1 Kronika 2 - ŊMALƐ KRƆŊKRƆŊ LƐ

Yuda shwiei lɛ

¹ Yakob fɔ bihii nyɔŋma kɛ enyɔ, amɛ ji Ruben kɛ Simeon kɛ Levi kɛ Yuda kɛ Isakar kɛ Zebulon,

² kɛ Dan kɛ Yosef kɛ Benyamin kɛ Naftali kɛ Gad kɛ Asher.

³ Yuda fɔ bihii enumɔ. Ekɛ eŋa Bat-Shua, Kanaanyoo lɛ, fɔ bihii etɛ̃, ni ji Er kɛ Onan kɛ Shela. Yuda kromɔbi Er lɛ fee ehe gbɔmɔ fɔŋ bɔ sɔŋŋ ni no hewɔ lɛ, Yehowa gbe lɛ.

⁴ Yuda kɛ ebinuu ŋã Tamar lɛ fɔ bihii enyɔ hu, Perez kɛ Zera.

⁵ Perez fɔ bihii enyɔ, Hezron kɛ Hamul.

⁶ Zera fɔ bihii enumɔ, Zimri kɛ Etan kɛ Heman kɛ Kalkol kɛ Darda.

⁷ Karmi ni jɛ Perez mli lɛ bi ko ni egbɛi ji Akar lɛ kɛ Israelbii wo amane mli be ni efee nɔ ni esaaa yɛ nihaanii ni ajɔɔ nɔ ahã Yehowa lɛ gbɛfaŋ lɛ.

⁸ Etan (Zera bi lɛ) fɔ binuu. Binuu nɛɛ gbɛi ji Azaria.

Maŋtsɛ David wekukpãa

⁹ Hezron fɔ bihii etɛ̃, Yerameel kɛ Ram kɛ Kaleb.

¹⁰ Naa bɔ ni wekukpãa lɛ kã shi hã kɛjɛ Ram nɔ kɛyashi Yeshai nɔ: Ram fɔ Aminadab, ni Aminadab fɔ Nahashon, ni ebatsɔ̃ gbɔmɔ kpanaa yɛ Yudabii ateŋ lɛ.

¹¹ Nahashon fɔ Salma, ni Salma fɔ Boaz,

¹² ni Boaz fɔ Obed, ni Obed fɔ Yeshai.

¹³ Yeshai fɔ bihii kpawo. Ekromɔbi lɛ ji Eliab; kromɔbi lɛ sɛɛho lɛ ji Abinadab; ebi ni ji etɛ̃ lɛ ji Shimea;

¹⁴ ebi ni ji ejwɛ lɛ ji Netanel, ni ebi ni ji enumɔ lɛ ji Radai.

¹⁵ Ozem ji ebi ni ji ekpaa lɛ, ni ebi ni ji kpawo lɛ ji David.

¹⁶ Yeshai fɔ biyei hu ni ji Zeruia kɛ Abigail. Yeshai biyoo Zeruia nɛɛ fɔ bihii etɛ̃, Abishai kɛ Yoab kɛ Asahel.

¹⁷ Ebiyoo Abigail kɛ Yeter, Ishmaelnyo, lɛ hi shi ni ekɛ lɛ fɔ Amasa.

Hezron shwiei

¹⁸ Hezron binuu Kaleb kɛ Yeriotyoo, Azuba, hi shi ni ekɛ lɛ fɔ bihii etɛ̃, Yesher kɛ Shobab kɛ Ardon.

¹⁹ Azuba gbo, ni Kaleb ŋɔ Efrat, ni ekɛ lɛ fɔ binuu kome ni ji Hur.

²⁰ Hur fɔ Uri, ni Uri fɔ Bezaleel.

²¹ Be mli ni Hezron eye afii nyɔŋmai ekpaa lɛ, etee ni eyaŋɔ Makir biyoo ni ji Gilead nyɛmiyoo lɛ, ni ekɛ lɛ fɔ Segub,

²² Segub fɔ Yair mɔ ni ye Gilead shikpɔŋ lɛ nɔ maji nyɔŋmai enyɔ kɛ etɛ̃ anɔ lumɔ lɛ.

²³ Shi fee sɛɛ lɛ Geshurbii lɛ kɛ Arambii bashɔ̃ Kenat kɛ ehe maji kɛ akrowai aaashɛ nyɔŋmai ekpaa yɛ Yair kɛ Gileadbii lɛ adɛŋ. Nɛkɛ be mli lɛ Gilead tsɛ Makir shwiei ji mɛi ni yɔɔ maji kɛ akrowai nɛɛ amli.

²⁴ Be ni Hezron gbo lɛ, ebinuu Kaleb ŋɔ Efrat, etsɛ Hezron ŋa okulafo lɛ, ni ekɛ lɛ fɔ Ashur mɔ ni to Tekoa maŋ lɛ.

Yerameel shwiei lɛ

²⁵ Yerameel, Hezron kromɔbi lɛ fɔ bihii enumɔ: Ram, ni ji ekromɔbi lɛ, kɛ Buna kɛ Oren kɛ Ozem kɛ Ahia.

²⁶ Yerameel yɛ ŋa kroko hu ni gbɛi ji Atra. Ekɛ lɛ fɔ Onam.

²⁷ Ram, Yerameel kromɔbi lɛ, fɔ bihii etɛ̃: Maaz kɛ Yamin kɛ Eker.

²⁸ Onam fɔ bihii enyɔ: Shamai kɛ Yada; ni Shamai hu fɔ bihii enyɔ: Nadab kɛ Abishur.

