Biblia Todo Logo
Bìoball air-loidhne

- Sanasan -

1 Kronika 19 - ŊMALƐ KRƆŊKRƆŊ LƐ


David ye Amonbii kɛ Siriabii anɔ kunim
( 2 Samuel 10.1-19 )

1 Yɛ mli aahu lɛ Amonbii amaŋtsɛ Nahash gbo, ni ebinuu baye esɛɛ akɛ maŋtsɛ.

2 Kɛkɛ ni Maŋtsɛ David to eyiŋ ni ekɛɛ akɛ, “Mibajie mlihilɛ kpo matsɔ̃ɔ Nahash bi Hanun, ejaakɛ etsɛ mli hi hã mi.” No hewɔ lɛ, Maŋtsɛ David tsu tsuji kɛtee akɛ amɛyahã Hanun kpoo amɛhã lɛ yɛ etsɛ gbele lɛ hewɔ. Be ni David tsuji lɛ tee Hanun ŋɔɔ yɛ Amonbii ashikpɔŋ lɛ nɔ amɛyahã lɛ kpoo lɛ,

3 Amonbii lɛ alumɛi lɛ kɛɛ Hanun akɛ, “Naa, tsumɔ ni David etsu kɛba akɛ abahã bo kpoo nɛɛ lɛ kaasusu akɛ ekɛmiiwo otsɛ hiɛ nyam. Maŋ lɛ saramɔ kɛ eshikpamɔ moŋ hewɔ ni David ewo etsuji gbɛ kɛba nɛɛ bɔ ni afee ni enyɛ maŋ lɛ ebaŋɔ.”

4 Enɛ ha Hanun mɔmɔ David tsuji lɛ, ni eshɛshɛɛ amɛtsɛŋi fãfãafãi eshwie, ni no sɛɛ lɛ efolɔ amɛtadei lɛ anɔ yɛ teŋ tuuŋtu kɛbata amɛdukui anɔ, kɛkɛ ni ejie bɔfoi lɛ agbɛ ni amɛtee.

5 Be ni abagba David bɔ ni afee etsuji lɛ, etsu ni akɛ tsuji lɛ yakpe yɛ gbɛteŋ ejaakɛ abɔ amɛ ahora fe nine. Ekɛ shɛɛ maje yahã amɛ akɛ amɛwa Yeriko kɛyashi amɛtsɛŋ lɛ aaatsa dani amɛba shĩa.

6 Hanun kɛ Amonbii lɛ na akɛ amɛyatsi David sɛ̃, no hewɔ lɛ, amɛkɛ jwiɛtɛi talentai akpe tsu akɛtee ayabɔ tayaa shwiilii kɛ okpɔŋɔnɔtalɔi apaa yɛ Mesopotamia kɛ Aram-Maaka kɛ Zoba yɛ Siriabii ashikpɔŋ lɛ nɔ koni amɛbawa amɛ.

7 Shwiilii akpei nyɔŋmai etɛ̃ kɛ enyɔ lɛ kɛ Maaka maŋtsɛ kɛ etabilɔi lɛ, mɛi apaa ni ayabɔ lɛ ba, ni amɛbagba ta yɛ Madeba maŋ lɛ hiɛ. Amonbii lɛ diɛŋtsɛ hu bua amɛhe naa kɛjɛ amɛmaji lɛ amli ni amɛ hu amɛbagba ta.

8 Be ni David nu lɛ ewo Yoab kɛ hii kãkãlɔi asafo muu lɛ fɛɛ gbɛ kɛtee.

9 Amonbii lɛ je kpo ni amɛbagba ta yɛ amɛmaŋ lɛ agbo lɛ naa. Shi maŋtsɛmɛi ni ba Amonbii lɛ awamɔ lɛ sɔŋŋ tse amɛhe, ni amɛgba amɛta lɛ yɛ ŋa lɛ nɔ.

10 Be ni Yoab na akɛ agba ta awo lɛ yɛ esɛɛ kɛ ehiɛ fɛɛ lɛ, ehala Israel tabilɔi kãkãlɔi lɛ ateŋ mɛi komɛi, ni ehã amɛgba ta koni amɛkɛ Siriabii lɛ akpe.

11 Etabilɔi ni shwɛ lɛ, etu amɛ fɛɛ ewo enyɛmi Abishai shishi. Amɛ lɛ, amɛgba ta lɛ koni amɛkɛ Amonbii lɛ akpe.

12 Kɛkɛ ni Yoab kɛɛ Abishai akɛ, “Kɛji ona akɛ Siriabii lɛ anine miitsɔ̃ minɔ lɛ, ni obaye obua mi; mi hu kɛji mina akɛ Amonbii lɛ anine miitsɔ̃ onɔ lɛ mibaba mibaye mabua bo.

13 Feemɔ ekãa ni ohã wɔfee hii yɛ wɔmaŋbii kɛ wɔNyɔŋmɔ lɛ maji lɛ ahewɔ, ni Yehowa aaahã nɔ ni lɛ esumɔɔ lɛ aba mli.”

14 Kɛkɛ ni Yoab kɛ tabilɔi ni yɔɔ eshishi lɛ tsɛ̃ kɛyanina Siriabii lɛ; shi Siriabii lɛ jo foi.

15 Be ni Amonbii lɛ na akɛ Siriabii lɛ ejo foi lɛ, amɛ hu amɛjo Abishai naa foi ni amɛyabote amɛmaŋ lɛ mli. Kɛkɛ ni Yoab ku esɛɛ ni eba Yerusalɛm.

16 Be ni Siriabii lɛ na akɛ Israelbii lɛ eye amɛnɔ kunim lɛ, amɛtsu bɔfoi ni ayaŋɔ Siriabii ni yɔɔ Eufrate Faa lɛ bokãgbɛ lɛ kɛba. Zoba Maŋtsɛ Hadadezer tatsɛ Shofak nyiɛ amɛhiɛ kɛba.

17 Abagba David, ni no hewɔ lɛ, ebua Israel tabilɔi fɛɛ anaa kɛkɛ ni ekɛ amɛ fo Yordan Faa lɛ kɛbanina Siriabii lɛ, ni egba ta ewo amɛ. Kɛkɛ ni abɔ̃i wuu.

18 Shi Siriabii lɛ jo foi yɛ Israelbii lɛ ahiɛ. David gbe Siriabii shwiilitsɛmɛi akpei kpawo kɛ tabilɔi nanenɔnyiɛlɔi akpei nyɔŋmai ejwɛ, kɛ amɛtatsɛ Shofak hu.

19 Be ni maŋtsɛmɛi ni yɔɔ Hadadezer shishi lɛ na akɛ Israel eye amɛnɔ kunim lɛ, amɛ kɛ David bakpãtã, ni amɛsɔmɔ lɛ. Kɛjɛ no sɛɛ lɛ amɛyaaa amɛyayeee amɛbuaaa Amonbii lɛ dɔŋŋ.

Bible in Ga Language © Bible Society of Ghana, 2020.

Bible Society of Ghana
Lean sinn:



Sanasan