1 Kronika 25 - ŊMALƐ KRƆŊKRƆŊ LƐ

Sɔlemɔ we lɛ mli Joobilɔi lɛ

¹ Maŋtsɛ David kɛ Levibii lɛ ateiaŋ lumɛi lɛ hala mɛi komɛi yɛ Asafbii lɛ kɛ Hemanbii lɛ kɛ Yedutunbii lɛ ateŋ, ni amɛto amɛ akɛ amɛ amɛgba kɛji aaja, shi nakai be mli nɔŋŋ lɛ amɛmiitswa obenta kɛ saŋkui kɛ ŋmɛji, ni amɛmiikpã bɛji hu. Mɛi ni ahala kɛ nitsumɔi hu ni ahã amɛ lɛ baa nɛɛ.

² Asaf bihii ejwɛ lɛ: Zakur kɛ Yosef kɛ Netania kɛ Asharela. Amɛyɛ amɛtsɛ Asaf shishi. Lɛ lɛ eyɛ maŋtsɛ lɛ he, ni egbaa Nyɔŋmɔ dɛŋ wiemɔ etsɔ̃ɔ maŋtsɛ lɛ.

³ Yedutun bihii ekpaa lɛ: Gedalia kɛ Zeri kɛ Yeshaia kɛ Shimei kɛ Hashabia kɛ Matitia. Amɛyɛ amɛtsɛ Yedutun shishi, ni amɛgbaa Nyɔŋmɔ dɛŋ wiemɔ amɛtsɔ̃ɔ, nakai be mli nɔŋŋ lɛ amɛmiitswa obenta, ni amɛmiila kɛmiikafo, ni amɛkɛmiida Yehowa shi.

⁴ Heman bihii nyɔŋma kɛ ejwɛ lɛ: Bukia kɛ Matania kɛ Uziel kɛ Shebuel kɛ Yerimot kɛ Hanania kɛ Hanani kɛ Eliata kɛ Gidalti kɛ Romamti-Ezer kɛ Yoshbekasha kɛ Maloti kɛ Hotir kɛ Mahaziot.

⁵ Nyɔŋmɔ duro Heman, maŋtsɛ gbalɔ lɛ, bihii nyɔŋma kɛ ejwɛ nɛɛ fɛɛ kɛ biyei hu etɛ̃. Nyɔŋmɔ hã Heman agbojee da tamɔ bɔ ni ewo he shi eto lɛ.

⁶ Heman bii nɛɛ fɛɛ yɛ lɛ eshishi, ni amɛtswaa ŋmɛji kɛ obentai yɛ Yehowa we amɛkɛwaa jamɔ lɛ yɛ Nyɔŋmɔ We lɛ mli. Shi Asaf kɛ Yedutun kɛ Heman lɛ, amɛ fɛɛ amɛyɛ maŋtsɛ lɛ shishi.

⁷ Gbɔmɛi nyɔŋmai enyɔ kɛ ejwɛ nɛɛ kɛ amɛnyɛmimɛi Levibii krokomɛi lɛ fɛɛ ni ekase Yehowa lalai lɛ lamɔ, asaŋ ni amɛhe esa jogbaŋŋ yɛ mli lɛ ayibɔ ji ohai enyɔ kɛ nyɔŋmai kpaanyɔ kɛ kpaanyɔ.

⁸ Kɛkɛ ni afɔ̃ oshiki ni akɛjara nitsumɔi lɛ ahã gbɔmɛi nɛɛ fɛɛ, gbekɛ kɛ onukpa, kɛ tsɔɔlɔ kɛ kaselɔ fɛɛ pɛpɛɛpɛ.

⁹ Klɛŋklɛŋ oshiki ni afɔ̃ lɛ gbee Yosef ni jɛ Asafbii ateŋ lɛ nɔ; ni nɔ ni ji enyɔ lɛ gbee Gedalia kɛ enyɛmimɛi kɛ ebihii lɛ anɔ; amɛyi nyɔŋma kɛ enyɔ.

¹⁰ Oshiki ni ji etɛ̃ lɛ gbee Zakur kɛ ebihii kɛ enyɛmimɛi lɛ anɔ; amɛyi nyɔŋma kɛ enyɔ.

¹¹ Oshiki ni ji ejwɛ lɛ gbee Zeri kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

¹² Oshiki ni ji enumɔ lɛ gbee Netania kɛ ebii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

¹³ Oshiki ni ji ekpaa lɛ gbee Bukia kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

¹⁴ Oshiki ni ji kpawo lɛ gbee Asharela kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

¹⁵ Oshiki ni ji kpaanyɔ lɛ gbee Yesaia kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

¹⁶ Oshiki ni ji nɛɛhu lɛ gbee Matania kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

¹⁷ Oshiki ni ji nyɔŋma lɛ gbee Shimei kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

¹⁸ Oshiki ni ji nyɔŋma kɛ ekome lɛ gbee Uzia kɛ ebii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

¹⁹ Oshiki ni ji nyɔŋma kɛ enyɔ lɛ gbee Hashabia kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

²⁰ Oshiki ni ji nyɔŋma kɛ etɛ̃ lɛ gbee Shubael kɛ ebihii kɛ enyɛmimɛi lɛ anɔ; amɛyi nyɔŋma kɛ enyɔ.

²¹ Oshiki ni ji nyɔŋma kɛ ejwɛ lɛ gbee Matitia kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

²² Oshiki ni ji nyɔŋma kɛ enumɔ lɛ gbee Yeremot kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

²³ Oshiki ni ji nyɔŋma kɛ ekpaa lɛ gbee Hanania kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

²⁴ Oshiki ni ji nyɔŋma kɛ kpawo lɛ gbee Yoshbekasha kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

²⁵ Oshiki ni ji nyɔŋma kɛ kpaanyɔ lɛ gbee Hanani kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

²⁶ Oshiki ni ji nyɔŋma kɛ nɛɛhu lɛ gbee Maloti kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

²⁷ Oshiki ni ji nyɔŋmai enyɔ lɛ gbee Eliata kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

²⁸ Oshiki ni ji nyɔŋmai enyɔ kɛ ekome lɛ gbee Hotir kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

²⁹ Oshiki ni ji nyɔŋmai enyɔ kɛ enyɔ lɛ gbee Gidalti kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

³⁰ Oshiki ni ji nyɔŋmai enyɔ kɛ etɛ̃ lɛ gbee Mahaziot kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.

³¹ Oshiki ni ji nyɔŋmai enyɔ kɛ ejwɛ lɛ gbee Romamti-Ezer kɛ ebihii lɛ kɛ enyɛmimɛi lɛ anɔ; amɛyi nyɔŋma kɛ enyɔ.