²⁹ Abishur nɛɛ ŋa gbɛi ji Abihail; ni ekɛ lɛ fɔ bihii enyɔ: Ahban kɛ Molid.

³⁰ Nadad, Abishur nyɛminuu lɛ, fɔ bihii enyɔ: Seled kɛ Apaim. Seled fɔɔɔ ni egbo.

³¹ Shi Apaim fɔ Ishi, ni Ishi fɔ Sheshan, ni Sheshan fɔ Ahlai.

³² Yada, Oman bi Shammai nyɛmi nuu lɛ, fɔ bihii enyɔ: Yeter kɛ Yonatan. Yeter fɔɔɔ ni egbo.

³³ Shi Yonatan fɔ bihii enyɔ: Pelet kɛ Zaza. Mɛnɛɛmɛi fɛɛ lɛ Yerameel shwiei sɔŋŋ ni.

³⁴ Sheshan fɔɔɔ binuu; biyei sɔŋŋ efɔ. Sheshan yɛ tsulɔ Ijiptnyo ko ni gbɛi ji Yarha.

³⁵ Ekɛ ebiyei lɛ ateŋ mɔ kome hã etsulɔ Yarha nɛɛ gbãlã, ni ekɛ lɛ fɔ binuu ni atsɛɔ lɛ Atai.

³⁶ Naa bɔ ni wekukpãa lɛ kã shi ha kɛjɛ Atai nɔ kɛyashi Elishama nɔ: Atai fɔ Natan, ni Natan fɔ Zabad.

³⁷ Zabad fɔ Eflal ni Eflal fɔ Obed,

³⁸ ni Obed fɔ Jehu, ni Jehu hu fɔ Azaria.

³⁹ Azaria fɔ Helez, ni Helez fɔ Eleasa;

⁴⁰ ni Eleasa fɔ Sismai, ni Sismai hu fɔ Shalum

⁴¹ ni Shalum fɔ Yekamia, ni Yekamia fɔ Elishama.

Kaleb shwiei krokomɛi

⁴² Kaleb, Yerameel nyɛmi nuu lɛ, kɛ eŋãmɛi lɛ eko hu kromɔ binuu ji Mesha. Mesha fɔ Zif, ni Zif, fɔ Maresha, ni Maresha fɔ Hebron.

⁴³ Hebron fɔ bihii ejwɛ: Kora kɛ Tapua kɛ Rekem kɛ Shema.

⁴⁴ Shema fɔ Raham, mɔ ni fɔ Yorkeam lɛ; ni Rekem fɔ Shamai.

⁴⁵ Shamai fɔ Maon, ni Maon fɔ Bet-Zur.

⁴⁶ Kaleb yɛ hemɔ ko ni gbɛi ji Efa; ekɛ lɛ fɔ bihii krokomɛi etɛ̃, Haran kɛ Moza kɛ Gazez. Haran hu fɔ binuu ni ewo lɛ Gazez.

⁴⁷ Kaleb bii lɛ eko hu ni gbɛi ji Yadai lɛ fɔ bihii ekpaa: Regem kɛ Yoatam kɛ Geshan kɛ Pelet kɛ Efa kɛ Shaaf.

⁴⁸ Kaleb yɛ hemɔ kroko hu ni gbɛi ji Maaka; ni ekɛ lɛ fɔ bihii enyɔ, Sheber kɛ Tirhana.

⁴⁹ Maaka nɛɛ kɛ Kaleb saa fɔ bihii enyɔ krokomɛi, Shaaf mɔ ni to Madmana maŋ lɛ shishi lɛ, kɛ Sheva mɔ ni to Makbena maŋ lɛ kɛ Gibea maŋ lɛ hu shishi lɛ. Biyoo ni Kaleb fɔ lɛ gbɛi ji Aksa.

⁵⁰ Kaleb shwiei krokomɛi agbɛii baa nɛɛ: Hur ji Kaleb kromɔ binuu; ekɛ eŋã Efrat lɛ fɔ lɛ. Hur nɛɛ binuu Shobal ji mɔ ni to Kiriat-Yearim maŋ lɛ.

⁵¹ Amɛbinuu ni ji enyɔ ji Salma mɔ ni to Betlehem maŋ lɛ; amɛbinuu ni ji etɛ̃ ji Haref mɔ ni to Bet-Gader maŋ lɛ.

⁵² Shobal, mɔ ni to Kiriat-Yearim maŋ lɛ shwiei ji Haroebii lɛ, kɛ Menahot maŋ lɛ mli bii ayikulɛ fã ko,

⁵³ kɛ Itribii ni yɔɔ Kiriat-Yearim maŋ lɛ mli lɛ, kɛ Putbii lɛ kɛ Shumatbii lɛ kɛ Mishrabii lɛ. Mɛnɛɛmɛi amli Zora maŋ lɛ mli bii lɛ kɛ Eshtaol maŋ lɛ hu mli bii lɛ jɛ.

⁵⁴ Salma, mɔ ni to Betlehem lɛ, shwiei ji Netofatbii lɛ, Atarot-Bet-Yoabbii lɛ kɛ Zoribii ni ji Manahat maŋ lɛ mli bii lɛ fã kome lɛ.

⁵⁵ Be nɛɛ mli lɛ woloŋmalɔi awekui komɛi hi shi yɛ Yabez maŋ lɛ mli. Amɛ ji Tiratbii lɛ kɛ Shimeatbii lɛ kɛ Sukatbii lɛ. Amɛ fɛɛ lɛ Kenbii ji amɛ, ni amɛjɛ Hamat mɔ ni to Rekab we lɛ shishi lɛ mli.