Yehoiakim fɔ bihii enyɔ: Yehoiakin kɛ Zedekia.

Maŋtsɛ Yehoiakin shwiei lɛ

¹⁷ Maŋtsɛ Yehoiakin, mɔ ni Babilonbii lɛ ŋɔ lɛ nom lɛ, shwiei lɛ agbɛii baa nɛɛ. Maŋtsɛ Yehoiakin fɔ bihii kpawo: Shealtiel,

¹⁸ kɛ Malkiram, kɛ Pedaia kɛ Shenazar kɛ Yekamia kɛ Hoshama kɛ Nedabia.

¹⁹ Pedaia fɔ bihii enyɔ: Zerubabel kɛ Shimei. Ni Zerubabel fɔ bihii enyɔ: Meshulam kɛ Hanania, kɛ yoo kome ni atsɛɔ lɛ Shelomit.

²⁰ Zerubabel fɔ bihii krokomɛi enumɔ hu: Hashuba kɛ Ohel kɛ Berekia kɛ Hasadia kɛ Yushab-Hesed.

²¹ Hanania fɔ bihii enyɔ: Pelatia kɛ Yeshaia. Yeshaia fɔ Refaia, ni Refaia fɔ Arnan, ni Arnan fɔ Obadia, ni Obadia hu fɔ Shekania.

²² Shekania fɔ binuu kome ni ji Shemaia, ni Shemaia fɔ bihii enumɔ: Hatush kɛ Igal kɛ Baria kɛ Nearia kɛ Shabat.

²³ Nearia fɔ bihii etɛ̃: Elioenai kɛ Hizkia kɛ Azrikam.

²⁴ Elioenai fɔ bihii kpawo: Hodavia kɛ Eliashib kɛ Pelaia kɛ Akub kɛ Yohanan kɛ Delaia kɛ Anani.